مو قد كلامه

[ftana]

اذا زوجج حالف على المصحف انه مايبات بره البيت
وكنتي زعلانه فبيت اهلج وهذا شرطج عشان ترجعين
وعقبها ريلج يبي ينام بالمخيم وقلتيله الاتفاق اتفاق
واهوا اساسا نايم نايم بالطيب او بالغصب
وظعطتي على نفسج وقلتي بالطيب اهون من ان يروح غصب
ونام
عقبها يدزلج مسج انا بتغده بالخفجي ويصكر جهازه ويروح

شنو موقفج ؟ حتى ماتصل ولا شاور الحبيب مجبل

 

[Patcholli]

خيروح يتغدا عليه بالف عافيه
بس ليش يصكر جهازه ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[cba girl : )]

^^

اتوقع صكره يمكن عشان مادق تناقشه بالموضوع!

اب اب اب

ان شاء الله يفيدونج البنات

 

[بولندية]

واذا راح مخيم عادي حبيبتي مو حلوة بحقج انج تضغطين عليه و تكونين مسيطرة عليه ترى الريال ما يحب المرا اللي جذي

الزواج مو كله مجابلين بعض خل يروح يستانس مع ربعه خليه يفج شوي عنج علشان يوله عليج وبالعكس احلى لي سافر تاخذين راحتج بالافكار جان تبين تغيرين شكلج ولا تسوين له ليلة حلوة يمديج على ما يرد

 

[بولندية]

وفي شغلة اذا ما تبينه يروح المخيم حببيه بالقعدة معاج خلي نفسيتج حلوة معاه لا تزعلين و تروحين بيت اهلج

 

[يارب يطيب عبود]

خل يروح مخيم ويتغدا شفيها يعني
شنو يعني ما شاور يقول لربعه انطروا أشاور زوجتي اتغدا معكم ولا لأ
وطبيعي دامه نايم بالمخيم بتغدا يعني يموت من الجوع

وسكر جواله يدري انك بتزعجينه يبي يفتك من الحنه ترا الرجال مايحبون هالاسلوب
وصدقيني اذا بغى يسوي شي ماراح يعاملك الا كذا يقولك اللي يبي ويسكر الجوال ما يبي يتعب راسه بمشاكل تافهه
بعد ما شا الله زوجك يداريك أجل مخليته يحلف عالقرآن ما يبات برا لو أبي هالشي اجي بالمساحل والتفاهم مو بالقوة يالله احلف

أتمنى ما يكون كلامي زعلك بس استغربت منك

 

[q8 83]

يمكن حبيبتي انتي ضاخطه عليه فأتبع هالاسلوب لان ماه خلق الحنه


حاولي توازنين الامور يعني لما تشوفينه وده يروح خليه يروح وانتي مستانسه عشان يقدر لج التصرف

و اذا الظروف مو مناسبه خليه يقعد بأسلوب حلوو يعني مو بالهوشه و الحنه لا خليها بالدلع


و الله يصلحكم لبعض

 

[مناير ...!]

زين منه مشاء الله عليه
ماما اصحي هذا ريلج مو ولدج
شنو عمتي توافقين وترفضين واتزعلين بعد !!
ماودج بعد ياخذ لربعه اذن منج
منو يركب معاه بسيارته ومنو يقوله سوري مرتي ماترضى !!

هالاساليب تطفش الرياجيل
احنه بنات ماانتحملها فمابالج بريال !!

حبيبتي حسني اسلوبج وكسبي ريلج خل عنج الخبال

 

[الجوهرا]

ترى كثر الدق عالحديد يفك اللحام شتبين فيه خليه يروح اجازه لكم اثنينكم حطي نفسج مكانه راح تزهقين من هالطريقه والضغط يولد الانفجار

 

[PuPa^^SWeeT]

يمكن لأنه يدري انه زودها


فا مايبي مسجات بينج و بينه كلها زعل ولا يبيج اتدقين اتصارخين ولا اتسويين




الله يهديه لج



عادي عاد كلش الخفجي



انتي طلعيي شوي علاما يفتح جهازه ههههه

 

[انا لها شمس]

اشكره حبيبتي واضحه سكر فونه مايبي نقاش

بس سبب الاتفاق وليش وماليش انتي ابخص
لان ماتوصل تتزاعلون وتروحين بيت اهلج ع نومة مخيم !

