ميزانية لميونخ زلمسي فينا

[غلاااتي حياااتي]

السلااااااااااااااام خواتي
بغيت احد يفيدني بميزانية لميونخ وزلمسي وفينا
ميزانية للمطاعم والسيارة والاماكن السياحية والتسوق شوي
يعني ماراح اتسوق واجد بس بشتري حق ولدي جم شغله مو اكثر
يكفي 500دينار
مع العلم اني ماراح اشتري الا لولدي بس ومو واجد بعد لان يقولون هناك نفس محلاتنا الا جم محل محدودين
يعني بخلي100للسوق و400للمطاعم والسيارة والسياحه والحدايق والتمشي لمدة اسبوعين
تكفي 500 والا لا؟؟؟؟

 

[~ عز ~]

لج بروحج يعني ؟

هالميزانيه تشمل منو ؟

 

[*سوسو ستار*]

لا مااتوقع تكفي يقولون النمسا غاليه و500 اتوقع بس مطاعم ومواصلات

 

[~ عز ~]

اكيد ماتكفي .. الا اذا لها بروحها و بتقتصد حيل

 

[السهم الصويب]

استغرب من اللي يقولولنا عن الميزانيه
ياربي كل واحد يختلف عن الثاني

 

[غلاااتي حياااتي]

اىلميزانية لي انا وزوجي بس
ومثل ماقلت تسوق ماراح اصرف واجد
مع العلم انهم يقولون هناك كل شي رخيص
ابي وحده مسافره تقولي
وماقصرتوا خواااااااااااااااااااااتي

 

[davidoff]

حبيبتى اول شي انتى وضحي كل شي يعنى جم يوم سفرتكم وشكثر عددكم ووين بتسكنون سكنكم معاه ريوق والا لا يعنى ال 500

ماتسوي شي حق اسبوع للمواصلات والمطاعم انتى بتروحين تستانسين والا بتقعدين بالفندق ؟؟؟ لاتنسين الاماكن السياحيه عندهم غاليه حتى

المواصلات غالي عندهم هذا اذا بتاجرون سياره بعد اغلى واغلى

من جم سنه انا رايحه معاي عيالي وزوجي قعدنا اسبوع في زلمسي قطينا قريب ال 2000 دينار يشمل فندق وسياحه ومطاعم طبعا من غير

سوق

 

[ضيا نجد]

وعليكم السلام ..

صيف 2009 كنت رايحة انا وزوجي بس .. حق فيينا زيلامسي وميونخ كلفت علينا السفرة 3000 دينار كانت تشمل ( تذاكر واقامة ومطاعم وطلعات سياحية يومية وتسوق بس ترا ماشرينا واجد )

على فكرة بفيينا وميونخ استعملي المترو تحت الارض ببلاش واسرع واريح وتلاقينة مايضيع واستعماله سهل

زلامسي مافيها مواصلات كل المطاعم والبحيرة والفنادق عند بعض .. كله مشي :ada:

يعني اخذي مصروف حق الطاعم والرحلات السياحية تراها شوي غالية

واذا تحبين الفاست فود النمسا والمانيا متروسة مثل هالنوعية

تروحون وتردون بالسلامة (( وترى زيلامسي ماتتطوف ))

واي استفسار انا حاضرة ​

 

[يازمان العجايب]

اكيد موكافيه لوبروحج ماتكفي
لاتوهقين حالج وتروحين الا راهيه هذي اوروبا الاكل والتكاسي والمشترى بس 500 لالالالالالامايكفي

 

[~ عز ~]

اي والله ماتكفيج

لاتروحين اذا ماعندج .. ترا كلش مو حلو الواحد يروح و مقتصد لهالدرجه لايقدر ياكل و لايتسوق

ترا الف دينار و لبها تكفيكم فمابالج الـ 400 !! انا لومكانج مستحيل اروح ...

 

[ام مهاوش]

لاتفكرين ادري الواحد وده يغير جو بس 500 مستحيل صعبه حاولي تزيدينهم

 

[nono93]

ما تكفي حياتي زيدي 500 عليهم

موفقه

 

[اعتزاز]

حياتي مستحيل تكفي علي الاقل 2000دينار معاج

 

[الحلا^^مبتليني]

شوفي حبيبتي اسبوعين ومصروفج 500 احس هالشي مستحيل حتى بدبي ولبنان ماتصير الا اذا اقتصدنا حيييييييييييييل وتبين سوق بعد؟؟؟
شوفي قلبي 1000 دينار تذاكر وفنادق لمدة اسبوعين حلويييييييييييييييييييييين...........ز
المصروف +تسوق خفيف=2000 دينار راهيه وحلوه
اللي بيروح اوروبا اقل شي 3000 دينار ..........

 

[أم أنور]

من صجج انتي شكلج اول مره اتروحين اوروبا

 

[^^ام ميمي^^]

اذا سياحة ومواصلات من غير فنادق و تذاكر وبتقتصدين حيل حيل يعني ما راح اتقطين وايد وبتقصرين على عمرج ببعض الشغلات اتوقع 1000 ممكن يكون كفايه

 

[باونتى]

طبعا ما تكفى !!! أوربا غاليه مو رخيصه .. حتى لو على قولتج ما تبين تشترين بس حسبى حساب الطلعات والمطاعم وغيره

 

[كينده]

اللهينولج اللي ببالج واتروحينللديره اللي تبينها بس اختي والله روحي بلد عربي عندج كسب وصلنفه بسوريا يم تركيا طبيعه خلابه على حسب ماسمعت وصدقيني مستحيل بزالمسي او ميونيخ اوحتى باريس اقل من اربع الاف دينار بسفرتنا لهالدول نصرف دبلهم بس مع عيالنا يعني انتي وزوجج اتوفع اربع اللف وموفقههههههه

 

[louraa]

شوفي حبيبتي
اسبوعين 500 دينار مصروف اكل ورحلات كلشششش مايكفي

اذا ماتبين سوق لا تروحين ميونخ
جذي بتوفرين وقت طريج وهم فلوس

اذا انتي وزوجك حسبي كل مصروف يومي
أكل و قهاوي 50 دينار
يوم بيطلع اكثر من 50 و يوم اقل حسب نوعيه المطعم
لا تتوهقين تروحين اسبوعين اب 500 دينار
اذا هناك الماي بطل الماي اي 3 و 4 يورو
يعني دينار كويتي الماي
وهذي سفر يبيلها تخطيط وميزانيه مضبووطه وتعملين حسابج زياده احتياط

 

[^ 3SOOLA UAE ^]

اختي اوروبا اقل شي يبالها 3000 - 4000 التذاكر الفنادق والمواصلات والمطاعم والتسوق 500 ماتكفي ابد ابد !