مَلِلْتُ هَذِهِ الْحَياة ..

[Deeep]

السلام عليكم و رحمة الله

ماني مطولة عليكم حبيبتاتي

و بدخل بالموضوع دايركت ..

منو فيكم تحس إنها فعلاً " عايشة " حياتها ؟

انا بصراحة مليت و احط مليون خط تحت كلمة (( مليت )) من هالعيشة

طبعاً الحمدلله على كل حال ما ننسى ربنا ..

بس على قولة واحد ذاك اليوم يدرس بالخارج ، أنا اعرفه شخصياً واحد من الأهل

الغربة وااااايد غيرته يعني اللي يشوفه قبل لا يسافر و الحين !

يقول هذا انسان ثاني

فعلاً يقول الغربة علمته وايد اشياء

اولاً كسب " اصدقاء " بمعنى الكلمة

عرف شلون يكون قد المسؤولية ..

مرتاح بحياته و روتينه لي درجة إنه يقول اذا خلص دراسته بيحاول يلقاله وظيفه هناك

يقول اهو ما يرد الديرة الا عشان يشوف اهله بس مو عشان شي ثاني ..

حياته هناك صارت منظمة ، صار يقرا و يتثقف ..

باختصار " يعيش يوومه "

أما هني ماكو نظام و إن حاولنا نمشي عليه بالكثير شهر .. !

الأهل احياناً يكونون عائق بعد ..

يعني أحس فعلاً هني الحياة اهيا اللي تمشينا مو احنا اللي نمشيها !

انتوا شرايكم شالاسباب ؟​

 

[أمل q8]

فعلا ترا الأختلاط بالناس وتغير الأماكن يخليج تكسبين صداقات وحياة يديده وتفهمين شغلات أنتي ماكنتي عرفينها ويعتمد علي الشخص وذكاءه بأكتساب حياه يديده وأصدقاء يدد ..​

 

[منار البربرية]

رد : مَلِلْتُ هَذِهِ الْحَياة ..

كان الله في عوننا وعونك يا اختي​

 

[دلوعة أبوهآ]

الملل موجود بكل مكان ..
واللي يتغرب يشنغل اول حياته واول فتره بعد كذا راح يتملل من كل شي حوله ..

هذا طبع الحياه
بس الحمدلله ع كل حال ..
والله لا يحرمنا من أهلنا ووطنـا ..

 

[عفت طآريك]

آلحمدلله على كل حآل ..
يؤجل الله امآنينآ ولآ ينسآهآ

 

[Deeep]

رد : مَلِلْتُ هَذِهِ الْحَياة ..

دلوعة ابوها

مو شرط مو الكل يتملل انا هالولد اللي اعرفه صارله الحين 3 سنين برا و مفكر يشتغل هناك بعد
فعلاً تحسين إنج عايشة هناك ، انا ما درست برا بس مرة رحت قعدت قريب ال40 يوم عند وحدة من الاهل كانت تدرس برا
و فعلاً أحس إني عايشة و اكو روتين حلو
بس رديت الكويت كل شي اعتفس فوق تحت

 

[Queenleo]

رد : مَلِلْتُ هَذِهِ الْحَياة ..

بصراااحه انا بحاجه لتغير
اوووف يااااربي زهققققت
توني قعدت افكر ليش ماروح اكمل عالاقل افتك من ناااااااس بالعااايله وافتك من رقعت ويهم
وووووووواي صج صج وودي اسافر جم سنننه ابتعد خير شر

 

[ياليل مااطولك]

القرب من الله هو الحياة بختصار هل قمتي اليل ودعيتي ربك هل بكيتي من خشية الله هل اكثرتي من الاستغفار هل صليتي على وقتها

 

[Deeep]

رد : مَلِلْتُ هَذِهِ الْحَياة ..

حبيبتي يا ليل ما اطولك .. الحمدلله علاقتي مع ربي زينه
و انا ما تحجيت عن هالجانب .. عدل كلامج أكيد اذا كان في مشاكل بهالمسألة ما بكون مرتاحه
بس أنا اقصد ممارسة الحياة اليومية غير الجانب الديني
فعلاً مملة و ما من شي مميز فيها !
و ان تشجعتي و حاولتي تبدعين بمجال
ما تشوفين التشجيع من اللي حوالينج ..
و النتيجه بتكون احباط !

حبيبتي كوينلو .. صدقتي حتى انا ساعات افكر اسافر و ابتعد عن كل الناس اللي اعرفهم
فعلاً اتمنى يصير هالشي أحس محتاجة اقعد بروحيي و اعيش بروحي و اعتمد على نفسي
بس صعب تحقيق هالشي في مجتمعنا !
و ما نحط اللوم عالمجتمع لأن مهما يكون نظل بالنهاية " بنات " و ما يصير يهدونا بروحنا ..
بس ماكو مشكلة ان الواحد يتمنى ..
مشاكل الحياة تجبر الانسان على شغلات مو مقبولة بمجتمعنا

 

[طأقتن تسبدي..!]

رد : مَلِلْتُ هَذِهِ الْحَياة ..

اولا الله يشغل حياتنا بطاعته يارب
ثانيا حبيبتي بالعكس والله اساليني برا ملل اكثر عن الديرة
صح وناسة اول سنة سنتين 3 بالكثير بس بعدين راح تزهقين
يكفي انج ماتسمعين صوت الاذان اللي يقعدج لصلاة الفير
لولا اهلي اللي معاي جان استخفيت بس الحمد لله على كل حال
اهو صح فيها اشيا يديدة انج تسكنين برا بس بعد مو ذاك الزود يعني في شي ايجابي وفي بالمقابل سلبي
اسألي مجرب اااخ بس متى اخلص دراستي وارد
تحيااتي​

 

[زوجه اهم رجل]

رد : مَلِلْتُ هَذِهِ الْحَياة ..

استغفر الله ولا اله الا الله ولا حول ولاقوه الا بالله

 

[نفهمها صح]

رد : مَلِلْتُ هَذِهِ الْحَياة ..

الله ييعين
محد مرتاح
اما عن طمووح احب الشخص الي يبدع .. وعنده نظره ثانيه للحياه