موقف مع ريلج اول مادريتي انج حامل

[فواحااا]

السلام متزوجات :eh_s(7)::eh_s(7): بدخل بموضوعي على طول تزوجتي وصرتي عروس وشهر عسل وجا دور انج تكونين ام:ioljnmlk: شنو كانت ردت فعلج اول مره دريتي فيها انج حامل انتي وريلج واهل ريلج واهلج وشنو كان احساسج يالله متزوجات لكم المايك تفضلو:eh_s(1):

 

[دندونه.]

لي تزوجت حبيبي وحملت باقول لج
يسلموووووووووووووو

 

[Kuwatiah fe USA]

زوجي يعز النوووووم فأول مادريت اني حامل ببجري كنت قاعدة بنص الليل وسويت التحليل وطلع لي خطين :eh_s(9):
فرحت قعدته وقلتله وكنت كلي حماس جان يفج عين وحده وقالي صج قلتله ئي والله جان يلمني ورد نااااااام عادي يعني:eh_s(14):
جان انام انا بعد :ch12:

 

[Om zayd]

انا طولت علي ما حملت تقريبا ٦ شهور وكنت كل شهر اروح احلل وساعات احلل تحليل الصيدليه وعقب مستشفي
لما يأست خلاص وكنت حزتها اعالج لان الدورة مو منتظمه تيني كل ٤ شهور فغاسله ايدي من الحمال هه
يومها تأخرت الدورة قلت كل عاده ما راح تيي بس خل اتأكد عن الشكه رحنا الامومه وحللت قالت مبروك مدام
انتي حامل وريلي انصدم وانا انصدمت ونطالع الورقه bositive مو مصدقين لووول تعودنا علي نقتف
وبس ركبنا اللفت وباسني من الفرحه بعد عمري فديته وركبنا السيارة ما خلينا احد ما دقينا عليه خخخخخخ

 

[دلوعه ززوجي]

ههههه انا ثاني شهر من عرسي تأخر الدوره ورحت الطبيب وسويت تحليل طلعت مو حامل عصب وزعل وتكدرر ونحاسه بنفس آليوم نزلات بعدين يجي شهر الثاني تاخرت حيل جان يقول ماراح اوديج أهي جذب راح تنزل وكنت تعبانه قلت بحلل عشان اكل العلاج وطلعت حامل وستانس حيل وعلمنا كل الناس وبحملتي هذي نفس شي قلت انا تأخره ع الدوره قال عادي راح تنزل بعدين كنت تعبانه بعد قلت خلص بسوي تحليل أتأكد عشان اكل الا علاج جان اطلع حامل واهو يقول الستر شنو تقول حامل وناس كلهم درو أني حامل

 

[! بــدويه وآآيــد !]

،


انا لما دريت اني حامل اهو كان معاي بالمستشفى

بس صج صج صار فلم يومها

اول شي تأخرت دورتي 4 ايام وكنت اكل اكل موطبيعي وانا اكلي خفيف وعادي اعيش على صمون وعصير يوم كامل بس هالمره لا عيش ورق عنب ووجبه ماكدونالدز باقل من ساعتين كليتهم ! من غير الاكل الثاني وامي مصدومه تطالعني :|
قلت لها روحي جيبي لي تحليل حمل قالت انتي تعالجين التهابات الادويه ترفع الدوره قلت لها اوكي ابي تحليل قلبي ناغزني
وراحت جابت والا خطين وانادي امي وخواتي واحطه بالارض وكلنا متجمعين عليه ههههههههههه
قالت امي لاتقولين لزوجج حللي دم اول وزوجي مايرضى اروح مكان الا رجلي على رجله وادق عليه واسوي جدامه تمثيليه ان اختي متسممه وتبجي من بطنها وامي تبيني اروح معاها المستشفى وهو يقول لا ماكو روحه وامي تصرخ يلا يمه لحقيني روحي معاي ممثله درجه اولى هههههههههه واقوله اسمع حرام لازم اروح قال اوكي روحي وخلي تليفونج معاج كل شوي بدق عليج قلت له اوكي ورحت المستشفى وقعدت انطر دور كانوا جدامي واجد والا يدق زوجي العزيز قال وينج قلت اختي حطوا لها درب بالملاحظه قال اوكي باي 5 دقايق والا يدق قال انا برا طلعي لي قلت هاه ليش جيت؟ قال خلاص خلص دورج وبعد الدرب تقوم مافيها الا العافيه انا صرت جذي <:eh_s(14):> واخذ اختي وامسح مكياجها واقرص خشمها وتحكك عيونها يعني تعبانه لوووول واطلع له برا وادق قلت وينك انا وامي عند الباب قال انا جدام ملاحظة النساء شلون طلعتي وماشفتج؟ قلت وووي ماكو سرير فاضي وحطوها داخل مادري وين وغصب ترقعت :eh_s(1):
ركبت السياره وسألني دورتج نزلت قلت لا بس بقولك شي حللت بالبيت طلع خطين قال يعني شنو قلت يعني حامل قال مبروك قلت بس هاااا لاتعشم روحك مو اكيد100% هالتحليل قال اوكي الحين نتأكد

