موقف حماتي بالعيد

[ام ساروونة]

قوة بناتا شلونكم بخير انشاللة:eh_s(8): بدش عالموضوع دايركت بنات عندي وحدة من خوات ريلي دايمن لما تشوفني ماتسلم علي تخيلو بالعيد ييت بدش الصالة ولا أشوفها عاد ييت بسلم عليها واعايدها تخيلو تسوي نفسها ماطالعني مع أني جبالها ورد مرة ثانية سوت نفسها ماطالعني وراحت بسرعة وامشي واسلم على خواتها والناس اللي قاعدة ويعايدوني خوووووو عيد سلمي أعوذ باللة......وتدرون بنات مويس بالعيد الايام العادية أشوفها تكون موجودة بيت خالتي ماتسلم احسها تتعمد تتجاهلني وخواتها يأكلوهم يسلمون علي مع انهم مو متزوجين بالبيت دايمن بس واللة حلفت أعطيها طاف من امه واللة لو مأكله حلال ابوهاماتسوي جذي ماشافت مني شي واهيا عندها ولد واحد ياحلوه دايمن يسلم علي وبالعيد عايدني وعطيته عشرة لووووول يعني كريمة شرايكم احب اسمع آرائكم النيرة:eh_s(17)::eh_s(17):*

 

[نوغه.]

الله يهديهاا لنفسهااا وانتي الي عليج سويتيه رحتيلها مرتين

 

[فوفو22]

شوفي مؤمنه واطبّق مقوله الرسول صلى الله عليه وسلم

((خيركم من يبدأ بالسلام))

فاحب اكون عند الله بالاخيّر والافضل من الذي يتجاهلني بالتحيه

فوفو

 

[جولينار]

أحسن دوا للي يحاول يستفزك تحقره


حبيبتي لاتردين عليها ولاشي


هذي عقلها قد حبة السمسم


تغابي وتغافلي وطنشي وعيشي حياتك


وعيدك مبارك

 

[عيون القلب]

أنا جات عليّ فتره كذا و ثنتين منهم مب وحده .. و الله وكيلك من انتبهت على تصرفهم الغبي هذا عطيتهم أكبر طاف بالتاريخ

ليما تسنعوا من انفسهم كذا .. طبعا مو طيب منهم لااا حدتهم المصلحه ، احتاجوني و كلموني ..

 

[وردة^الكويت]

سلمي لان السلام لله
و لا تعاملينها باسلوبها تعاملي باسلوبج

و راح يجي يووم و هي تركض وراج

خليج احسن منها

 

[فلنتينو]

انتي سويتي اللي عليج وبديتي السلام عليها او رحتي لج نية السلام
والله اعلم بالنوايا
مدام ماتبي السلام بكيفها الله يهديها

 

[iLLuMinaTion]

المبادره مطلوبه

 

[انا لحبيبي .]

هادي مريضه نفسيه وفيها عقدة نقص ، صدقيني ماتجاهلتك ونسحبت من قبالك من فراغ ، الانسان السليم بوقف وبسلم عادي ، لكن المريض نفسيا بينسحب ، نصيحتى الك قول الرسول صلى الله عليه وسلم : خيركم من يبدأ بالسلام

ادخلي وسلمي عليها واذا تجاهلتك ناديها باسمها قدام الكل وسلمي عليها ، رح تحس انك افضل منها ، حتى اهل زوجك رح تكون نظرتهم الك تختلف عن انك عاملتيها بالمثل .

واذا هي طنشتك وما ردت عليكي ، وقتها بتبين على حقيقتها وبكون معك حق تاني مره انه ما تسلمي عليها .

 

[قلبي طفل مغرور]

اكبر طااااااف داام اهي ماتبي تسلم مو الا تسلمين عليهاا

 

[كادى الحب]

طاف ولا تعورين قلبج

 

[ســتارز]

اهي ماتسلم عالكل والا عليج انتي بالذات اذا الاخيرة لو حصل لي مثل هالموقف افضل

الحلول هي المواجهة بيني وبينها بدون تدخل احد وتعرفين السبب

 

[كحيله وفدعه]

بالطقاق مالت عليها وعلى سلامها 


ههههههههههههه بوسه لج طااااااااااف

 

[ام شيخوه]

خليها تولي هاذي الغيرة وماتسوي

 

[* بنت المطر *]

حبيبتي احرجيها قدام اهلها دامها خربانه خربانه قوليلها عسى ماشر فلانه علامج ماتسلمين ؟؟ ترا السلام ابلاش موبفلوس

واذا مصختها قوليلها ترا انا ماخذه اخوج موماخذه زوجج !

 

[خالف تعرف]

اعرف وحده ماتحب تسلم بس طبع عرفتي
يعني مو محاربه احد بس وقت التسلم تسوي حركات جنها ماتدري
واذا كلش كلش قربو تمد ايدها
لان اهيه ماتحب
فقمنا كلنا نسلم عليها من بعيد

 

[ام ساروونة]

مشكورين كل اللي ردو واللة أنكم تبردون الجبد .....وستارة بالنسبة لسؤاالج لااهياااا تسلم عكل الا انا

 

[ام زهقانه]

خلاص يا اختي اهم شي انج بدتي لقول رسول خيركم من يبدا باسلام لاتكليمنها ولاشي قوليها عيدج مبارك ولاتقوين علاقتج فيها عزي نفسج بالعنه فيها اهم شي كرامتج

 

[زوجة عزيز]

بالطقاق مالت عليها وعلى سلامها 


ههههههههههههه بوسه لج طااااااااااف

معاها انا خليها اتولي ولا اتنزلين لها حتى لو يات بتسلم في يوم من الايام او كلمتج سوي روحج ما تسمعينها

 

[مولاي الفرج]

انا عن نفسي اذا تجاهلتني طاف

بس اذا تسلم علي بنفسيه

اسلم عليها عادي

اصير احسن منها