لقيتها لقيتها بس ان شاء الله يكونون الكريمين متوفرين بصيلدياتكم
وهذا اهي تجربتها نقلتها لكم بالحرف الواحد
المهم ما طول عليكم .. حبيت افيدكم بتجربتي في علاج النقط السودة اللي تنتشر على ريولنا الجميلة بعد الحلاوة او الواكس وغيره ،، بعض البنات يعانون من هالمشكلة وانا كنت وحده منهم ،،.الحمدلله انا مو مصدقة كل دقيقة يالسة اطالع ريولي ما شاء الله معقولة 50% في تحسن ملحوظ وخلال شهر...
راجعت عند دكتورة وخبرتها بالمشكلة ،، وللمعلومة هالحالة تسمى بجلد الدجاجة ،، المسمى يضحك الصراحة ،، وانا اشرح للدكتورة اقولها واضحك وهي عادي اتقول هيه جلد الدجاجه خخخخ
المهم علاجها كان كالاتي :
كريم الحساسية يستخدم قبل ازالة الشعر باسبوع
وبعد ازالة الشعر يستخدم كريم بيوديرما لخمسة ايام.
1-كريم حساسية
الكوم.
مدة الاستخدام: لمدة اسبوع مرة في اليوم .
طريقة الاستخدام:المنطقة لازم تكون نظيفة وانحط كمية قليلة جدا،، قالتلي بس شوية لا تكثرين منه وبس اسبوع لانه اذا زدتي منه بيطلع لج حبوب كبيرة ..
2-كريم
سيكابيو من بيوديرما .
مدة الاستخدام: خمس ايام مرتين في اليوم .
طريقة الاستخدام:بعد ازالة الشعر بالحلاوة او الواكس انظف الريول عدل واتحطين منه انا وايد احط..
عطتني هالكريمين وقالتلي كل شهر لازم اتكررين نفس العلاج والطريقة لين تتخلصين من المشكلة ،، لكن انا هالشهر ما استخدمت كريم الحساسية لانه فيه كورتيزون واحس ما منه لزوم ؟؟؟
والكريم من بيوديرما ،، آمن لانه حتى اليهال يقدرون يستخدمونه.
ونصحتني استخدم كريم مرطب كل يوم ..وعطتني من نفس ماركة بيوديرما بس انا شخصيا استخدم زبدة الشيا ..
وبجانب هالكريمات
في عدة نصايح يمكن تفيدكم لاني كنت اسويها :
1-بعد ازالة الشعر لا تغسلين بالماي دايركت يفضل انج اتمررين قطنة مغموسة في ماي ورد وليمون ونظفي ريولج وانتظري ساعة عقب غسلي وحطي الكريم.
2-في الاسبوع مرة ايلس في بانيو فيه ماي دافي مع شوية نشاء تقريبا 3 ملاعق كبار وفنجان ماي ورد وايلس تقريبا ربع ل 20 دقيقة وعقب اغسل جسمي بصابون.
3-ادهن جسمي كامل بعد الاستحمام بزيت زيتون.
4-الترطيب استخدم زبدة الشيا الخام.
لا تستلمون بسرعة واتملون ، لاني سمعت ان صعب علاج هالحالة "جلد الدجاجة".ووايد يعانون منه وقريت في النت ان 80% من الشعب الامريكي عندهم هالشي ، وسببه الضغط النفسي وسماكة الجلد والملابس الضيقة .
مثل ما قلت تاريخ 1 /3 بديت العلاج وما شاء الله لاحظت تحسن 50% خلال شهر بعد ما سويت حلاوة .
اعذروني على الاطالة بس حبيت اذكرلكم كل اللي اعرفه عسى افيد اللي يبون الحل لهالمشكلة ،، واتمنى دعوات
