مين اسرع مكتب يجيب الخدم بوقت قياسي .... يابنات تفاعلكم

[غلا قلبي دودي]

السلام عليكم ياحبوبات

شلونكم بنات شخباركم عساكم بخير دوووووووووووم آمين

بنات ابي مساعدتكم


انا الحين تعبانه جدا جدا وعندي ولد صغير وربي يادوب قايمه على ولدي بس والبيت طاااااااااف
قرر زوجي يقدم على خادمه

بس كل الناس تقولي انها تطول ويبيلها 3 شهورررررررررررررر

وانا وزوجي مافينا صبر منجد صعبه 3 شهور

حتى شهر يمكن اصبر شهر بس هم صعبه انا تعبانه حيل مافيني اصبر اكثر زهقت

ابي مساعدتكم تعرفون مكتب خدم يجيب الخادمه بوقت قياسي وسريع وتكون خادمتهم زينه ونظيفه


انا ساكنه بالجهراء وماعرف شي بالمكاتب خير شر ولا عمري قدمت على خادمه

بس كل الي ابيه انها تجيني بسرعه وتكون زينه

تعرفووووووووووووووووووووووون يابنات مكاتب تجيب الخدم بسرعه

وغير كذا انا يمكن اقدم على نيباليه جم سعرها النيباليه الحين وجم تاخذ راتب

انا ابيها تكون جديده ومو متزوجه مالي خلق للمتزوجه مشاكلها كثيره

وتعتقدون النيباليه نظيفه ومطيعه وحنونه على الاطفال

مابي تجيني وحده تكره الاطفال

والله انا احترت ناس تقول الهنديه احسن وناس تقول النيباليه احسن

وانا احترت

بس عفيه يابنات الي تعرف مكتب زين سواء بالجهراء و غير الجهراء


وكم سعر التقديم وكم يبيلها على بين ما توصل


خبراتكم ارجوكم

والله يسعد الي ترد علي بأقرب وقت

 

[<<لمار>>]

ييبيلج مسترجعة وجربيها يمكن تكون زينة وماتحتاجين تطلبين

 

[خبيرة اعشاب]

رد : مين اسرع مكتب يجيب الخدم بوقت قياسي .... يابنات تفاعلكم

ليش ما تاخدين مسترجعة

افضل لج بدل ما تنطرين

شوفي مكاتب الخدم بحولي اغلبهم نيباليات و انا توني جايبة 2 مسترجعات

النيبالية ب 460 مسترجعة و اذا طلب 380 ما فرقت واجد

و جربيها اذا جازت لج تسجلينها

و مو شرط بعضهم زينة بس يمكن البيت الي كانت تشتغل فيه مو شي او صارت مشاكل

انا جبت لي وحدة مسترجعة .. مشكلتها ان معاها اثيوبية و تهاوشن و الاثيوبية مكفخة النيبالية لاعبة بحسبتها لعب

و يوم جبتها ما شاء الله لها شهر عندي ما شفت منها اي شي مطييييعة و شغلها فوق الممتاز

جربي و صلي صلاة استخاره قبل

و اذا بغيتي رقم المكتب دقي علي او ارسلي مسج على نقالي

 

[عاشقه الاسمرانى27]

الله يعينج يااااااااقلبى انا اتعاملت مع مكتب ماشى حاله يعنى مضمون

مكتب الحبيب بحولى عند دوار الكرد تشوفي اعلانه

بس على فكره الهنديات والنبيلايات اقل شىء شهرين وفوق مو اقل

اقل مده لوصول الخدم الاثيوبيات ما تكمل الشهر الا اهى عندج

لكن الهنديه السيلانيه الفلبنيه فوق 40 يوم او شهرين

عسا الله يوفقج ان شاء الله وتحصليلج خدامه عدله

 

[*ماي الورد*]

رد : مين اسرع مكتب يجيب الخدم بوقت قياسي .... يابنات تفاعلكم

الفلبينية توصل خلال شهر و نص او اقل

 

[انوار المحبه]

انا اليوم طلبت سيلانيه من الرميح مكتب الدوسري قالو لي شهر شهر ونص توصل ... بس بعد ما سويت الفيزا

 

[برنسيسة الشمال]

ليش حبيبتي مكتب سالم العتيبي خمس ايام وجتني نيباليه

قدمي منهم وشوفي حظج

 

[@شمس الضحى@]

ليش حبيبتي مكتب سالم العتيبي خمس ايام وجتني نيباليه

قدمي منهم وشوفي حظج

وين صاير مكتب سالم العتيبي؟؟
حطي لناا رقمه لوو سمحتي حبيبتي:hjy5jewf:

 

[برنسيسة الشمال]

هلا حبيبتي مكتب السالم 24569399
نقال66766894

 

[مسك وطيب]

رد : مين اسرع مكتب يجيب الخدم بوقت قياسي .... يابنات تفاعلكم

نصيحه لاتاخذين نيباليه ,, في مكتب الفروانيه عند سوق الامتياز فوق اسمه مكتب سالم كل اسبوع يجيب اثيوبيات كفالة مكتب منهم الجديده ومنهم المشتغله قبل ,, كفالة مكتب احسن لج من المسترجعه

والمسترجعه لو فيها خير ماردوها اهلها ,,, والله يرزقني وياج الخدامات السنعات ,,,

 

[meen_ana]

حبووبه في مكاتب يبيون على كفالتهم ومو مشتغله من قبل دقي وشوفي يمكن تحصلين

 

[برنسيسة الشمال]

النيباليه شنو فيها موحلللللللللللو ه ؟
وشنو افضل السيلانيه ماتجي بسرعه

 

[(رنين)]

رد : مين اسرع مكتب يجيب الخدم بوقت قياسي .... يابنات تفاعلكم

أنا توني قبل يومين مفتره على مكاتب الجهره و لقيت وايد جايبين خدامات على كفاله المكتب اثيوبيات و أظن نبياليات
و سعر النيباليه ارتفع شوي الطلب على 400 و بعضهم قالوا على 430 و يوصلون بسرعه إذا مو شهر قبله إن شاء الله
أنا كنت أبي نيباليه بس كلهم ما عجبوني يخرعون
و الله يرزقج و يرزقني بالخدامه الزينه إن شاء الله

 

[نووووونا]

حبيبتى صلى استخاره وروحى مكاتب حولى

مترسين الخدم هناك والافضل تختارين مسلمه حتى البيت يصير فيه بركه وهم اولى

تلاقين اثيوبيات وهنود وفلبينيات والاسرع الاثيوبيات

واسعارهم اقا من 300 المشتغله واليديده ارخص

والله يسهل لج امورج

 

[الفدنه]

الحال من بعضه
اب

 

[برنسيسة الشمال]

الاثيوبيات يخرعون اخاف منهم

 

[@شمس الضحى@]

هلا حبيبتي مكتب السالم 24569399
نقال66766894

مشكووره جزاااااج الله خير..