مو عارفة اشلون ومن وين وبشنو اسوي مشرعين كل حياتي عليهم

[قمربلادي الكويت]

السلام عليكم ورحمة الله وبركاته
انا والله احترت وقلبي يعورني وموعارفة شسوي





اول شي بقول لكم عن الي بخاطري المشروع الاول دار حضانة بطريقة مميزة جدا جدا
والمشروع الثاني مشغل لكل التصاميم الي عندي غريبه اشياء مقتبستها وضايفه عليها واشياء من ابداعي


الحين بقولكم
انا كل ما اطقها عويه عندي التزامات وطفل مريض بمرض نادر اضطريت اني اخذ على ظهري 24 الف دينار كويتي قرض وطبعا المعاش الله العالم وكل ما جمعت اشوي صارت سالفة وخذت كل الي يمعته يا البيت يا السيارة يا علاج
انا عندي افكار وطاقه بس المثل الي يقول العين بصيرة والايد قصيرة
شسوي بنات شوروا علي والله بنجلط بموووووووت حرام ليش جذي حظي ​

 

[قصــب سكــر]

استغفر الله العظيم لا تقولين ليش حظي جذي !!

رب العالمين اهو اللي كتب لج هالقدر

وان شاء الله يجي الوقت المناسب اللي كل امورج تصير زينه وتبدين مشروعج

واذا عندج افكار وظروفج الماديه صعبه ممكن تدخلين معاج شريكه اهي بفلوسها وانتي بأفكارج وتبدين مشاريعج

وربي يوفقج

 

[:: Diva ::]

حياتي بلشي بمشروع صغير
بدال المشغل اخذي تصاميمج و سويها بخياط جمله
و بدال عرضهم بمشغل بلشي بالنت و المعارض و كلها مبالغ بسيطه
و جمعي العائد علشا مشروعج الاكبر


و يارب يشفي وليدج

 

[supermarket]

لا ياعمري وكلي امرج لرب العالمين

واستخيري وشوفي شنو الاسهل بالمشروعين واتكلي على الله

موووفقة

 

[قمربلادي الكويت]

قصب سكر
ديفا
سبرماركت
حياتي اول شي جزاكم الله خير على ردودكم
ياريت احصل احد يمول لي المشروع والله انا شقرديه واخلص بعملي ولله الحمد وكل شغلي ماشاء الله الكل يمدحه ويستحسن ذوقي
ان شاء الله ربي بيكتب لي الفرج القريب

 

[أميرة الصدق]

الله يفرج هم كل مؤمن مخلص في عمله وبيته ونيته .

 

[قمربلادي الكويت]

اميرة الصدق
مشكورة حبيبتي على هالدعوة
اللهم اميييييييييييييييييييييييييييين

 

[pama girl]

الله يعينج ويعطيج العاافيه ويأأجرج انشاءالله

 

[قمربلادي الكويت]

pama girl
مشكورة ياعمري
بنات شدعوة مافي احد عنده حل