موقف صار وياي عالبحر ابيكم تحكمون على اللي سويته

[& يابعدهم أنا &]

والله اللى سويتيه أكبر غلط ؟

 

[& يابعدهم أنا &]

والله اللى سويتيه أكبر غلط ؟ لو بتلافين مراح تخلصين منهم

مهما كان انتى بنيه ؟

 

[sun_light]

اسمحي لي حبيبتي
أنا أشوف ان هذا التصرف غير صحيح , تذكري ليس الشديد بالصرعة
ولو كل ما لف عليج واحد , رديتي عليه صدقيني ماراح تخلصين
خليج دائما هادية هادية هادية ....................................

 

[شابكه و زهقانه]

انا هاديه والله وماحب اتهاوش وهالسوالف بس هذي تسبني وتفل وطقني

 

[law girl]

ما شاء الله عليج و الله زين تسوين

انا عن نفسي اخاف و حدي هرن و الليت العالي بس الحمدلله في وحده نفسج تبرد قلوووبنا :d

 

[::فوشيه::]

هههههههههههههههههههه

والله ضحكتيني ,, عاااشت بنت الكووويت,,,~~

هههههههههههههههههههههههههههههههههههه

 

[* ليــــدي *]

مستخدمين موجودين حالياً يشاهدون الموضوع: 2 (2 أعضاء و0 ضيوف)
* ليــــدي *, شابكه و زهقانه

ياكــرهي

 

[شابكه و زهقانه]

مستخدمين موجودين حالياً يشاهدون الموضوع: 2 (2 أعضاء و0 ضيوف)
* ليــــدي *, شابكه و زهقانه

ياكــرهي

الخلا الخلا

 

[brettey]

من صجج ؟
بعد عمري والله زين تسوين انا احب البنت الي جذيه تاخذ حقها
قلعتها والله زين تسوين
انتي مثلي انا نوعي ما احب احارش او اغلط على احد بس الي يحارشني يا ويلي والله اغلط عليه بالعشر

 

[شابكه و زهقانه]

يامرحبا يامرحبا

 

[سيدة الذوق]

عاشت عاشت

 

[ام فهووودي]

زين سويتي

مدامها اهي اللي بدت بالغلط اول شي تتحمل اللي صار لها

ههههههههههههه يحليلج سويتي فلم اكشن وانتي تلحقينها بالسياره

 

[كيوت_25]

رد: نصيحه من اختج

انا باطين جبدي اليي قولون الي مايدينج هيلق ولا يهالو ولا مراهقيييييييييييييييييييييين افصد كيوت اي نعم كيووووووووووووت المرا تفلت وسبت وحذفت كلينكس لاحظو انها حذفت كلينكسسسسسسسسسسسسسسسسسسسسسسس وتبين البنت تسكت وتقول استغفر الله يعني ولا شنو بالضبطططططط لو انا منها بعد انزل من سيارتييييييييييييييييييييييييييييي واكمشها من كشتها وزين خذيتي حقج منهاااااااااا واي واحد يصير معاه هالموقف لا يسكت وين قاعديييييييييييييييين عشان هالمصاروه وبقول مصاروه وايد عشان كيوت تنقهر يسون جذي بديرتنا

ههههههههههههههههههه

يا حليلج يا ام فطوم :dddds:

انا اقول هدي و مسكي اعصابج علامج مشتطه ؟!؟!؟!




و بعدين انا شكو انقهر ؟!؟!


