مو راضيه عن نفسي ساعدوني

[محبة الاستغفار]

السلام عليكم ورحمة الله وبركاته

خواتي اتمنى تكونون باتم صحه وعافيه

واتمنى بعد انكم تساعدوني ..

ابي طريقه تغير شخصيتي .. احس اني مو راضيه عن نفسي وعن شخصيتي .

يعني اذا فيه كتاب ممكن يساعدني .. موقع معين .. وللعلم لا استطيع حضور دورات

ياليت تقدرون تساعدوني وجزاكم الله كل خير

:0bee2e8d89:

 

[حناينq8]

كل شي بيدج انتي حبيبتي

بس شنو مشكلتج بالضبط حدديها عشان توصلين للتعديل اللي انتي تبينه

وشنو حابه تغيرين في نفسج ؟؟

 

[اوراد العشق]

التغير ياقلبي لازم يبدأ من الداخل في تعزيز ثقتج بنفسج

مثلا تقولبين


انا حلوه

انا قد المسؤليه

انا واثقه من نفسي وشكلي وشخصيتي

وهالكلام لانه يساعدج على مواجهت الناس ويبعد عنج الخجل

وصدقيني انا كنت جذيه بس من كثر مااقري كتب عن تطور الذات والله تعلمت وشخصيتي صارت قوويه وصار مايهمني كلام الناس لاني واثقه من نفسي وتصرفاتااتي

 

[حرة الحرائر]

يا قلبي انتي ،،،

شنو اللي مو عاجبج بالضبط ؟؟؟

شنو تبين تغيرين ؟؟؟

و أكيد في اشياء في نفسج حلوة وااااااااااايد

اصرفي النظر لها أحسن من انج تدققين على عيوبج

و تلومين نفسج

ربي يوفقج

 

[محبة الاستغفار]

شاكره لكم بنات الله يعطيكم العافيه

طيب اختى مس شنو الكتب اللي ساعدتج ؟؟

انا عن نفسي ..فيه اشياء كثيره احسها موعاجبتني واهمها التوتر ..يعني خاصه لو عند ناس لو احد سالني سؤال لو تافه شنو رقم تلفونكم اتعلثم واحس ضيعت

خاصه ناس مو ميانه معاهم

احس ودي اكون واثقه اكثر في نفسي .. امور اخري .. بس يمكن في هالنقطتين وضحت عندكم المشكله

ربي يسعدكم ويحفظكم من كل سوء

 

[محبة الاستغفار]

بنات ما عندكم اي فكره ؟؟

اي كتب ؟؟

في انتظاركم :0bee2e8d89:

 

[!! الواصليّـــــة !!]

كتاب ( قوة العقل الباطن )

حلو ووو

اي صفة تتمنيهااا لقني عقلك الباطن انها فيك فعلن ورح تلاقين نفسك مع الأيام فعلن تقمصتي هالصفة لما صارت فيج حقيقه ..

..

ايضا كتاب

( السر )

نفس الطريقه ..

..

 

[zoom]

فيه موقع اسمه مهارتي انشاء الله تستفيدين منه

 

[محبة الاستغفار]

جزاكم الله الجنه واسعدكم في الدنيا والاخره وحفظكم واحبابكم من كل سوء

 

[@ام ضاري@]

حبيبتي دشي ها الموقع
مركز مهارتي التعليمي

 

[محبة الاستغفار]

جزاج الله خير ام ضاري

 

[أميرة الحور]

عادي محبة الإستغفار الانسان يتعلم وكل وحدة منا تلاقين فيها شي ماتحبه وتغيره
بس أهم شي الاهتمام بالنفس واستخدام العتاب الرقيق مع النفس مو التأنيب الضار
لأن التأنيب تعذيب للنفس
يعني دايما لما تكلمين نفسج تعاملي معاها على أنها طفلتج المدللة اللي مهما سوت ما تحاسبينها بس تعاتبينها بحنان
قولي لنفسج ان انتي اهم انسان عندج هو انتي ولا تأنبين نفسج علشان الناس لان باختصار انتي الأهم من اي انسان
اتمنى أكون قلت شي مفيد

 

[محبة الاستغفار]

اميرة الحور كلامج حلو بس وين القى اكثر ؟؟ ابي شي يعطيني من هالكلام واتعلم اثق في نفسي اكثر

جزاج الله خير ساعديني لاني لي الحين ما اشتريت الكتب اللي قالوا لي عنها البنات

اتمنى ما تبخلين على الله يسعدكم دنيا واخره

 

[إكليل الحب]

بسم الله الرحمن الرحيم


اللهم صل على محمد وعلى ال محمد


انتي مو راضيه عن نفسج وهذا شي جميل انج تعترفين ان بتغيرين من حالج هذا بداية النجاح والتغيير .

انتي من وجهة نظرج التغيير عن طريق الكتب جميل ولكن قنعي عقلج انج بتغييرين وكتبي في غرفتج وعلقيهم

انا ذكيه رراضيه عن نفسي واقريها كل يوم لان عقلج الباطن بيقتنع وبتشوفين التغيير


روحي فيرجن واقري الكتب اللي متعلقه عن تطوير الذات وشوفي كتب انتوني روبنز وكذلك كتب توني بوزان بتساعدج وايد


اقري عن تطوير الذاتلا والعقل الباطن بفيدج وايد


اتمنى اكون افدتج اختي الكريمه وان احتجتي شي انا حاضره

 

[محبة الاستغفار]

جزاج الله خير
انا بحاجه لاي احد يقدر يساعدني:0bee2e8d89:

 

[إكليل الحب]

بسم الله الرحمن الرحيم


وكلنا بنساعدج شنو نوع المساعده اللي تبينها ؟؟

انتي حاطه شي في بالج ؟

 

[محبة الاستغفار]

اشلون ما اتوتر اذا كنت مع الناس اشلون تكون كلماتي تدل على ثقتي بنفسي

وشكلي وكل تصرفاتي اشلون اكون ناجحه بحياتي ودى اللي احبهم يحفتخرون فيني من جميع النواحي

احد يقدر يساعدني ؟

 

[أميرة الحور]

محبة الاستغفار حبيبتي انا اظن انج صغيرة والانسان يتعلم بالتدريج وكل يوم تتجاوزين عائق في طريقج
بس نصيحتي لج اذا تقدرين اخذي دورات في تطوير النفس والكتب اللي انصحج فيها كل الكتب في تطوير النفس
انتي روحي لمكتبة جرير او مكتبة العجيري بحولي واشتري الاصدارات اللي فيها مثلا قوة العزيمة
فهم الذات وغير الاشرطة للدكتور صلاح الراشد واللي مثل تخصصه وفي الناس المهتمين بعلم الطاقة
وشوفي موقع الدكتور يوسف البدر
واذا ما تقدرين تشترينهم من عيوني راسليني على الخاص وانا اشتريهم لج واوصلهم لحد باب بيتكم
انتي بس تامرين امر حبيبتي

 

[محبة الاستغفار]

اميره الله يطول بعمرج وجزاج الله خير ما قصرتي

 

[قلبي ابيض]

نفس حالتي

جد هالشعور متعب ومأساة ) فوووووووووووق ماتتصورون