نادي التصوير % صور المبتدئين % مرحبا بنقد خبيراتنا

[جاي وحليب]

saba queen
شكراً ^_^

اسعدتني زيارتج ..

lonely .. مصورتها بالخيران .. يم شاليهنا
كل اسبوع اروح يشوقني شكل الشجر واهو ميت ماعليه ورق
عاد هالمره جك جكت هناك

colorful .. هاذي مصورتها لمسابقة فيها مراحل وكل مرحلة عنوانها غير
وهالمرحلة المجال كان ان الصوره لازم تحتوي على كلمة او حرف..
وبنفس الوقت يفضل شرح الكلمة بالتكوين.. واهني تيي المتعه ^_^
انا صورتها فوق السطح .. ويومها كان الغيم موطبيعي..
علقت الكلبسات الملونه على خيط الهدوم.. والكلام كتبته بالـ word وطبعته
والحمدلله طلعت الصوره الاولى بهالمرحله نتيجة الاصوات للصوره

 

[supermarket]

صور جديدة مثل ماوعدتكم


يمكن فيها عيوب كونها اول تصوير لي خارجي وكنت مرتبكة :eh_s(22):

بس ابي تصليحاتكم على الصورة وشنو الاخطاء

طبعا اول شي طبقته من النقد السابق ( عدم استخدام الفلاش :eh_s(15): )






الصورة رقم ( 1 )





الصورة رقم ( 2 )





الصورة رقم ( 3 )





الصورة رقم ( 4 )





الصورة رقم ( 5 )





الصورة رقم ( 6 )

 

[جاي وحليب]

اهلا سوبر ماركت ..

اول شي خل اقولج شغله عن الفلاش.. الفلاش الاساسي اللي بالكاميرا
له امتداد معين وبعد هالمسافه مايأثر ولايفيد بشي..
يعني لوكنتي بمكان مفتوح نفس اللي صورتي فيه الفلاش ماينفع كلش

ثاني شي في جم شغله حبيت اوضحها..
التصوير الليلي في رايي اصعب من التصوير والشمس موجوده..
ليش؟
لان التصوير الليلي يحتاج لـ ترايبود >>حامل ثلاثي..
علشان تثبت الكاميرا ومايصير بالصوره اي اهتزاز
السبب ..
لان الصور الليليه تحتاج لاضاءه كبيره.. وشلون تحصلين على اضاءه واهو بالليل؟
بـ اعدادات الكاميرا >> اللي اهو لازم تبطئين سرعه الشتر
بحيث ان الكاميرا يصير فيها تعريض للضوء لمدة اكبر، وتصير افتح وكل اللي بالصوره يبين..
الـ shutter speed بكاميرتج وين تحصلينه ..
الصوره هاذي توضح..

بس لاحظي انج ماتقدرين تتحكمين فيه بوضع الاوتو..

وشغله ثانيه .. اذا كنتي طالعه بليل وفجأه مامعاج الترايبود وبتصورين..
في اشياء تفي بالغرض بشكل مؤقت.. مثلا تثبتين الكاميرا على الطاوله، الدرابزين مال الدري، كتاب، قوطي كلنكس... او اي شي جدامج



شوفي الصوره هاذي..
استخدمت فيها الترايبود .. وبطأت الشتر..

علشان جذي صار التعريض عندي تمام، الفتره الطويله هاذي
خلت الانعكاسات على الماي شكلها ناعم وجنها مندمجه ببعض..
والليتات اللي بالصوره مع مدة التعريض صارو بشكل كأنهم نجوم..
واشياء ثانيه تتغير مع التعريض المطول تلاحظينها بالصوره..

تتوقعين لو بدون ترايبود راح تكون بهالوضوح؟
مستحيل.. راح يكون فيها اهتزاز يخرب المنظر كله..


مثال ثاني للشتر البطيء....

شيء آخر نستخدم فيه سرعة عدسة بطيئة هو إبراز حركة الماء. أنا على يقين أنك رأيت تلك الصورة الجميلة التي يظهر في انسياب الماء بشكل رائع. يمكنك أن تحصل على نفس التأثير عن طريق إبطاء سرعة العدسة أكثر

هذه الصورة أخذت بسرعة غالق مقدارها 1/15 فقد حصلت على تأثير ناعم على الماء مع الحفاظ على الصخور حادة المعالم.


من النادي صفحة >>11
http://www.q8yat.net/showthread.php?t=52837&page=11





===


بالنسبه لصورج في رايي ان الصوره رقم 2 افضلهم
وبعدها رقم 1 بس لو التعريض كان اكثر فيها..


