نادى اليرموك

[قبيطه]

السلام عليكم

بغيت اعرف فى احد مسجل بنادى اليرموك اللى بمشرف

 

[موزة ام فارس]

اختي انا مسجله فيه السنة اللي طافت


ليش ؟

 

[@Miss Dio@]

داثر يلوع الجبد روحي الممشى ابرك لج

 

[حبيبته آنا]

يلووووع الجبد حتى حسافه فيه تدفعين دينارين حق الاشتراك

 

[سمراء حضرموت]

خواتي هذا فيه حمام سباحة؟؟؟؟

 

[موزة ام فارس]

اي فيه حمام سباحة

 

[سمراء حضرموت]

تهقون حتى حمام السباحة مو شي ؟؟؟؟
وبنات الله يخليكم اللي تعرف رقم تليفونهم لو سمحتو ابيه ضروري

 

[موزة ام فارس]

دشيته ذيج السنة بالصيف علشان السباحة بس لاعت جبدي من الكثرة

زحمة وغير اليهال استغفر الله مليون% ماتضمنين نظافة الحوض

انتي روحي بنفسج شوفيه ألحين .. وسمعت انهم غيروا الديكور وعدلوا فيه

بس صراحة ما انصح فيه بالصيف وخاصة حوض السباحة

اما الأجهزة عادي والايروبكس شغال تمام

هذا اذا تبين شغل تقزر وسريع وقريب من بيتج


ورقمهم مادري وينه حبيبتي ضيعته

 

[سمراء حضرموت]

حسافة اهو عاد الوحيد اللي قريب من بيتي انا بسلوى كنت اروح الاصلاح اللي بالشامية بس بصراحة درب رايحة رادة بس على رياضة الماي كلها 10 دقايق لا واحيانا اطق درب واخر شي المدربة تقول انا تعبانة