مولودي الجديد وضعه طبيعي

[الشماليه 30]

السلام عليكم
مولودي الجديد عمره 9 ايام المشكله كل ماشرب رضعته سيدا اسهال مدري الوضع هذا طبيعي يعني خمسه الى ست مرات ولون خروجه اصفر والله خايفه والله يريح من يطمني

 

[الشماليه 30]

محد يطمني شدعوه!

 

[noo7a]

اذا ترضعينه طبيعي
عادي باليوم اكثر من مره يخرج
و خروجه اللون الي تقولين عنه بالعكس طبيعي


اما اذا ترضعينه صناعي فاللون يغمج شوي و مو شرط كل يوم يخرج

 

[om deaj]

راجعي الطبيب الطوايء ويفضل عقب مايسويها البيبي عشان يشوغ الخروج او انج تاخذين حفاظته

يمكن بعضكم يستغرب بس انا قالي الدكتور يوم شكيت بخروج ولدي اخضر

 

[الشماليه 30]

انا ارضعه صناعي عيل ناطره ابوه يوصل من السفر علشان يوديني المستشفى احس خلاص اعصابي تعبت بنتي من صوب والخدامه كسوله والياهل واسهاله الله المستعان

 

[المها الابيض]

الله يطمنج عليه يارب
انا عقب ولاده ولدي باسبوع نوموه بالمستشفى كان فيه
التهاب واذكر كان خروجه تكرمون اسهال ولونه اصفر على اخضر
وناديت السستر قالت عادي مافيه شي
وحتى على كلام امي ان هذا وصخ البطن قاعد يطلع
فاان شاالله مافيه الاالعافيه
بس وديه الطبيب وتطمني احسن

 

[ام الحلوااات]

روووحـــــــــــي الـــطــــبـــيــــب افــــضـــــــل لـــــج

 

[Mednight Rain]

اعتقد في البداية جذي وبعدين يتغير بس استشيري الدكتور افضل

 

[الشماليه 30]

الله يجزاكم خير على الردود بس ام زوجي تقول طبيعي وزوجي يقول ماله داعي تطلعين وانتي اول ايام النفاس وخصوصا ان امه افتت انه طبيعي والله محتاره

 

[ليمون ونعناع]

اول الايام هادي يخرج مع كل رضعه انا استمر حتى بعد الاربعين
بعدين راح يقل عدد الخروج
عشان جذي اول شخر وزن البيبي لازم يقل
وصح كلام ريلج وخالتج لاتطلعين فيه الا اذا فيه حرارة لاسمح الله
واذا فيه غازات وايد مثال حليب سينيلاك وايد فيه غازات في بعض اليهال يرتاحون على اس٢٦او نان

 

[manoooram]

أول شي حمدالله على السلامه ويتربى بعزج


الوضع عادي انا صار بعيالي جذي ان بعد كل رضعه عزكم الله يخرج البيبي
بس اذا انتي مو متطمنه روحي للدكتور ..

 

[@_@_@]

انا ولدي كان جذي اول ماولدته وامي فديتها ودته الطبيب ونصحها بحليب سيملاك كومفورت يهبل صج هذا الحليب مشا معاه وماخلاه يسهل

 

[لهفة المشتاقه]

عسي ربي يشافيه ويخليه لج

حبيبتي روحي الطبيب علشان ترتاحين

طمنيني عليه

 

[مواصله]

ايه ولدي جذي ليما كمل اسبوعين بالضبط وبعدها مسك بطنه شوي