موووقف محرررررررررررررررج حدددده اليوم الساعة 1،15م

[مروووم]

احراااااااااج:tongue22:
تخيلوا بنات اليوم اول يوم روضة حق ولدي وديته وعادي كان مستانس واساسا اهو متعود لان كان بالحضانه
المهم رحت الدوام وانا دوامي يتنهي الساعة 12،45 وعلى ما اوصل منطقتنا وعارفين زحمة الطريج وصلت الروضة 1،15م
وطبعا انا اول ولد عندي يروح الروضة و ما كنت اعرف ان الروضة مومثل الحضانه
الصدمة @@ لمن رحت الروضة ولا بس ولدي الوحيد مع الابلة وتقولي انتوا شكلكم ناسينا !!!!!!!!!!!!!امبيييييييييه حتى ما مداني اتاسف لها. قصه وي :tongue22::tongue22::tongue22:
بنات ساعدوني شنو اقول باجرحق الابلة انقذووووووني

 

[&رعبوووبه&]

غني لها سامحني خطيـــت هههههههههههه

يبه عادي سهالات اعتذري منها وبتنسى بسرعه

خليج عند باب الروضه الساعه 11 ونص قطيه عالبيت وردي دوامج

 

[جروح خالده]

رد : موووقف محرررررررررررررررج حدددده اليوم الساعة 1،15م

عاادي قوليلها انج موظفه وزحمة طرررريج واكيد اهي عايشه بالديره وتعرف زحمممة دددددوام

*_*

 

[*ريما*]

رد : موووقف محرررررررررررررررج حدددده اليوم الساعة 1،15م

عادي
بعد زحمة الطريق شتسوين

 

[أم@الحلوين]

عاااادي قوليلهااا حاشتني زحمه

 

[^غلاي أنت^]

حبيبتي ترى الروضه يطلعون الساعه 12 وعشر ..
بس هالايام عادي تاخذينه اي وقت حتى لو يقعد ساعه بس ..المهم الدوام الرسمي يبدي من يوم الاحد..
السالفه مو سالفة الابله سالفة ولدج حرااام انكسر قلبه من اول يوم..وعادي قوليلها الصج ما تدرين متى يطلع ..
وديري بالج مره ثانيه حبوبه..

 

[روان_الكويت]

الدوام ينتهي 12 وعشر عملي حسابج المره اليايه
واعتذري من الابله قولي مادري عبالي نفس الخاص
لانه تلقينه اكيد الولد تعب بعد من القعده

 

[مروووم]

اميييه مسكينه الابلة حدها كانت مستعيلة لدرجة اني بفسرلها الي صار مشت وقالت انا ريلي ناطرني بروحة بالبيت ومشت
حتى ما بررتلها واهي اول ما قالت قالت شكلكم ناسينه

 

[مروووم]

حبيبتي ترى الروضه يطلعون الساعه 12 وعشر ..
بس هالايام عادي تاخذينه اي وقت حتى لو يقعد ساعه بس ..المهم الدوام الرسمي يبدي من يوم الاحد..
السالفه مو سالفة الابله سالفة ولدج حرااام انكسر قلبه من اول يوم..وعادي قوليلها الصج ما تدرين متى يطلع وديري بالج مره ثانيه حبوبه..

يمه قلبي حبيبي :0bee2e8d89: حسستيني بالذنب مسكييين كسر خاطري شكلي بحاول اقول حق مسؤلتي تطلعني مبجر
والمشكلة ريلي يطلع من الدوام الساعة 2 ونص

 

[3rosa]

ههههه حبيبتي عادي اتصير باحسن العايلات

قولي لها زحمة دوامات وعبالج مثل المدارس الخاصه مثل ما قالو البنات

و من باجر سوي كتاب انه بطلعين امجبر على 11:30 او 11 لانه ولد بالروضه ما عندج احد ياخذه

ميخالف باجر تعوضينه ان شاء الله ... يكبر وينسى ..

 

[كوكو لاتي]

حبيبتي لازم تطلعين من دوامج وتاخذين الولد حرام عليج منقعته ساعه وربع من اول يوم

 

[مروووم]

هههههه رعبوبة موتيني من الضحك بس ما ينفع اغنيلها للاسف

 

[مروووم]

مشكورررين بنات ما قصرتوا لا انشالله باجر من الساعة ١١ باستاذن يمه حبيبي يكسر الخاطر بس الحمدالله ما بجى مستانس ليش عطوه لعبة يحليلة *

 

[دنيا رديه]

عاااااااااااادي تصيبر لاحسن العايلات لووووووووووووول

انتي مره ثانيه حطي تنبيه عشان تذكرينه

 

[بـاسي قــوي]

رد : موووقف محرررررررررررررررج حدددده اليوم الساعة 1،15م

وااااااي بعد عمري لو انا مكاانج و اتاخر عليه بس المه و ابووس فيه فديته اكيد كاان ناطرج على ناار بعد عمري كسر خاطري

 

[حروفي سيوفي]

عزيزتي
شوفي طريقه معاهم يكون يطلع فيها ولدج معاج أحسن
لا تخلينه يرد البيت قبلج ألا اذا فيه أيدي أمينه توصله لج
الله يحفظه
أو تشوفين روضه تتناسب مع وقت طلعتج أحسن
والله يحفظه لج يارب
والموقف هاذا عادي جدا
هم كمدرسين متعودين عليه مش أول مره يصير معاهم
بس يمكن أنتي حاسه بالاحراج لأنه أول مره يصير معاج
عادي لا تحاتين

 

[حروفي سيوفي]

مشكورررين بنات ما قصرتوا لا انشالله باجر من الساعة ١١ باستاذن يمه حبيبي يكسر الخاطر بس الحمدالله ما بجى مستانس ليش عطوه لعبة يحليلة *

انزين هاذي سنه كامله كل يوم بتستأذنين ؟؟!
لازم تشوفين طريقه !

 

[eman84]

حراام كسر خاطري

 

[مروووم]

[/quote]

وااااااي بعد عمري لو انا مكاانج و اتاخر عليه بس المه و ابووس فيه فديته اكيد كاان ناطرج على ناار بعد عمري كسر خاطري

حراام كسر خاطري

حسيت بالذنب كل ما اسمعكم تقولون يكسر الخاطر قلبي قام يعورني ترى الحين ابجي والله عاد انا ام دميعة على اقل شي ابجي :eh_s(2)::eh_s(2)::eh_s(2):

انزين هاذي سنه كامله كل يوم بتستأذنين ؟؟!
لازم تشوفين طريقه

لا بس هالاسبوع الساعة 11 اخذه لان يوم مفتوح بس من يوم الاحد يكون دوام رسمي من الساعة 7 ونص الى الساعة 12 وثلث وانا سويت كتاب بالدوام اني اطلع الساعة 12 ونص لان ما في احد ياخذه من الروضة وبس توقع عليه مسؤولتي