نادي السره

[شيهانه]

السلام عليكم ورحمة الله وبركاته

بنات في أحد سامع عن النادي الصحي الي في السره ؟؟؟

ما دليته للحين ودي أشوفه إلى تدله توصفلي مكانه

يقولون فيه دروس يوغا ودي أشترك يا ريت تفيدوني

 

[أم روعة]

مشاركة: نادي السره

اي والله ياريت أحد يفيدنا بهالموضوع لاني انا ساكنه بالسره ويمكن اذا صار النادي قريب مني الله يهديني وأروح كل يوم

 

[rororo4]

مشاركة: نادي السره

شوفوا انت الحين ياية من الطريج انتي ياية من الدائري الخامس وراح تصير قرطبة علي يسارج والسرة يمينج راح تلفين اول لفة يمين تكملين سيدا قبل الدوار اللي يم المدرسة تلفين يمين وتكملين سيداااااااااااااااااااااا وتلقينة علي يمينج اوكيييييييييييييييي

 

[coffee]

مشاركة: نادي السره

اهلين شيهانه وام روعه

اسمه فيزيك.. اذا دشيتي السره من صوب قرطبه كملي سيده قبل لا توصلين الدوار اكو مسيد على يمينج دشي اللفه اللي قبله وكملي سيده سيده لين تلقين فرع على ايدج اليمين دخلي المواقف وراح تصعدين له بالدري فوق تلقين صالون وداخله النادي..

 

[حنون المزيون]

مشاركة: نادي السره

طيب اشرايكم فيه بنات لاني كنت ناويه ادخل نادي جمعيه المعلمين بس اذا نادي السره حلو واسعاره مناسبه ادخله دامه قريب
ياليت تفيدونا عنه

 

[أم_عواشي]

مشاركة: نادي السره

كم سعره ؟؟؟

 

[belle]

مشاركة: نادي السره

نادي جمعيه المعلمين صار 120 دينار بس وايد انظف و احسن و اريح ما في وايد ناس و حمام سباحه و يوقا و رقص شرقي و سمبا ورمبا وسلسا و وايد وايد وناسه اغير النفسيه اصلا و كل جهاز مع تلفزيون و مافي زحمه علي الاجهزه
و الناس الي اهناك كلا سنعين و راقييين وايد وايد حلو

بس فزك الي يخربا انه صغير و نصه صالون و نصه نادي و اشتراكا 50 و مافي صاله اجهزه و صاله حق الايروبك لا كلا مع بعض اهيا صاله و حدا الاجهزه و الايربكس و اليوغا مافي سوالف اسكرون اليييت و اضاءه و استرخاء لاء خرابيط يعني الواحد ما يقدر يسترخي و اسوي يوقا و اصوات الاجهزه فوق راسه و التلفونات ترنع
فيزك حق سوالف اجهزه مشي قاري سونا بخار و بس

 

[شيهانه]

مشاركة: نادي السره

مشكورررررررين توني أدخل الموضوع

كل الردود مفيده مشكورين على التوصف
ما هقيت يكون صغير ومعاه صالون حسبالي بس نادي

يعني ليش ما يسوون بس نادي أفيد لهم يعني شبعنا من الصالونات مكودين بكل منطقه وشكثرهم بالجابرية كل عماره فيه يمكن خمس صالونات كل طابق فيه صالونين متجابلين يعني إحنا حاجتنا حق نادي كشخه ومرتب وأسعاره حلوه ويكون داخل المناطق

الله ياكثر البنات الي يحبون يشتركون بنوادي بس الأسعار ما تساعد الصراحة المعاش شبيكفي إذا كل شهر إشتراك ب120 أو 150 دينار شدعوه هالأسعار ومو كل يوم بنروح على المزاج

ياريت يكثرون النوادي الي حق البنات والي إشتراكاتهم يعني 50 أو 60 والله ولا صار بهالاسعار يصير صغير وشيفه ووصخ

 

[chica_q8iya]

مشاركة: نادي السره

بعد ترى النادي اللي بالسرة حيل صغير!
ومافيه حمام سباحة!
مافيه شي جنه شقة!
داعوس أخره صاله فيها أجهزة ويوغا بنفس المكان
وحمام بخار واحد وسونا واحد
وبس!

 

[miss5]

يعني نادي جمعية المعلمين حلو ؟؟

 

[noty]

عادي مافيه زود حتى اليوغا مو اوكي

مكانه ما اساعد


اول شي سلم بعدين صالون و بعدين الصالة لووويه

واللي موجودين مادري شلون مو ذاك الزود

صالة وحدة ,, على شكل يو الاجهزة و بالنص الايروبكس و اليوغا

اي يوغا و صوت الماشين مال المشي شغال

اطفون الليتات اهم شي و انتي على الجهاز

ما انصح فيه

اشتراكه والله اذا ماخاب ظني جنه 70 يعني هالمحاري او اقل ماني ذاكرة