حمد الله أنا ارقـى :wqedqw: من هالتفكير السطحي للبعض

الي دايما عندهم انه إلي (( يأيد رأيهم فهو معاهم :ggdw: و الي يخالفه فهو عدوهم :eh_s(13): ))

فمن جذي و لله الحمد ما اعرف القهر :sfg:

لانه نوعي اتقبل الرأي الآخر ... لكن الي ما اتقبله انه احد يفرض رايه علي :23_asmilies-com:

و انا رأيي الشخصي انه تصرفها ابو الغلط ... يبا كيفي هذا رايي انتي شمعور قلبج !! :eh_s(10):




و بعدين من قال اني صافه مع المصاروه ؟!؟!
انا تكلمت عن العنصريه بشكل عام



و سالفه انج تقولين (( لو انا منها بعد انزل من سيارتييييييي واكمشها من كشتها ))

فإنتي حرة لإنه كل واحد يتصرف على حسب بيئته و تربيته



و الاهم من قال اني قلت انه (( الي مأييدينج هيلق !!!! ))

لا حبيبتي هذا مو اسلوبي و انتي شكلج كنتي لاهيه او متنرفزه فما قريتي ردي عدل فحبيت احطه مره ثانيه عشان تركزين و تستوعبين الي قلته


و تقبلي مروري حبيبتي

و ان شاء الله انج ما تنقهرين من ردي مثل ما انا ما انقهرت من ردج :eh_s(3):

اختي طلبتي راينا فتفضلي رأيي بالموضوع

و من الحين اقولج استعدي لانه ردي ما راح يعجبج نهائيا


بس انا متأكده مليون بالميه انه الصح

.
.
.
.

شوفي اختي اغلب الي أيدوا ردة فعلج ما يخرجون عن احد هالخيارات


يا يهالوا و مراهقين ما لهم خبره في الحياه و مندفعين في كلامهم و تصرفاتهم فأيدوج


يا من ربعج بالمنتدى و يرفعونلج الموضوع و يزيدون الجيله بإنه رده فعلج عاديه و حلوه :ggdw:عشان باقي البنات لي قروا ردودهم يتأثرون بكلامهم و يأيدونج
لانه للاسف احنا العرب عموما مع الخيل يا شقرا :RoadRunner:.. شفنا الناس قالوا صح قلنا صح قالوا غلط قلنا غلط


او بنات عندهم حساسيه من المصرين فكان هالموضوع فرصه عشان يطلعون حرتهم مع انهم المفروض يوقفون مع الحق بغض النظر عن الجنسيه (( و الرسول عليه الصلاه و السلام كان اذا يهودي اشتكى لـه من مسلم يصف مع الحق سواء كان مع المسلم او اليهودي )) يعني الحق حق


** عموما بغض النظر عن الردود الي اغلبها مؤيده لج و الي انا متأكده انه في اضعافها مو مؤيده لكن تفضل انها تسكت و ما تعلق :nocommint: و تبعد عن المشاكل
و بصراحه انا منهم
اول ما قريت موضوعج قلت لا حول ولا قوه الا بالله خل ارد عليها و بعدين خفت تنط لي وحده ملسونه ما تفهم انه الحوار اخذ و عطا و انه مو بالضروره اكون مؤيده لرايج لكن حسمت قراري
و قررت اني ارد و اذا في وحده سفيه ردت بطريقه بايخه فأطنشها


ادري طولت عليج بس حبيت اوضح كل النواحي




اولا : (( و شهد شاهد من اهلها ))
قلتي من البدايه بعظمه لسانج ( انا وحده اتنرفز بسرعه و جني الواحد المتقاعد يناشب بكل شي ويدور السبه والعله واللي يغلط ماعندي مشكله امد ايدي ولساني متبري مني


يعني من البدايه احنا متفقين انج نار و شرار حتي لو الموقف سخيف و الدليل كلمه ادور السبه و العله


ثانيا : (( معظم النار من مستصغر الشرر ))

انتي قلتي لفت علي مصريه ... يعني كل هاللويه و القصه عشان لفت عليج !!!!
انزين يمكن ساهيه يمكن ما فطنت يمكن و يمكن و يمكن
يقولج (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.)