ورحنا الهادي ونزلنا المختبر تحت وسويت تحليل قالت بسوي لج هرموني احسن قلت مومشكله قالت نص ساعه نطري والله اني ماكنت افكر بالحمل وكل يوم ادعي دورتي تنزل بس بهذاك الوقت احس قلبي يرجف وجسمي بااارد والوقت مو راضي يمر ومابي اتفشل جدام زوجي خخخ
ربع ساعه والا تنادينا قالت سويت دم وفيه حمل انا هني استحيت من زوجي حيل والله استحيت منه اكثر من لما استحيت وانا عروس ههههه وهو يطالعني ويضحك يقول مبروك والا اخش وجهي بحضنه قلت امبيه لاتخزني والله استحيت منك قال شكو يالخبله خخخ وصعدنا فوق والنيرس موجوده وشافت الورقه قالت مبروك حامل قال زوجي مبروك ندري وعليا بس يكسر بالاوادم وقلت له دق لي على امي ودقيت عليها وقلت لها يمه ترى حللت وطلعت حامل وكلمت زوجي ووصته علي :$ مسرع اشتغلت امي لووول ولما ركبنا الاصنصير يطالعني ويضحك وانا منحرجه اقوله لاتطالعني جذي لا اركب الاصنصير الثاني والله من صجي ترى مستحيه منك ههههههههههه وجيت ببوسه بالاصنصير قال هيييي فيه كاميرا باجر تنتشر صورنا كويتين في فعل فاضح ههههههههههههه قل رقعتها قلت ويه ماكنت ببوسك فيه شي على شواربك بس صج يومها من الحيا خست بهدومي ليش مادري :eh_s(22):
ونطرنا الدكتور وما جا قال خل يولي
وركبنا السياره واشتغلت النصايح ماكو كعب ماكو حركات جهال تشوفيني تنقزين علي والا تنطين من السرير والا تقلبين راسج تحت ورجولج فوق حركات الجهال تهدينها < لوول حركاتي جدامه خخخ

8

يايمه ياكثر قرقتي :$

مششكوره حبيبتي ع الموضوع
وعسى الله لايحرم هاللحظات الحلوه من كل وحده تتمناها

 

[السليلة]

الحمدلله كان معاي بالمستشفي واااايد استانس الدرجه انا عطني بوسه بالسياره براسي وقلي راح تصيرين امي اعيالي الحمدلله

 

[مـهـرة]

للحين ماتزوجت >> احم احم ادعولي

 

[فتون777]

انا تميت سنتين بدون حمل وصار فلم هندي
حللت منزلي بلبيت
كل شهر احلل من يوم تزوجت ويطلع خط
هالمره ماحللت تأخرت الدوره شهر ماجات وجا موعدها في الشهر الثاني وانا مطنشه وبطلت احسب لها لانها ملخبطه
وكنت عند اهلي ابوي قال لامي بنتك اكيد حامل
بس امي ماقالتلي قالت لخواتي الكبار
وخواتي قالولي حللي
وحللت بعد كلامهم بيوم
قبل الغدا
سويته ورميته بلحمام
وخرجت رحت اتغدا
بس ماقدرت قتله روح شوفه انا خايفه
قام وراح يشوفه وانا ما دخلت الحمام واقفه برا
ومسكه بإيده وقلي مو حامل
خط واحد
وسكر باب الحمام
وانا مصدومه متسمره بمكاني
رجع فتح الباب قلي مبروك حامل
انا رجولي ماشلوني طحت ع الارض
وبكييييت وضحكت وانصدمت وخفت وكل شي
بس الحمدلله ربي رزقني بفارس حبيبي نور عيوني



