اهلا بالتلميذه النشيطة ..
واي لا عفيا جذي تحسسوني جنه بمدرسه لول
الحين دورج .. واتمنى مثل ما قلت لـ سوبر ماركت .. نصايحي كلها ترى من باب الافاده والتطوير .. يعني لاناخذ الموضوع ان تجريح او شي ثاني علشان نكون بعيد عن الزعل واحنا خوات نعين ونعاون ..
* صورج لاحظت فيهم الميلان مثل ماقالت مس يلوو ..
* الالوان عندج حلوه .. وحلو انج تصورين طبيعتهم لان بره طبيعتهم عجيبه وشي مايتطوف ..
* بالنسبة للصورة الاولى .. لو كان يسمح لج الوضع انج تاخذين راحتج بالمكان وتدورين مكان بعيد شوي عن العواميد يعني لو تندين يميين اكثر بحيث ان العواميد ماتخرب المبنى .. هالشي افضل.. وجود الناس بالصوره اضاف لها حياة عجبني هالشي..
* الصوره الثالثه .. بس لو طلعتي شسمونه مال المركب الجزء اللي فوق .. يعني مايكون مقصوص من فوق يكون افضل .. وعجبني وايد عدم توسيط العنصر .. طلعت الصوره احلى جذي..
بس اتوقع مصوره وانتي بالبحر فهالشي يمكن مايساعد ان تصورين على راحتج..
* الصوره الرابعه اعجبتني انعكاسات المبنى مع ان ماادري على شنو هالانعكاس.. وهم لو نطرتي شوي تمر السياره وصورتي اتوقع بتطلع احلى
* جربي تصورين بالطول بعض المرات .. او قربي يم الشغله اكثر.. زوايا مختلفه .. ترى تطلع عندج الصوره بشكل ثاني ماتتوقعينه..
يعني لا تصورين صوره وحده للشي وتمشين .. لا خليج واقفه جربي اشياء ثانيه لنفس المكان..
اذا كاميرتج فيها ابيض واسود .. جربي تصورين فيها بعض المباني خصوصاً رقم 1 اتوقع بيكون غير.. او حتى تحويلها للون الاسود بالفوتوشوب او اي برنامج تعديل ثاني.. يمكن تشوفينها بالابيض والاسود اقوى .. خصوصاً ان المبنى قديم فـ يمكن يكون التحويل للابيض والاسود يناسبه....
بعد اذنج طبعاً .. حولتها للابيض والاسود .. مع زياده حده الصوره شوي.. وتعديل الميلان وقص الاجزاء بعد تعديل الميلان...
شرايج فيها الحين ؟
او اهني.. غمجت الالوان شوي...
بعض الصور تكون ممتازه لكن اجواء المكان خصوصاً اذا كان ستايل قديم.. يحتاج الى لمسات خفيفه تعطيه قيمة اكثر...
ووبس هذا اللي عندي حبيت اقوله لج .. ومشالله كـ مستوى تصوير مشالله عليج مستوى حلوو