** رقم 1 حلوه وزاويتها حلوه، بس لو كان التعريض اكثر مثل ماقلت
ولو المبنى اللي عاليسار موطالع او حتى تقصينه باي برنامج تعديل..
اذا رحتي مره ثانيه الصبح جربي نفس الزوايا بالنهار او وقت الغروب ترى حدها موطبيعيه راح تصير
** رقم 2 اشوفها افضل من 3 .. لان لو تلاحظين تفاصيل الصوره كلها واضحه فيها
** 4 + 5 ماادري ليش احس شوي زحمه بالصوره..
4>> الانعكاسات عجيبه فيها بس حسافه والله التعريض يبيله اكثر..
5>> فيها اهتزاز..
**6 حلوه الاضاءه تمام .. مع ان الشي اللي مبين حافته من تحت حسافه مخرب..
وتخيلي لو كان الشارع اهني كله مبين مكان هالدريشه او الشي..
ومبطأه الشتر والسيايير تتحرك جان طلعت الصوره موطبيعيه !!
حركة السيايير + الشتر البطيء راح تطلع لج نتيجة خياليه عباره عن شخوط حمر اللي اهي الليتات!

مثال هالصوره..

تخيلتي الحركه هاذي مع محل بوابة الهدايا شلون راح يصير؟
راح يكون شي بالصوره يميزها وماتكون بس مجرد صوره لمبنى



عذراً على الرد الطوييييييييل.. والله يعينج على القراءه :")

 

[جارة القمر]

ماشاء الله

تبارك الرحمن

 

[supermarket]

ثاني شي في جم شغله حبيت اوضحها..
التصوير الليلي في رايي اصعب من التصوير والشمس موجوده..
ليش؟
لان التصوير الليلي يحتاج لـ ترايبود >>حامل ثلاثي..
علشان تثبت الكاميرا ومايصير بالصوره اي اهتزاز

تقريبا اغلب الصور مثبته على السور
السبب ..
لان الصور الليليه تحتاج لاضاءه كبيره.. وشلون تحصلين على اضاءه واهو بالليل؟
بـ اعدادات الكاميرا >> اللي اهو لازم تبطئين سرعه الشتر
بحيث ان الكاميرا يصير فيها تعريض للضوء لمدة اكبر، وتصير افتح وكل اللي بالصوره يبين..
الـ shutter speed بكاميرتج وين تحصلينه ..
الصوره هاذي توضح..

بس لاحظي انج ماتقدرين تتحكمين فيه بوضع الاوتو..

اليوم صورت صور يديدة مو اوتو حطيت اللي نفس الصورة بس 100 لاني قريت لازم مايقل عن 100 ( سأنزل الصور باقرب وقت ممكن )





=====
بالنسبه لصورج في رايي ان الصوره رقم 2 افضلهم
وبعدها رقم 1 بس لو التعريض كان اكثر فيها..


** رقم 1 حلوه وزاويتها حلوه، بس لو كان التعريض اكثر مثل ماقلت
ولو المبنى اللي عاليسار موطالع او حتى تقصينه باي برنامج تعديل..
اذا رحتي مره ثانيه الصبح جربي نفس الزوايا بالنهار او وقت الغروب ترى حدها موطبيعيه راح تصير
** رقم 2 اشوفها افضل من 3 .. لان لو تلاحظين تفاصيل الصوره كلها واضحه فيها
** 4 + 5 ماادري ليش احس شوي زحمه بالصوره.. انا بعد ماعجبوني بس صورت من باب اللي تعلمتة اني اصور اكثر من زاوية :eh_s(22):

4>> الانعكاسات عجيبه فيها بس حسافه والله التعريض يبيله اكثر..
5>> فيها اهتزاز..
**6 حلوه الاضاءه تمام .. مع ان الشي اللي مبين حافته من تحت حسافه مخرب.. سكتي لاتقولين لاحد هذا سور مواقف المهلب ... بس الربكة من الناس ذابحتني لاني بمكان صعود السيارات :eh_s(13):

وتخيلي لو كان الشارع اهني كله مبين مكان هالدريشه او الشي..
ومبطأه الشتر والسيايير تتحرك جان طلعت الصوره موطبيعيه !!
حركة السيايير + الشتر البطيء راح تطلع لج نتيجة خياليه عباره عن شخوط حمر اللي اهي الليتات!

