نادي الكتاب Book Club لشهر يناير - جمان مجموعة قصصية لعلياء الكاظمي

[قصــب سكــر]

السلام عليكم

عساكم عالقوه

شريت الكتاب من جرير وكانت اخر نسخه على الرف اول مره اكون محظوظه جذي

وبالنسبه للخصم ماسوالي البايع احاول افهمه يرد يقول في بطاقه جرير ؟؟

قلت يبه حاسب شكلك مطول عيالي برى ينطروني

بالنسبه لغلاف الكتاب حسيت انه مناسب حيل للعنوان

يعني اول ماشفته عطاني انطباع ان الكتاب يتكلم عن قصص انثويه حساسه حالمه

طريقة كتابه عنوانين القصص برى وشرح للقصص بشكل عام في الناحيه الاخرى اشوف انها فكره جديده بالنسبه لي على الاقل

وبالنسبه لسنه الطبع لما تقرين المقدمه تلاقينها مؤرخه في نهاية مقدمه المؤلفة واعتقد هذا كافي

ولي عودة مع مناقشه القصه

 

[^^نـــواره^^]

حياج الله قصب السكر معانا ،،، لوووووووووووول شكله البايع دايخ حزتها ،، الله يهداج اي حزة رحتي ؟؟
جان قلتي له الكرت مو عندي، وعطيتيه رقم البطاقه تمشي الامور عادي

انا خلصت اول قصة حنين واشواق

اول شي ابي اناقش الاسماء ما ادري ليش ،،،

حنين: صج اسم على مسمى، كانت الام الحنونه لاختها و زوجها وعيالها طبعا قبل لا يتزوج عليها الاخ الفاضل،، ابيه صج قهرني، حزتها صج حسيت ان الرياييل مالهم امان ، قعدت اطالع ريلي بنظرات حقد، مسكين نايم ما يدري وين الهوا داره

أشواق: كانت طول القصة صج مشتاقه للحب والحنان والعطف

كريم: احسه اسم دخيل على على الاسامي الكويتية ،، نادر ما نلاقي احد اسمه نادر

شهد: احس اسمها دلوع لايق عليها وعلى جمالها يحليلها ودي اشوفها والله <<< ميخالف تداخل عندي الواقع مع الخيال >>>

باسل: لوووووووووول ما ادري ليش متخيلته باسل الراشد لوووووووووول ،، اسمه حلو، لايق عليه

القصة طبعا تهببببببببببببل تيين احس فعلا احداثها حلوة وطريقة السرد وايد روعه ما شاء الله عليها الكاتبة اسلوبها وايد راقي واحسها تنقي كلماتها نقوة، و حلوة فكرة انها كتبت كل شخص نهايته شنو ،، شنو في شوية مو منطقي، مو معقولة نهاياتهم كلها سعيدة، احس حلاتها لو واحد فيهم بس صارت نهايته مو شي من باب التقريب من الواقع.

بس على العموم عنوان القصة حلو ومناسب لها لانها تتلخص حوالين حنين واشواق اكثر شي، وفكره ان كل chapter تتكلم فيه عن شخصية معينه هم وااااااايد حلو، احسها عطت الشخصيات حقها من الشرح والتعريف، وكونت صورة متكاملة عن كل شخصية

والقصة حلوة لا هي اللي قصيرة وبسرعه تخلص ولا هي اللي طويلة وتملين من قرايتها ،،

 

[Shiny Star]

الأخت قصب السكر أنا لما سويت كرت الخصم سويته باسم المنتدى وطلبت من الكاشير أنه يسوي الخصم حق كل البنات اللي يقولون له الرقم المذكور في الصفحة الأولى ووافق ما في مشكلة مادري حبوبة ليش صار معاك جذي الله يهداه فشلني ؟؟

:eh_s(14)::eh_s(14)::eh_s(14):

 

[^^نـــواره^^]

خوش شايني دام السالفة جذي خلاص عيل ادق عليهم يوم الاحد او انتي دقي عليهم يشوفون شنو سالفة كرت الخصم ، لان صح البنات وايد راح يشترون من جرير كتب وما يصير كل مرة يقول ان ما يصير ،، شوفوا بنات مره ثانية روحوا لكشير مصري على الاقل يفهم شنو تقولون

