مو راضي يدخل معاي العرس ؟ شلون اقنعه

[وسـن]

السلام عليكم و رحمة الله و بركاته

بنات انا حاليا بفترة الملجة و محتاره اسوي عرس او لا
لان زوجي رافض يدخل معاي العرس :eh_s(11):

حاولت اقنعه ماكو فايده وانا ودي يدخل معاي العرس
يقول اذا تبين عرس شرطي اني ما ادخل يمكن يستحي


شرايكم شلون اقنعه لاني مستحيل اسوي عرس بدون لا يدخل !!

 

[Mjnont '3lay]

ايه عادي حبوبه
وبعدين ليش مستحيل !!
خلاص مو غصب يدش
يعني يدش ولا ما اسوي
كيفه لااا يدش مو غصب
تدرين بعض القبايل عندنا اصلا عندهم عييييييييب الرجال يدخل صالة الحريم ينقدووون
والعروس يزفونها له لي باب الصاله او الفندق او لي السياره لكن يدش مستحييييل
وعادي ما اشوف العروس قالت مابي اسوي عرس ولا ماتت !!
بالعكس سوي عرس واستااانسي وصوري مع البنات هذا يوم بالعمر شلون تلغينه عشان عذر مايسوى
اصلاااا يكفي تشوفين كل حبايبج وقرايبج وكل من يعز عليج حاضر عرسج ويشاااركونج فرحتج
وانا اقول اذكري الله وسوي عرس وافرحي وخلي اميمتج تفرح فيج ومو شرط المعرس يدش معج لاحقه عليه

 

[كـراميل]

uuuuuuupp​

 

[Bnt_q8yat]

احسن لج لا يدش
الناس مايعطون خير
وانا اصلاً رافضه زوجي يدش
تعبنا منهم ومن عيونهم :/

​

موفقه خيتو ♡

 

[شوAشو]

حبيبتي انا اقول سوي عرس وافرحي وصوري علشان تكون ذكرى حلوه احسن من باجر تحسفين انج ما سويتي عرس
والحين اشوف اغلب الشباب ما يدشون الصاله وما ادري شنو السبب
بس هذا ما يمنع ان نفرح باليوم اللي ننطره من زمان بس دشت ع المعازيم شي خيال شلون لما تشوفين خواتج وحبايبج يرقصون والرجال يجيج لين الصاله وياخذج مو لازم يدش

 

[Miss Glamorous]

انا رايي مثل البنات سوي عرس علشان ما تتحسفين
حاولي تكلمينه وتقنعينه اذا ما اقتنع بعد ماكو سووي بدونه
العرس فرحته لج انتي اكثر منه اهوو

 

[عادت ذكرياتي]

لا تقنعينه ولا شي دامه ما يبي يدخل من نفسه لا تقنعينه ^_^


سوي عرس واستانسي مع الاهل وحبايب قلبج وهذي ليلة العمر الله يوفقج

 

[روح فـهـد]

عادي حبوبه انتي مثل حالتي ماراح يدخل العرس بس انا بسووي

 

[بـ سـ كـ وتـ ة]

حبيبيتي بالعكس ... ما بني على باطل فهو باطل

دخول زوجج الصالة غلط شرعا

آنا وايد متحسفة إن الرياييل دشوا عرسي

بالعكس سوي عرسج واستانسي

وترى حتى الحريم بيستانسون ... راح يبقون كاشخين طول العرس ويرقصون على راحتهم بدون ما أحد يقول لهم بيدش المعرس لبسوا حجاباتكم

والله يوفقج ويسهل عليج ان شالله

 

[بنك بااستا]

lol

 

[يحبنى الله *]

شرعا لا يجوز دخول المعرس على النساء

 

[sh_mashael]

يستحي

وايد جذي مايدشون لأنهم يستحون

سوي عرس و كشخي و استانسي

و اهو راح ينطرج عند باب القاعه

 

[اهذريبك~]

ولا تكرهو شيي وهو خير لكم

خيره يابنت الحلال ابرك لج

 

[FoFa stylish]

اي صح دخلت المعرس مالها داعي
بس حق التعليقات
هو احلى من مرته .... مرته جيكره شلون خذاها
و العين ما ترحم و الحسد مذكور بالقرآن

بالعكس انا عرس اخوي ما دش الصاله و استانست انه ما يبي يدخل على الاقل انتي تأخذين راحتج بالتصوير مع اهلج و اللي يسلم عليج و راحه لج و للناس

لان اغلب الوقت يصير بالعرس لويه على دخلت المعرس

الف مبروووك و سووي عرس و اهم شي وناستج

 

[كيك و حلاوهـ]

احسسسسسن لج : )

 

[وسـن]

مشكووورين عالردود حبيباتي

 

[الغنج والدلع]

احسن لج تفتكين من عيون الناس

 

[ارقى عروسه]

رايي من راي البنات الافضضضل لايدش

بعدين مالهم حاجه يشوفونه

يشوفون العروس كافي

موفقه

 

[ليال الفجر]

هههههه ياحليلك وتبين تكنسلين العرس عشان حضرته مهب داخل؟

والله اني استانست لما خطيبي\زوجي قال لي مايبي يدخل! قلت ابركها من ساعة هع
وخايفة اهله يضغطون عليه لاجل يدخل, بس اعرفه عنيد مايثني كلامه

مابقى الا يدخل يبقبقون عليه الحريم عيونهن, يالله ياكافي, عاد ناقصني حكي نسوان

خليه ياشيخه على راحته, بالعكس افرحي واستانسي! ولما يروحون المعازيم اذا حبيتي تتصورين انت واياه لحالكم ليش لا
بدل مايزفك على فندق,, خليه يزفك على غرفة ثانية بالقاعة لين يروحون المعازيم... ولما تطلع هي وتفضى القاعة الكل بيروح
وطفوا الاغاني بعد الزفه ومابتلقين احد بالقاعة! وادخلي وتصوري انت واياه وبس اهاليكم الي راح يكونون موجودين!

 

[اميرة زوجي]

مؤ لإزم يدخل بما انو الأغلب هون ما عم يدخل العريس و عادات الاغلبيه انهم ما يدخلو
يعني مؤ شي غريب ولا حد رح ينتقدك
بس لازم تتصورو انتي وياه قبل ما تدخلي الصالة
يعني في الفندق بيكون في غرفه متلا او استوديو او مصورة انتي
جيبيها واتفقي معو تتصورو سوا للذكري قبل ما تدخلي الصالة
ومتل ما حكو البنات احسن ما يدخل معك والكل بياخد راحته