وهذي خطتي الياية :eh_s(15):


عذراً على الرد الطوييييييييل.. والله يعينج على القراءه :")


انا اللي عذرا اللي قاعدة اخذ من وقتج الكثير وياليت باجي الخبيرات يساعدونج ... بانتظااارهم ولا هانوا

يعطيج الف الف عافية وانتظري صور جديدة بتطبيقات احسن نوعا ما :eh_s(1):

 

[Harmony]

خوش صور يا سوبرماركت و انا اهنيج على الجراءه الصراحه انا ما اتجرأ اسويها بالكويت برا عند ويهج هنى استحى

 

[supermarket]

سكتي هارموني تييني نفاضة عجيبة وايدي ترججججف من الفشلة

... حتى استحي اطلع التريبود من الجنطة :eh_s(13):

وهالصور اللي بشرق تخيلي واقفة على جسر مدخل شرق يعني عند الرايح والراد :eh_s(1): كل ساعة اقول بقلبي يالله بسرعة خلصي... بعدين اقول انتي وصلتي كملي :eh_s(8):


قررت اني اتشجع ... وراح احط لكم صور من الكوت


هدفي بالحياة : اضغطي زر ( دقمة للناطقين بالكويتي ) التجاهل ( مرحبا بالاقنور :eh_s(9): )



ودمتم سالمين :eh_s(17):

 

[اتكيت]

مرحباااااااا ياحلوات يعطيكم العافيه ويسعد اوقاتكم بالخير
طبعا انا قلتلكم في موضوع النادي انووشريت كاميرا كانون من الغانم وصراحه كاميرا احترافيه وغاليه خخخخخخخخخخخخخ
وانا صراحه ماافهم بالتصوير بس احب التصوير ولا اقولكم خلوو هالسوالف بموضوع النادي تابعوني هناك ههههههههههههههههههههه
الحين بحطلكم صوري والله الله بالنقد والنقد اله الله عليه >>>> قلبت ام ابوو المثل خخخخخخخخخخخخخخخخخخخ

هذي سلسلتي قلت اصورها ومالقيت خلفيه احلاا من منتدى كوتيات

وهذي الصوره كانت واضحه بس لما صغرت حجمها عشان احملها احس صار فيها تشويش صح ولا لاء

عالهامش( لا تقولولي مثل اختي ليش مو مرتبه الاقلام عشان تصويرنها قلتلها هذا فن اشعرفج انتي خخخخخخخخخخخخخخخخخ)

اهني حاولت اسوي حركه واكتب كويتيات بس شكلهاا امممممممممم يلا المهم حاولت >>>> ياحلوي قاعده اشجع نفسي بنفسي خخخخخخخخخخخخخخ

كوبي حبيبي

يلا حبايب قلبي نستمع لردكم وتعليقاتكم وموفقين دايماا

 

[Harmony]

شوفى يا نحوله انا بكون صريحه معاج يا عمرى
الصراحة الافكار حلوه وايد بس عاد اكو شوى شغلات مو ظابطه
اول صورة احسها مظلمة شوى و الكونتراست مو كفاية و الصورة الثانية حلوة بس الفوكس مو عدل يمكن من التصغير مثل ما قلتى
الثالثة نفس الشغلة الاضائة يبيلها شوية شغل و هم الكونراست و هم صايره فيها غشواه هم يمكن من التصغير

الرابعه زينه بس ليش شلتى الباك قراوند مالها جان خليتيه احلى و يبيلج تحاولين تاخذين انجل ثانى ممكن تطلع احلى يعنى خلى الكاميرا بمستوى الكوب

و سامحينى على النقد و ارجوا انج ما تزعلين

 

[Violetta]

اول شي سوبر ماركت ماشاءالله صورج حلوه
بس تدرين حدي ضايعه مع هالكامره شكلي بقعد شهور على ماستوعب :\
و الحين بعرض لكم اول صورتين صورتهم

الصوره الاولى

 

[Violetta]

الثانيه

وبس

 

[Harmony]

فايلوت كبداية زين حبيبتى بس عليج تحورفين بالاضاءة و الكونتراست زيادة و طبقى نصيحه جاي حقى غيرى من الاوضاع و الاضائة و شوفى شنو يطلع معاج و حبيبتى عادى كلنا مبتدئيين و نتعلم من بعض

 

[اتكيت]

هارموني عيوني انتي اشدعوه مافيها زعل وكلامج على عيني وراسي واحنا قاعدين نستفيد من بعض واللي بيزعل ماعنده سالفه خخخخخخخخخخخ
بالنسبه للصوره الاخيره شلت الباقراوند بالغلط كنت بسوي شغلات واضاءه بس ماعرفتلها بالفوتوشوب وان شا ءالله بصلح اخطائي المره الجايه وياريت استفيد من ارائج بس عندي شغلتين وياريت تعذرين جهلي شنو يعني الكونتراست والانجل