وبعدها سألته ليش قتلي مو حامل
قال خفت تنفجعين وماعرفت شسوي

ههه مايدري انه بهالطريقه فجعني اكثر

 

[Monaliz]

امبيه بدويه وايد بدعتي الصراحه

ضحكتيني والله فلم تقرصين خشم اختج وتفرك عيونها

الله يتمم لج على خييير

 

[غراام الورد]

يالله ياارب لاتحرمني من هااذي اللحظه

 

[ملآمح ابوها]

ماتزوجت ادعوووولي

 

[السجينة]

كنا تونا متزوجين صارلنا شهر وشوي وبوقتها قاعدين ندور حجز بجزر المالديف وكل ما نرسي على جزيره نسمع عن جزيره احلى ونغير
اخر شي رسينا على جزيره وباليوم اللي بروح يحجز قلتله صبر لا تحجز .. قلتله الدورة متأخرة صارلها 4 ايام واول مرة بحياتي تتأخر عن موعدها وقلتله صبر .. اخاف تييلي وتخرب علينا سفرتنا وقالي اوكي .. وطلعلنا حجز شاليه ليوم واحد بمنتزه خليفه ورحنا هناك وقلتله قبل لا ننام .. لا تتعشم رد علي قالي على شنو شفييج قلتله بس ماكو شي واصر يعرف قلتله ما اعتقد اني حامل لان تونا متزوجين ويمكن صار فيه تغيير هرمونات علشان جذي تأخرت قالي حتى لو مو حامل عادي الله يرزقنا بعدين ..
وبالويكند راح عند ربعه وانا كنت بحال يرثى لها ترجيع وكله بنام بس ما قلتله ولما رد قالوله اهلي عن حالي .. عاد انا كشخت حدي ونزلت له بالصاله ما كنت ابي اقوله واخليه يسرح بتفكيره و يتعشم اني حامل وبعدين تصير لنا كسره قويه باني مو حامل
اول ما ركبت السيارة قالي خنروح المستشفى تحللين قلتله ماله داعي .. واصر علي وقلتله يالله نشوف محنا خسرانين شي

ورحنا وما كنا نعرف الاجراءات لوول تونا يدد .. وسوينا تحليل دم وقالت النتيجة بعد ساعة .. فقعدنا نفتر بالمستشفى ونسولف
واول ما نزلنا جان تصرخ السستر واهي تضحك شنو يبي انت حامل مو حامل وانا ساااااكته مو مستوعبه سؤاالها وضحكتها وفرحها
جان يرد ريلي عالسستر : اكييييد ابي تكون حامل .. قالت السستر : مبروووك حااااااامل
ريلي : صججججججججج من قلب ويضحك ومتخسبق جان ايي يبوس راسي ولي باب السياره واهو يضحك وانا سااااااكته مو مستوعبه كللللش شلووون انا احمل .. شلوون انا راح اصيير ام .. يعني بداخلي جنين .. يعني في كائن حي بداخلي
جان هني اهستر بالسيارة واضحك اضحك من قلب مو مصدقة ودقينا على امي وابوي وامه وابووه ورحنا تعشينا بفيش ماركت

احس كل هاللحظات قاعده تمر الحين حوولي
الله يتمم علي وعلى كل الحوامل ويرزقنا الذرية الصالحة ونشوفهم بصحة وعافية

يااارب ترزق كل محروومه وكل من تبي بالذرية الصالحة

 

[Bedor-al.3taiby]