و انتي الي يهداج على اولج طيرتي قلب المره بالهرن ؟!؟!؟
و انا ترى ما اعترض على انج طقيتي الهرن لانه عندي قاعده انه الهرن هو اسلوب تفاهم بين السيارات بس عاد اطقه مره عشان انبهها مو اعلق على الهرن مثل ما تفضلي حضرتج
و بعدين اختي (( حدث العاقل بما يعقل )) هل من المعقول بمجرد انج طقيتي هرن راحت قالت لج بنت الكلب ؟!؟!
انا مو مقتنعه انه السالفه جذي بالضبط :eh_s(10):

و عموما آمنا بالله و صدقنا انها بمجرد طقه الهرن قالت لج بنت الكلب

بس بذمتج

بذمتج و ربج فوقج

هل هالتصرف يخليج توقفين بالشارع و جدام الشباب (مثل ما ذكرتي انهم قالو عاشت ) و تحذفين المره بالجوتي و تلحقينا بالثاني و فوقهم بطل ماي و تلزمين بريك جدامها و تخلينها تدعمج و تودينها المخفر !!

كل هذاااا ؟!؟!؟

و لما تتوسلج انج تتنازلين عن القضيه تكلمينها باحتقار ؟!؟!؟!؟!؟!؟!؟!؟!؟


انزين وين الرقي بالتعامل ؟؟ وين التسامح ؟؟ وين التماس الاعذار للناس ؟؟ وين الصدر الوسيع ؟؟


يبا خلي كل هالاخلاق الزينه

وين الطنااااااااااش ؟!؟!؟

ما يصير تقولين هذي سفيه او واطيه ما انزل مستواي لها ؟!؟!؟!!؟


ثالثا : (( لا فرق بين عربي و أعجمي الا بالتقوى ))

الي يقولون مصريه و مصريه

انا بسأل هل اذا كانت البنت الي لفت عليها كويتيه نفسها هل بتكون رده فعلكم نفسها ؟؟!

اذا كان نفس رده الفعل فهذي طامه و اذا كانت لا فالطامه اكبر ؟!؟

لانه بهالحاله تكشفون انه للاسف فيكم عنصريه مو طبيعيه !!!!! :23_asmilies-com:

يبا مصر ما تحكمون عليها من اشخاص مصر حضاره من سبعه الاف سنه و فيها الزين و الشين

مو كل ما صار شي قلتو مصري طايح حضه ولا مصريه بياعه فول !!!!

ومن قال يا حلوين انه كل المصاروه طاقهم الفقر و من بيئه واطيه !!!

لا يبا في مصرين اغني من الكويتي و في مصرين اذرب و ارقي من الكويتي و في مصريين مثقفين اكثر من الكويتي

و انا اهني ما ادافع عن المصاروه

لكن اتكلم عن العنصريه بشكل عام

ليش نشوف العالم من طرف خشمنا ؟!؟!؟!

هذا مصري و هذا هندي و هذا بنغالي !!!!!!

ليش اذا صار لنا موقف مع كويتي نلزم حدودنا و اذا مع وافد نستعرض عضلاتنا عليه

صدقوني هذا ان دل على شي يدل على ضعفنا لانه قوتنا مو قاعد تطلع الا على الي اقل منا !!!!

و نفس ما احنا ما نحب انه الناس يحكمون على شباب و بنات الكويت انهم مو زينين من مجرد تصرفات تصدر من البعض فالمفروض ما نعمم شي على بلد معين





رابعا ((ستري على ما واجهتي ))

بصراحه انا استغربت لما بديتي بذكر صفاتج الجونكريه (( نسبة الي بطل الكارتون جونكر )) و منهم طول اللسان و اليد و النجره و و و الخ و الي اعرفه انه الناس يبينون الزين فيهم مو الشين فما ادري هل انتي تفتخرين انه فيج هالصفات ؟!؟!
انا اتمنى انه لأ
لانه اذا هالشي فيج فيدخل من باب المجاهرين بالمعصيه
يعني مثلا انه الواحد ما يكتفي انه عنده صفه شينه ... لا ... الا فوق شينه قواه عينه .. و يتفاخر انها فيه !!
و ان شاء الله انه هالشي بعيد عنج





