الحين راح نطبق درس بسيط
نشوف النتيجه أول وبعدين كيفيه التطبيق ..
الأدوات المستخدمة :
- ورق مقوى (وسيلة ملونة)
- موبايلي، او اي شي صغير تبون تصورونه
- اضاءة ممتازه، انا استخدمت اضاءة الشمس من الدريشه يمي
الطريقة :
- نزهب الخلفيه الملونه، او اي خلفيه اخرى تؤدي بالغرض وممكن حتى اوراق A4
نراعي وضعية الخلفيه بحيث تغطي الخلفيه بشكل عام يعني تكون خلفيه وقاعدة بنفس الوقت
اما اذا ورق A4 نحرص مداخلتهما ببعض.
- وضع الماده المراد تصويرها، مع مراعاة عدم التوسيط، لان توسيط العنصر بنص الصوره قد يضعف العمل،
الا في اوضاع معينه قد يكون التوسيط افضل.
- ضبط اعدادات الكاميرا والتحكم بالماكرو، اما الاوتو او المانيوال اللي انتو ماخذين عليه
صوره توضح ضبط الماكرو....
- بعد ضبط اعدادات الكاميرا، وعند التصوير نضغط نص ضغطه، لما نسمع صوت الاستعداد
ونلاحظ في الصوره اذا كانت تطلع على الشاشة ان في اماكن صارت واضحه وتم التركيز عليها
اذا كان التركيز صحيح، نكمل الضغطه وناخذ الصورة
** احياناً تكون الصوره مغبشه كلها و هذا دليل على ان العدسه قريبه جداً من الماده يجب ابعادها قليلا حتى تصبح واضحه
- واخر شي نشوف النتيجة اللي طلعت لنا..
ملاحظات مهمه:
* ناخذ صور اكثر لزوايا مختلفه لنفس العنصر .. ونختار الافضل منهم.
* نغير بالاعدادات ونشوف الفرق بالصور.
* بعد نقل الصور عالجهاز، نضيف رتوش بسيطة للصور ان احتاجت
تشبع للالوان، اطار بسيط يبرزها، توقيعنا..
** تجربتها بالابيض والاسود، السيبيا والمقارنة... في صور بالابيض والاسود تطلع قويه اكثر من الالوان
** تطبيق آخر للاخت العزيزه دريمز...
طبعاً اهي استخدمت الخلفيه اوراق A4 ..
ابدعت بالاضاءه .. والنتيجة ممتازه
اخليكم تاخذون فكره عن ورشة العمل مالتها
طبعاً لاحظتو ان ورشاتنا بسيطة وعلى قدنا.. لكن النتيجة تطلع حلوه وتعجبنا
وهذا الاهم.. حتى لو كان المكان والتجهيزات بسيطة الناس ماراح يلتفتون لهالشي .. النتيجه اهي الاهم :eh_s(20):
لي اهني ينتهى الدرس ....
بس اللي عليكم الحين بعد الدرس والمقدمة الطويله والمعلومات الحلوه اللي عرفناها..
التطبيق.. تطبيق بسيط يزين الموضوع، على ذوقكم وبأفكاركم..
** بس شرط تكون خلفيه ساده والعنصر واحد ونصوره عن قرب، ومن تطبيق الخطوات اللي شرحتها..
ترى ناطره تطبيقكم .. لاتبطون علينا : )
