موقف يقهر !!

[دلوعة باباتها]

سلام بناااااااااات










بقولكم الموقف وانتوا حكموا
بنات انا اختي توها متعينة بالدوام
عاد ياتني توقولي في وحدة ويانا من قسم ثاني بس تيي بعض المرات تسولف معانا
وحاسة انها بس تقعد وتطالعني يعني كل مااجوفها الاقيها توخر عينها مني
عاد ذاك اليوم وانا طالعة جفتها ركبت السيارة مع واحد شكله ولدها
وانا ابتسمت لها ورحت سيارتي ..
ثاني ييوم جان تييني جان تقولي والله ماادري شقولج بس انا من اول ماجفتج حبيتج وارتحلتلج ودشيتيي قلبي ماادري انتي متزوجة؟؟
جان تقولها اختي ايي انا متزوجة وعندي ولد جان تقولها ماشالله مايبين عليج الله يخليه لج انشالله
جان تقولها المره : انا عندي ولد وقاعدة ادورله بنت الحلال فقلت اذا انتي مو متزوجة اخطبج حقه يعني بس الله يهنيج ويسعدج انشالله
جان اختي تقولها بس انا عندي اخت اذا انتي تبين وحدة نفسي يعني !!!!!!!!!!!!!!!!:eh_s(14):
جان تقولها اي والله جان زين خلاص عطيني رقم الوالدة وانا انشالله ادق عليها
وصج دقت
بس بنات انا حدي متضايقة شلون اختي قالتلها جذي يعني انا ليلحيني صغيرة ومو طايحة بجبدهم عشان تقولها انا عندي اخت !!! اشكره قاطيني عليهم صح ولا لأ؟؟
ردوا علي بسرعة احس بنفجر:0bee2e8d89:

 

[نونو7]

عادي حبيبتي وبعدين ترا للحين يعني ماصار شي يمكن الولد يطلع خوش ولد وبعدين الزواج قسمة ونصيب وانتي مو مجبورة توافقين يعني عادي تقدرين ترفضين ولا تاخذين الامور جنه غاصبينج

 

[monaco 90]

عادي سوالف الخطبه دايما يصير فيها تلصق ولا شلون

 

[جـــواهر]

للحين ماصار شي ترا
وتقدرين ترفضين
لاتزهبين الدوا قبل الفلعه

 

[دلوعة باباتها]

بنات انا عادي عندي اتزوج مو رافضة الفكرة
بس بعرف اللي سوته اختي صح ولا لأ؟

 

[sweetlawyer]

وعليكم السلام

إيي مثل ما قالوا عادي إختج أكيد تبيلج الخير وإن شاء الله يطلع خوش ولد ويكون من نصيبج

وإذا ما تبينه طرشيه حقي كاااااااك


لا أتغشمر لوووول ;p

 

[دلوعة باباتها]

sweetlawyer

ضحكتيني وانا مقهورة لوووووووووول
خل اجوفه اذا حلو بجلب فيه واذا يعني بدزه لج لوووول

 

[مريوم 2009]

والله أنا أشوف الموضوع عادى .. والمثل يقول أخطب لبنتك ولا تخطب لولدك..وهى خطبت لأختها..
بس أهم شئ أستخيرى قبل أي شئ..والله يوفقكى أن شاء الله..

 

[كوكاو بو نجوم]

اختج تبي لج الخير
و بعدين سوالف الخطبة صج تضحك تدرين عاد امي انخطبت بعزا !!!
لا و امها اللي اهي يدتي الله يرحمها اهي اللي قالت لام ابوي الله يرحمها عنها
عادي هالمواضيع ما فيها شي .. و بعدين هذي ارزاق و قسمة و نصيب
اممممممممممممم و اذا حسيتي انج قاطة روحج عادي لا توافقين ... بس بهالحالة ما اوافقج الراي اذا الولد طيب و ولد حلال وافقي و عسى الله يوفقج

 

[nanushi]

حبيبتي عادي ما غلطت اختج .. يعني المره سألتها متزوجه قالت ايي و المره ما سكتت ولا رقعت الموضوع كملت لها السالفه وقالت انه عندها ولد يدورن له فــ اهيا واضح انها تبي اختج تذكر لها احد من طرفها او تعرفه يعني مرتاحه من اختج ..

لا تصيرين حساسه زيادة عن اللزوم و الله يكتبلج اللي فيه الخير :*)

 

[دلوعة باباتها]

والله ماادري احس ان موحلوه بحقي
المشكلة ان يمكن اهوا اللي كان معاها بالسيارة وجاف اختي واكيد انعجب فيها >>> من الحين الغيره بدت لووول

 

[تنـــاســـانــي]

حبيبتي .. والله اللي سوته اختج عين العقل .. مافيها شي .. كل الناس تسوي جذي ..

و اهيه تبيلج الخير .. عاااااااااااااادي مافيها شي .. ماله داعي القهر ..

عادي باباتي .. شوفي الريال يمكن يطلع خوش ريال و لا تفكرين ترفضين والله لان اختج سويت جذي ..

مافيها شي والله .. ولا لازقتج فيهم ولا شي ..

بالتوفيج ان شاء الله

 

[دلوعة باباتها]

خلاص اقنعتووني
عاد يوم قالتلي انا ابتسمت بويها بس من داخلي كنت وايد متضايقة
بس انتو الحين هونتو علي
ودعواتكم بنات
مشكورين ماقصرتوا :*

 

[& دلوعه زوجها &]

اهليييييييييييييييييييين

يمكن هذا نصيبك ليش متضايقه قلبووو

 

[sara bent elkuwait]

ماعليكم منها صاحبة الموضوع مستانسة حدها ومتشققة :dddds:

وودها اليوم قبل باكر


بس تبى تشوف موقف اختها عادى جدام اهل المعرس ولا لا :dddds:


يمة يمة يالبنات :eh_s(6):

 

[pretty sarona]

لا عادي ترى , اختج لو ما تبيلج الخير ولو مو شايفه ان هالمره زينه جان ما قالت لها عنج , الله يكتب اللي فيه الخير

 

[أحبه موت]

حبيبتي عااادي الموضوع ليش معصبة انا جم مرة اختي تسوي نفس الحركة فيني بس ماانقهر عادي استانس مافيها شي اهيه تبيلج الخير ولو ماتحبج ماتمدحج حق المره انا بصراحه مااشوف ان فيها شي بس انتي الله يهداج مكبرة الموضوع

 

[brettey]

حرام عليج اختج تبيلج الخير وبعدين ليلحين ماصار شي

 

[$الـــحـــلاوه$]

شدعوا ماصار شي !!
اختج تبيلج الخير عادي

 

[pride&prejudice]

لا عادي لا تحطين في بالج اختج تبي مصلحتج أكيد تبيلج الخير واذا كانت المره مو زينة جان ما قالتلها ان عندي اخت ، ل تحطين في بالج هذا نصيب يمكن خيرة أنا أقول اذا دقو لا تقولين لأ يمكن يطلع من نصيبج وعسى أن تكرهوا شيئا وهو خيرا لكم بالتوفيق