و اختي هالنصيحه مو بس لج
لكل خواتي الي أيدوج بتصرفج

و صدقيني انا لو ما ابيلج الخير و عادتج مثل اختي جان ما تعبت عمري بهالمحاضره الطويله

و الاسهل لي اني اصف طابور :ioljnmlk: مع هالبنات الي يهللون لج و يباركون على هذا العمل المجيد !!!

لكن انا حبيت اني اطبق وصية حبيبنا رسول الله ((انصر اخاك ظالما او مظلوما ))
مظلوم في انك تنصره على الي ظلمه
و ظالم في انك تنصحه


و اتمنى اني قدرت اني انصرج (;


و تقبلي مروري

 

[لؤلؤية]

ما شاااااااااااااء الله عليج
عجبتيني

 

[وردة-الكويت]

والله اني حبيتج زين سويتي فيها احسن

خل تحترم نفسها وتعرف تكلم عدل مع وليين نعمتها

 

[Anwaar]

هههههههههههههههههههههههههههههههههههههههههههههههه

حدج فصلتي عليها

 

[sweet barbi]

والله عاد فى مثل ياغريب كون اديب

واااايد قامو يتمادون صراحه ولافى حشيمه ولا احترام حق الديره الى ظافتهم

والعين بلعين والسن بسن والبادى اظلم

واهى قلعتها قامت تسب وتفل وعلى قولتهم من طق الباب سمع الجواب

 

[كوكب الدرر]

فتحت الموضوع وقريته وطلعت من غير ما أرد لأن ردي ما راح يعجبج
بس ما قدرت ... اللي قريته حيل أثر فيني

رديت فتحت الموضوع علشان أقول رايي

صحيح إن العين بالعين والسن بالسن والبادي أظلم
لاحظي ... العين بالعين مو العين بالراس
أقصد إن ردت فعلج كان المفروض تكون على قد اللي صار مو أكثر

الحرمة سبتني أسبها وخلاص انتهى الموضوع
لكن اخليها تطقني وارد اطقها وافتعل حادث علشان اكسر سيارتها واخسرها ... لا ... ما يجوز
لو لا سمح الله دعمتج وصار فيها عاهة مستديمة أو حاولت تتفاداج ودعمت أحد ثاني ماله ذنب أو لفت حيل وانقلبت فيها السيارة وماتت

شنو راح يكون موقفج وقتها ؟؟

هل راح يبرد قلبج باللي سويتيه

والشي الغريب واللي خلاني أتعجب أكثر اهو ردود البنات اللي قاعدين يشجعونج

هالكثر بناتنا يحبون العنف ؟؟؟

وين التسامح ؟؟؟ ليش الناس ما تحب تعيش بسلام ؟؟؟

ليش لما نشوف اثنين يتهاوشون نشجعهم بدل ما نصلح بينهم

سامحيني بس ردت فعلج كان مبالغ فيها

ولا تنسين الرسول صلى الله عليه وآله وسلم دايما يحثنا على الحلم عند الغضب

هذا رايي وسامحيني إذا ردي ما عجبج

 

[أنفاسي دخون]

الله يهديش ان شاء الله بس موقفش غلط كان صرتي ارقى منها مو تنزلين نفسش لمستواها

 

[أم حمودي**MALL**]

لوووووووووووووول
صج ترى ضحكت ضححححححححك

وانا تقريبا طبعي نفسج ما عرف منو يدامي اذا غلط علي

بس بقولج على شغله
لاتتهورين لان مو دايمن بتطلع لج وحده مثل هالمصريه تخق بسرعه
في بعضهم الله لا يقوله ممكن تذبحج
فديري بالج