ههههههههههههههههههه
امبي عجيبين
الله يتمم عليكم و علي
احنا لما رحنا نحلل بالهادي بنص الليل كالعاده
يت الممرضه قالت انتي حامل
ريلي من الصدمه ماقدر يوقف قعد ع الكرسي و قام يبجي من الفرحه حياتي
هههههههههههه
ۆٱڵـڵـهـ من صج استانست لما شفته فرحان ڵــے هًاڵـدڑجهـ حطيت ايدي ع ظهره و بست راسه جان يقول لا عيب جدام الناس
و اهوه ليلحين يعيااااط ههههه
ركبنا السياره
دقينا ع العالم كلهم الساعه وحده او ٢ بالليل اعتقد كان
و رحنا زرنا امي لين وصلنا و اهوه يعيااااااط
و قالي ۆٱڵـڵـهـ مالي شغل اول ما نوصل بيت اهلج بلمج
مۆ تقوليلي خوانج قاعدين بالدوانيه بلمج بلمج
وصلنا البيت دخلنا الدوانيه الثانيه مالت المناسبات و نطيحله تلملم هههههه و هوه يعياااااااط
خلصنا دخل ع طول الحمام عشان يظبط شكله و ٱڼـٱ دخلت داخل اناديهم
كل اهلي فرحانيييين ماشالله


اللي يشوفنا يقول سنين ما يابوا عيال و احنا ماصارلنا شهر متزوجين ماشالله ههههههههههه

صج استانس لما اتذكر هالموقف عسى الله يتمم علي و عليكم

 

[الاء حسين]

انا بداية زواجي سقطت وماحملت الا بعد ستة شهور

وقبلها بشهرين كانت تتاخر ونفرح وبعدها تشرف

وبعدها حللت وطلع خطين وربي فرح مووووووووووووووووت وقام وباسني وضمني وبعدين نمت

وحبيبي جالس صاحي ما جالوا النوم وراح غسل ملابسي وبخر البيت

وانا صحيت مبسوطة ربي يتمم حملي ويرزقني بولد صالح طيب بار فينا اللهم امين

ويرزق جميع بنات المسلمين ازواج صالحين واطفال اللهم امين

 

[بسمه غلا]

الله يررررررزق كل وحده محررومه
ولا يحرمهااا من هالفرحه فرحه الامومه يارب​

 

[ورود متناثره]

ياارب لاتحرمنا

 

[* Snow White *]

امبييييييييه حددددكم كيووووت وسوالفكم اكوت بعد وااي تونسوووون
الله يوفقكم يارب ويوفقنا وياكم .. انا مو متزوجه للحين، ^.^

 

[فديت سالم]

اممممم انا مااكنت ادري جم متأخره حللنا وطلع حمل والله اذكر الدكتور كاان معصب من السستر وقال لزوجي حاامل بدون نفس مع ان طبيب خااص وزرجي من الفرحه خاامسه وباس راس الدكتور شكوووووووووووو. ههههههههههههه وانا بالسياره بكيييت تفكيري مووو فرحانه فيه لاااا تفكيري شلووون بيطلع؟؟؟؟ عمري ١٦ صج يااهل ،،،، واهووو ينااديني يالحاامل ،، ولما نزلنا البيت كاان مااسكني من ظهري ويقوولي شوي شوي واخته الله يهداهاا كانت تطالعني من فوووق لي تحت شلون ماسكني ويقولي شوي شوي مووعااجبهاا لماااا قالهم حاامل استااااانسوووووو حييييييييل واخته لاتشوووفووووونهااا من الفرحه الله يرزقهاا تزوجت توهاا من سنه ومااحملت وانا بعد صارلي اكثر من سنتين اعالج ابي الحمال عسى الله يرزقنااا جميعاااا وكل من تتمنى الحمل ويخليلي بنوووتااتي فديتهم

 

[UNICORNA]

زوجي يعز النوووووم فأول مادريت اني حامل ببجري كنت قاعدة بنص الليل وسويت التحليل وطلع لي خطين :eh_s(9):
فرحت قعدته وقلتله وكنت كلي حماس جان يفج عين وحده وقالي صج قلتله ئي والله جان يلمني ورد نااااااام عادي يعني:eh_s(14):
جان انام انا بعد :ch12:

نفس السيناريو بحذافيره