مو قادرة أتقبل شكلي بالتقويم!!

[سكارلت]

السلام عليكم

اول شي اتمنى عدم دمج موضوعي بالموضوع المثبت عن التقويم

بدخل بالموضوع دوغري بنات انا من حطيت التقويم وأنا متضايقة
من شكله احسن شفايفي طالعة جدام وبارزة وطريقة
كلامي تغيرت ..صج اللي سمعته ان هالأنتفاخ
والبروز راح يخف؟!



بصراحة حيييل مضايقني .. انا ملامحي حيييل حلوة
وأحس ان التقويم شوهني وغير وجهي !!

 

[bebo-q8]

هلا اختي سكارلت عادي جدا هذا طبيعي للي بركب تقويم يكون جذي بس لين ياخذ حجمه عالاسنان وعقبها يصير عادي يرجع كل شي طبيعي الشغله يبيلها صبر وانتي اخذي من عند الدكتور جل مال التقويم عشان مايظايقج ويجرحج بالكلام ويلا الف سلامة عليج حبيبتي

 

[سكارلت]

الله يسلمج مشكورة وماقصرتي
بس جم يبيله على مايختفي هالبروز
والأنتفاخ ؟!
حيييل مضايقني أحس حلجي والذقن طالعين برا !!

 

[Mademoiselle A]

انا بسوي تقويم قريباً قالولي إن أول اسبوع طبيعي ماراح تنطقين الحروف عدل
بس مؤقت اسبوع مو أكثر وبالنسبة للشفايف مادري شي طبيعي أتوقع بس تشيلينه يرد كل شي طبيعي

 

[فـــخـــر]

انا كنت نفسج لـ درجة اني تحسفت ليش ركبت التقويم

بس أول الايام وكل شي بيصير طبيعي , و ع العموم اهو مؤقت

 

[Engineer A]

نفس الحاله
توني مركبه التقويم ماصارلي يومين
حلجي طالع جدام شوي بس شكله حلو يعني عادي
والحروف مو قاع انطقها عدل لوول
بس لازم اول الايام جذي بعدين عادي تاخذين عليه

 

[BARBIE _PRINCESS]

التقويم يبيله صبر

انا نفسك ماتقبلته ابد بس تحملت وحتى كلامي كان عجيب والحروف بعد لوول

بس مع الوقت تتعودين توك مركبته

 

[نوري اكتمل]

هههه أنا كنت حاطته والله كانت معاناه
اذكر اول ماعطيته تضايقت نفسج حتى رفيجاتي استغربو مني لاني تغيرت عليهم
وماكنت أتكلم واايد ههههه بس لما مر اول اسبوعين صرت عادي تعودت عليه اي وبعد من ناحيه
انه يكبر الحلج اي اكيييد راح يكبره وبعدين كلها جم سنه واتشيلينه وانا احسن مافيني أني حطيته
وانا صغيره كش الله لايعودها من ايام

 

[&جالكسي&]

عادي جبيبتي لاتحاتين ودايما فكري بالنتيجه النهائيه هشان تتشجعين

 

[زهرة الليل86]

عاااااادي حبيبتي انا سنتين هو بحلجي وماضحك بالصورة واحط ايدي دائما
بس بعدين من تشيلينه تحسين بان الصبررر ماراح بلاااااش
خاصه اذا كان دكتورج زين وشاطر
ياااااااااارب تخلصين منه عن قريب وتبلغينه

 

[(توته مربربه)]

انا نفسج والله لايعه جبدي من ويهي احس خرب شكلي وحلجي طلع قدام زياده
ماارضى اتصور ولااضحك
الله كريم

 

[عيون السواهي]

منو دكتورتج ووين احسن مكان ﻷتقويم