ميزانيتي 1300 ساعدوني باحلى سفره

[ام جنه]

السلام عليكم ورحمة الله وبركاته

بنات انا حيل محتاره صارلي جم يوم وافكر ومالقيت الحل قلت ماكو الا خواتي وحبيباتي يساعدوني بخبرتهم وافكارهم الحلوه
عيد ميلاد زوجي ما بقى شي عليه وقررت انه هديه عيدميلاده نسافر 5 ايام منها اهوه يستانس ومنها انا وتغير جو قبل رمضان
بس اللي محيرني وين اروح انا بخاطري فينا بس مادري ميزانيتي تسمح ولا لا
قلت دبي بس دبي مليت منها ولا العشر مرات رحتلها وتركيا كلش مو بخاطري ومصر الكل يقولي الاوضاع ما تسمح فا انتو شرايكم يا بنات وين اروح ابي اقتراحاتكم الحلوه وميزانيتي 1300 بس:eh_s(2):

بليز ناطرتكم لانه كلش ماكو وقت :eh_s(2):


:eh_s(8)::eh_s(7):

 

[tabooLA^_^]

شوووفي عروض السفريات اكيد بتلقين شي حلو والله لو خبره جان ساعدتج بس حدي مافهم بهالسوالف

 

[M&&m]

١٣٠٠مصرررف قصدج والا شاامله التذاكر والفنادق

ترة تركيااا تووووونس انا رحتلهاا ورومااانسيه والتمشي فيها رووعه
واذا بخاطرج فيينا شوفي يمكن لها عروض
روحي ماليزياااا سكني بجزيرة لنقااوي تهبللل وماتوقع بتصرفين فيهاا وايد لان كلها نشاطات بحريه وتمشي ومافيها سوووق

انتي شوفي شنو تحبين واحنه نساعدج

 

[$حبيبة عبودي$]

صاجه جزيره لنكاواي تهبل لاتطوفج بس الحين الاسعار طايره لازم تحجزين من الحين

 

[ام جنه]

مشكورين حبايبي اللي ردو انا اقصد 1300 شامله كل شي
وبالنسبه حق لنكاوي انا رايحتلها من قبل ابي شي يديد
اليوم دقيت علي السفريات قالولي تذاكر وفندق وفيزا كلها تكلف 800
يعني لو بحسبها خق فينا بيطلع 500 مصروف وما اتوقع يكفيني

يعني خمس ايام مع الروحه والرده .والسفره هم قصيره عطوني رايم بنات صج محتاره

 

[M&&m]

٥٠٠ حق ٣ايام بفيناا راح تكفيج اذا قررتي ماتشترين وتتسوقين يعني خليها حق تمشي ومطاعم ووناسه بسسسسس

 

[M&&m]

اي ووحاولي تسكنين بنص السوق عشان توفرين تكاسي

 

[سمرq8]

حبيبتي 500 ماتكفيج 5 ايام روحي تركياا ترا حيل حلووه واجواهاا تونس حيل اما اوربا صعب وحيل حيل صعبه انها تكفيج 500 لان التكاسي ناار وكل ماتمشين خطوه بتدفعين والرائ رائيج ​

 

[ترف بابا]

اذا المبلغ شامل المصاريف والسكن والتذاكر عندج دبي بس ما يكفي تسوق !

 

[غلاي غير]

الباقي 500 من التوتل وخلي زوجج يدفع الباقي بعد هديتج حجزتيله والله يوفقكم

 

[$حبيبة عبودي$]

انا اقول روحي شرم الشيخ
ححححلووه ومريحه صج انها زحمه اجانب بس تونس فيها فعاليالت حلوه مثل رحله بالبقي من صلاة الفجر يجون
ياخذونكم من الفندق وتروحون بالبقيات وووناسه وتجنن
وان شاء الله يكفيييج ..
واذا عزمتي فندق الماريوت اللي عل البيج لا يطووووفج شي شي ..

 

[ام جنه]

حبايبي والله انتو ما قصرتو معاي

خلاص انا قررت اروح تركيا بس قولولي وين احلي مكان بتركيا يكون الجو فيها بارد وسوقهم حلو وجذي

 

[غلاي غير]

بورصه بارده

اسطنبول حق السوق

 

[نياره]

اسطنبول وبورصه

 

[اخت خالتهم]

روحـي فيينـا و مو لازم تتشرين
دام عيد ميلاد زوجج و مفاجأه
روحي وتمشي و استمتعي عيشي الرومانسيـة
فينا مدينة الحب
ما رحتلها بس واي يا صورها والاغاني اللي عنهـا
حجزي ب500 تذاكر و ب500 فنادق
و 300 تكفيج اكل و تمشي
واكيد ريلج بياخذ فلوس معاه اذا عرف بتسافرون حتى لو بس 300
بتشترين منهم حزتها
روحي وحجزي

شوفي هالفندق ب5 ليالي يعني 6 ايام
ب280 دينار ال5 ليالي

حطيتلج من تاريخ 30/6 لين 5 / 7

http://www.booking.com/hotel/at/mailberger-hof.ar.html?aid=325250;label=bookings-naam-QXM_SGuH0FM2geEZYntOPwS5979554598%3Apl%3Ata%3Ap1%3Ap2%3Aac%3Aap1t1%3Aneg;sid=f3517ff9317720e8913b37fac15bb89b;dcid=1;checkin=2012-06-30;checkout=2012-07-05;srfid=fa7273998a508ac343ec071759f4f343X3

يعني يكفي
850 دينار حق تذاكر و فندق
550 مصرف وايد زييييين

 

[كويتية توتة]

انا سمعت ان تركيا غالية تاكدي
وموفقة
وانا لو مكانج حتى لو شايفو دبي اروحلها لان في عروض الحين اروح معاهم واستانس ومننها تكفي فلوسج
لان حرام توهقين نفسج ب٥٠٠ دينار
دبي وناسة كل يوم مجمع ومطعم
وانتي كيفج ان شاءالله ماخربت عليج هههه

 

[الـفـجـر الـبـعـيـد]

بصراحه بالنسبه لي احب اروح راهيه اخذ 1000 بس تسوق

واذا اوروبا صعبه لانها غاليه حييييل

وتركيا ممكن بس لا تركبين تكاسي لانها نااااااااار

ولا تتسوقين وايد الا اذا على نزلت معاشج ومعاش ريلج

تكفيج ان شالله حلوه واسطنبول حاره بالصيف

روحي بورصه بارده

 

[randomy]

1300 يالله تكفي تذاكر وسكن

وبعدين شلون مصرف التكسي والاكل !!


يبيلج دبل هالمبلغ

2600 حلوه حق سفره مريحه

 

[اخت خالتهم]

بنات انا عشرين يوم مصرفنا مع السكن 3500 حرام 5 ايام بيكفي 1300 او فوقهم 300 عالاقل

 

[.:lady bug :.]

اذا تركيا حجزي بورصه رخيصه وتهبل لان اسطنبول غاااالليه
وانا تو حجزت من سفريات المرجاح ع البوسنه تههههبل ورخيصه
وانا نظامي طبيعه وتمشي
11 يوم مع فندق وافطار الي ماراح نعذبه للشخص 400
شوفي جم يطلع لج 5 ايام دقي عليهم وشوفي