فيوليت حبيبتي صورج مو طالعه ياريت تغيرين مركز التحميل

 

[Violetta]

ايييييي انشاءالله المره اليايه هالمره كنت مستعيله بتغدا فصورت اي شي
وبيني وبينج ماعرف حق الكامره كلش اول مره استعمل كانون فشوي لج على الاستعمال

 

[Violetta]

عاديين بس انشاءالله المره اليايه اضبط التصوير للاحسن

 

[جاي وحليب]

سوبر ماركت

اليوم صورت صور يديدة مو اوتو حطيت اللي نفس الصورة بس 100 لاني قريت لازم مايقل عن 100 ( سأنزل الصور باقرب وقت ممكن ......

حلو احب التطبيق والنشاط اللي عندكم مشالله عليكم..
بس خل اقولج شغله .. هل تقصدين ان الرقم اللي محدد بالصوره قصدج مايقل عن 100؟

عذراً بس مااعتقد ان هالمعلومه صحيحة ..
لج كل الحق في التحكم بالرقم تنزلين تصعدين عن الـ 100 ماكو مشكله
بس في شغله ابيج تحطينها في بالج..
** اذا كان الرقم فوق الـ 20 فـ اضمن لج ان مافيه اهتزاز بالصوره ان شالله، الا اذا ايدج من النوع اللي تهتز وايد فـ زيدي الرقم لين تحسين ان الرقم انسب لاهتزاز ايدج.. او استخدمي الترايبود..
** واذا كان الرقم تحت الـ 20 ونزل تحت الصفر وصار يمه هالعلامه " راح يكون اهتزاز واضح واكيد .. واهني لازم ترايبود..

وقلت لج انا من قبل ليش يبطؤون الشتر ويسرعونه..
- الشتر السريع فيه اضاءه خفيفه وتعريض قليل للاضاءه
- الشتر البطيء فيه اضاءه اكثر وتعريض كبير للاضاءه

وننتظر الصور اللي بتنزلينها ان شالله....


وفعلاً حبيت اهنيج على جرأتج .. وانج بديتي تصورين بره
وهذا اللي نبيه .. وماعليه اللي تحسين فيه بيروح بعدين وينعدم
ويصير همج الاكبر الصور والتصوير :eh_s(15):



اشدعوى لا تعب ولاشي... انا استفدت من اشياء حابه اوصلها لكم
بشكل ابسط وشرح وصور وكل شي.. وان شالله تعم الفايده
واكيد الخبيرات موجودين بس اكيد ظروفهم شاغلتهم ..
واكيد ملاحظاتهم واراءهم تفيدنا كلنا وتسعدنا..


===

Harmony

ليش برا عادي واهني لا؟
انا ترى كنت نفسج.. والله بره الكويت كنت حتى بدول الخليج
تلقين الكاميرا ماتطيح من ايدي .. كلللل يومي اصوره حتى بالسوق اصور كل شي كل شي..
بس بعدين اهني بديت اخذ عالوضع واني اجرب اصور برا اكثر واكثر
والحمدلله صار احسن.. طبعاً موكثر تصويري برا بس هم لازم مااضيع اي لحظه حلوه تصير جدامي والكاميرا معاي..


وطبقي الهدف معانا اللي قالته سوبر ماركت.. :eh_s(17):

هدفي بالحياة : اضغطي زر ( دقمة للناطقين بالكويتي ) التجاهل ( مرحبا بالاقنور )





تدرون بنات جذي تخلوني افكر بجديه اكثر بموضوع طلعه تصويريه لمنتدى كويتيات - هواة التصوير..
طبعاً نبديها بمكان بسيط ونشوف مدى تقبل الشي..

ترى كلها خطط حاطتها في بالي حق بعدين .. ماابعد .. افتتاح القسم :eh_s(9): ..
بس متى يفتحونه ياربي

 

[جاي وحليب]

نحلة متكحله ..

كـ تجارب حلوه .. مشالله يعني افكار ممتازه عندج
بس يبيلج شوي تتعبين عليها اكثر علشان تطلع الصوره احلى واحلى

1-
احس لو حطيتي خلفيه ثانيه للقلب راح تطلع احلى
لان المنتدى كـ خلفيه احس شتت النظر .. وانتي بتصوير مثل هذا
تحتاجين لخلفيه بسيطة وناعمه كونها لقلب.. وبنفس الوقت تجذب الناظر لها

2-
عجبني ترتيب الالوان العشوائي.. بس ليش التصغير خرب جوده الصوره؟
انتي اي برنامج تستخدمين لتصغير الصور؟ صغريها بالفوتوشوب ولاتقللين من حجمها علشان الصوره ماتفقد وضوحها وهو اهم عامل في التصوير
- جربي تصورين الالوان نفسهم من زاوله نازله.. نزلي الكاميرا اكثر.. يعني زوايا مختلفه واختاري الافضل منها.. مو بس للالوان هاذي قاعده اخذيها لكل شي صوري بزوايا مختلفه واختاري الافضل..