والله يصلح بينكم

 

[هيفاء 966]

عادي. طوفي. هو وافق في البدايه على شرطج عشان تردين بس مستحيل بيطبقه. اقول تركيه لا تناقشينه

 

[Gifts&Occaions]

وشدراج رايح مخيم .. وليش يسكر الجهاز .. وانتي لييييييييش تنامين عند امج !!!!!!!!!!!!!

 

[مجنونه عشانك]

حبيتي خلص لالاتعبين نفسج وتعبين روحج هدي بالج ولا تعصبين علية صدقيني بتندمين
حضري نفسسج ورتبي بيتج وزيني بيتج وسسوي شو حلووو او لبسي لها وتعدل لها
واهو بيتندم لان سو فيج كذ وبعتذر لج بعد صدقيني

 

[!الجادل الصعب!]

الحلف عـ المصحف مو لعبه حبيبتي .. مادري اذآ لهآ كفآره مو بكيفكم
تحلفون وتخلفون ..!

 

[Loloki]

محد قالج طقي شلايلج وروحي بيت اهلج اهو ريال اذا شاف مرته جذي بعاند واهم يحبون لعناد

بتعاندين اهم بيسبسون راسهم بس لما ما طقين شلايلج وتروحي بيت اهلج يحترمج وقدرج

ومراح يكشر كلمتج ولا تبينه نقولج ان قاعد يخونج ومادري شنو اصكر جهازه يمكن خلص شحن

يمكن ماكو سيرفز بس لما اصكر جهازه دقي مره شفتي جهاز مغلق خليه لا دقين عليه اهو راح يستغرب ليش ما دقت

واذا دق ها حبيبتي ها قلبي قوليله هلا ياقلبي كليت بقول اي قوليله عافيه ع قلبج خليج انت صح واهو غلط علشان ما

يعيد حركات الي تنرفزج خليج باااااااااااااااااااارده من نايحه هالشي الرياييل يحبون اطفرون حريمهم يبيون يشوفون غلاتهم

جبح ويوهم بس مثل ما قتلج تعاملي معاه عادي رحبي فيه هللي بروح مع ربعه الله وياك صدقيني بتشوفين التغير من ناحيته

ادري قرقت بس هذا صح هذا ريال الي يبيبه لا تخلينه يشوف راحه برا


وشكرا

 

[**$مزآآجيه$**]

صرااحه انا ماررااح اقوول نفس اللي قاالوه العضوااات !!!

انا اللي صدمنييي

شلون حالف عالمصحف وبعدها رااح ناام امبي ترا شي موو هيييين

استغفرالله !!!!

 

[FJ style]

اهم شي تحلفينه ع مصحف ان ما ينام برا البيت
شنو ياهل عندج؟
وين رجولته عيل
الريال ما يحب الحكرة وحببيه بالقعده عندج بيلزق ولا يطلع
كل رياييلنا راحو شاليهات ومخيمات ووووو
حمدي ربج ماراح تايلند

 

[فلسفة جرح]

عادي خليه يستانس اذا تزوج يعني مايستانس مايطلع مايروح اهني هناك مثل الناس بعدين مو حلوه يقول حق ربعه باخذ راي زوجتي جنج انتي المسيطره مالها داعي تروحين بيت اهلج وتنامين هناك مافيها شي بس ليش يحلف بالمصحف دامه بيروح المخيم ترى الحلف بالمصحف مو لعبه

 

[ربي سبحانك]

خلي يروح عادي ولاتحرين نفسج عشان صك جهازه انسي لين ايي وبعدين ناقشي ليش كان مسكر جهازه يبه خلاص لازم نتعود يكون عندنا اهتمامات غير الريل مااقولج اهملي لا بس شغلي نفسج واستانسي بحياتج وموفقه حبيبتي