 

[قصــب سكــر]

هلا فيكم نواره وشايني

اشدعوه فشلج افا عليج بس ,, الموضوع حده عادي وانا بعد لو مو مستعجله جان كلمت واحد عربي

بس عيالي برى بروحهم مع الخدامه قمت احاتي والا لو ماخذه راحتي جان عطوني 50% خخخخخ

نواره انا رحت على الساعه تسع ونص الظاهر نهايه الدوام والهندي مقفل مسكين ههههههه

عموما ماقصرتوا وعساكم عالقوه وكافي مجهودكم في هالنادي

 

[^^نـــواره^^]

حياتي انتي والله قصب

يالله بنات شصار عليكم ؟؟ ناطرين تعليقاتكم الحلوة

 

[فرح الياسر]

بسم الله الرحمن الرحيم
اتمنى ومن كل قلبي المشاركه في
BOOK CLUB
وراح انزل لكم صورة الغلاف...

 

[^^نـــواره^^]

حياتي والله انتي يا فروحه تصدقين نسيت لا احط صورة الكتاب

مشكورة على الغلاف وحياج الله معانا بالنادي ،، يالله شدي حيلج وشاركينا بتعليقاتج على القصة الاولى

 

[فرح الياسر]

حياتي والله انتي يا فروحه تصدقين نسيت لا احط صورة الكتاب

مشكورة على الغلاف وحياج الله معانا بالنادي ،، يالله شدي حيلج وشاركينا بتعليقاتج على القصة الاولى

العفو حبيبتي...​

الروايه الأولى حنين و اشواق.....لما اخلصها راح اقولكم رأي فيها...

على فكره...متى موعد المناقشه الأول؟؟؟:gathering:​

 

[^^نـــواره^^]

حبيبتي متى ما خلصتي القصة ناقشيها

وشوفي الصفحة الاولى شايني كاتبة كل اسبوع وشنو القصة اللي نقراها بهالاسبوع

 

[Shiny Star]

مشكورة فرح عالغلاف أنقذتينا

أدري هالشهر امتحانات والبنات شوي مشغولين وهمن برد وناس رايحين البر

بس ناطرينكم

 

[Shade]

حياج الله قصب السكر معانا ،،، لوووووووووووول شكله البايع دايخ حزتها ،، الله يهداج اي حزة رحتي ؟؟
جان قلتي له الكرت مو عندي، وعطيتيه رقم البطاقه تمشي الامور عادي

انا خلصت اول قصة حنين واشواق

اول شي ابي اناقش الاسماء ما ادري ليش ،،،

حنين: صج اسم على مسمى، كانت الام الحنونه لاختها و زوجها وعيالها طبعا قبل لا يتزوج عليها الاخ الفاضل،، ابيه صج قهرني، حزتها صج حسيت ان الرياييل مالهم امان ، قعدت اطالع ريلي بنظرات حقد، مسكين نايم ما يدري وين الهوا داره

أشواق: كانت طول القصة صج مشتاقه للحب والحنان والعطف

كريم: احسه اسم دخيل على على الاسامي الكويتية ،، نادر ما نلاقي احد اسمه نادر

شهد: احس اسمها دلوع لايق عليها وعلى جمالها يحليلها ودي اشوفها والله <<< ميخالف تداخل عندي الواقع مع الخيال >>>

باسل: لوووووووووول ما ادري ليش متخيلته باسل الراشد لوووووووووول ،، اسمه حلو، لايق عليه

القصة طبعا تهببببببببببببل تيين احس فعلا احداثها حلوة وطريقة السرد وايد روعه ما شاء الله عليها الكاتبة اسلوبها وايد راقي واحسها تنقي كلماتها نقوة، و حلوة فكرة انها كتبت كل شخص نهايته شنو ،، شنو في شوية مو منطقي، مو معقولة نهاياتهم كلها سعيدة، احس حلاتها لو واحد فيهم بس صارت نهايته مو شي من باب التقريب من الواقع.