3-
عجبتني الفكره.. مشالله عليج فناتق ..
حتى باعواد الجبريت تقدرين تسوين نفس الفكره .. مجرد فكره

4-
حددده يشوق كوبج .. عليج بالعافيه
واتفق مع اللي قالته هارموني لو مخليه الخلفيه

ماادري ليش احس في شي مفقود بصورج الوضوح او الفوكس مومضبوط حاولي تصلحين الشغله هاذي..
وان شالله مع التمرين بتتطور نتايجج..


===

Violetta

كـ تجارب مشالله حلوين ..

اول شي شنو الاضاءه بصورج؟ فلاش ولاطبيعيه؟

** الاولى عجبتني اكثر.. زاويتج مميزه .. وتكوين حلو..
بس احس الخلفيه شوي مشتته النظر، يعني جربي طوفه ساده وراه، وتجنبي توسيط العنصر لان الشي هاذا يضعف من مستوى الصوره..
ترى حيييل حبيت الصوره الاولى بس علشاني بطلب منج طلب
صوريها مره ثانيه وبخلفيه ساده .. باضاءه الشمس.. والعنصر خليه عاليمين ومسافه كبيره عاليسار .. ونفس وضعه يعني اذونه تكون ناحية المسافه الفاضيه الاكثر بالصوره.. مع نفس الزاويه النازله هاذي..
اتوقع بتطلع النتيجة موطبيعيه :eh_s(15):

** بالنسبه للصوره الثانيه .. حسافه الفوكس فيها مومضبوط..
والاضاءه بعد شوي..


بس كـ تجارب اولى اهنيج عليها مشالله .. وللافضل دائماً ..
وسؤال اللعبه اللي بالصوره شكبرها بالضبط حجمها يعني؟
ومن وين..؟ عجبتني ^_^

 

[Violetta]

هلاحبيبتي
الاضاءه كانت فلاش
انشاءالله باجر الصبح بعيد التصوير عشانج من اليوم الليل بدرب عليها لوول
اللعبه صغيرونه كبر الكف و طالبتها من النت

 

[اتكيت]

جااااااااااااااااااااي فديتج والله على هالتشجيع الحلووو والاطراء الله يسعدج حبيبتي ويرضى عليج صج حدي مستانسه بكلامج مو معناه انوو ماابيكم تنتقدوني او اني بزعل اذا قلتوا شي عن صوري لا والله بالعكس انا اصلااا مااحب الزعل مهما كان السبب واحب استفيد حتى لو كانت هالاستفاده وراهاا تعب بس تعرفين دايما البدايات حلوه ولها قيمتها عشان جذيه مستانسه بصوري ومستانسه انو اعجبتج ماتدرين اشكثر احتست وتوهقت لانوو ماني عارفه من وين ابدا وشنوو اصور وخاصه مثلي اناا استحي اصور برا واماكن عامه عشان جذيه شغله صعبه الواحد يسويله استديوا عنده بالبيت ويقعد يصور ويضبط عشان جذيه ودي استفيد منكم واعرف شنو الي مفروض ابدا بتصويره عشان اعرف واتقن التصوير يعني مثلاا انا سمعت انو بعض المصورين مختصيين بتصوير البورتريهات وتكون صور وجوه ياعارضات او ناس عاديين ويبدا يصور بهالمجال لما يحترفه صححولي الفكره ويعطيكم العافيه بعد مره
جاااي الف شكر ياقلبي

 

[اتكيت]

شفت شرح جاي عن الفوكس او المايكرو وقلت خل اجرب خاصه بعد تشجيعها حمستني ولانوو المايكرو مختص حق الشغلات الصغيره وابراز تفاصيلها مثل الحشرات والنباتات المهم خطرت على بالك فكره وين نصور شي صغير تالي الليل امممممممممممممممممممم

شوفوو الصور ولا تحرموني من ارائكم ونقدكم وتشجيعكم بكل صراحه

دمتم بخير

فيوليت ياقلبي نسيت اعلق على تصويرج سامحيني صورج حلوه بس مثل مشكلتي تخوناا الاضاءه دايماا وموفقه حبيبتي