بس على العموم عنوان القصة حلو ومناسب لها لانها تتلخص حوالين حنين واشواق اكثر شي، وفكره ان كل chapter تتكلم فيه عن شخصية معينه هم وااااااايد حلو، احسها عطت الشخصيات حقها من الشرح والتعريف، وكونت صورة متكاملة عن كل شخصية

والقصة حلوة لا هي اللي قصيرة وبسرعه تخلص ولا هي اللي طويلة وتملين من قرايتها ،،

شريت الكتاب من جرير وخذيت خصم 10% مشكورين بنات
وكنت بعد شارية كتب غير جمان همن حصلت على الخصم 10% على نفس الرقم اللي حاطته شايني وناسة مشكورة شايني وايد

رأيي نفس رأي نوارة بالضبط ماشاء الله عليك نوارة خوش تحليل وأسلوب الكاتبة مشوق جدا وسلس

وقريت بعد القصة الثانية يالله بسرعة متى يصير تاريخ 8/1 عشان نناقشها حدي مستعيلة _03ba:

 

[^^نـــواره^^]

بالعافية عليج الكتب shade حبيبتي

يالله هاذي الهمة اللي نبيها ،،، ما بقى الا 3 ايام ونناقش القصة الثانية

يالله بنوتات عضوات النادي شدوا حيلكم ناطرين تعليقاتكم الحــــــــــــــــــــــــلوة

 

[Shiny Star]

قصة أشواق وحنين

عنوان القصة : جدا مناسب لأحداث القصة ( موفقة المؤلفة)

أحداث القصة : الأحداث متسلسلة ومنطقية جدا ومشوقة

وأأيد كلام نوارة إن طول القصة مناسب لا هي اللي طويلة مملة ولا قصيرة ما فيها أحداث بالعكس مناسبة جدا

بس أحس أنا بعد نهاية القصة بعيدة عن الواقع لأنها انتهت بسعادة الجميع وما عجبني لما انهتها الكاتبة بذكر كل شخصية بالقصة وما حصل لكل واحد ، كأنه تلخيص للأحداث

 

[Shiny Star]

بنات باركولي وأخيرا عرفت أنزل شعار النادي بتوقيعي ( والله إنجاز)

:ggdw::dddds::ggdw::dddds::ggdw::dddds:

بس حدي استانست وأخيرا

 

[قلب^الوله]

انا شريت الكتاب من تقريبا 3 اشهر وقريته كله
وايد عجبني وايد مأثر القصص اللى فيه روعه

وموجود في فيرجن - مرينا

وان شاء الله شهر فبراير اتحطين كتاب انا ماقريته عشان اروح اشتريه واقراه

نبي قصص :>

ثاانكس على الموضوع حبيبتي

 

[^^نـــواره^^]

لووووووووووووووووووووووول شايني واخيرا

يالله بنات عازمتكم في كوفي شوب بمناسبة شعار شايني

قلب الوله :: حياج الله معانا حبيبتي باي وقت

 

[Shiny Star]

لووووووووووووووووووووووول شايني واخيرا

يالله بنات عازمتكم في كوفي شوب بمناسبة شعار شايني

قلب الوله :: حياج الله معانا حبيبتي باي وقت

على حسابي

:gathering:

 

[Shiny Star]

انا شريت الكتاب من تقريبا 3 اشهر وقريته كله
وايد عجبني وايد مأثر القصص اللى فيه روعه

وموجود في فيرجن - مرينا

وان شاء الله شهر فبراير اتحطين كتاب انا ماقريته عشان اروح اشتريه واقراه

نبي قصص :>

ثاانكس على الموضوع حبيبتي

حياك الله معانا يالغالية بس ياريت تشاركينا بالمناقشة دام إن الكتاب قاريته وتفيدينا بعد برأيك عن القصص ليش لأ ؟

 

[brat]

هاي بنات

آنا أعتذر عن المشاركة في الbook club هالشهر بسبب انشغالي.

أتمنى لكم قراءة ممتعة