نادي بالسالمية لرياضة البيلاتس pilates

[شيهانه]

السلام عليكم ......









بليز بنات انا قاريه مره في مجلة عن نادي بالسالمية عندهم رياضة البيلاتس واهي تقريبا مثل اليوغا بس على اجهزة ومره حطت عنها اوبرا في برنامجها ..

انا للاسف ما كتبت رقمهم ..

فمنو تعرف عن هذا النادي او ووين مكانه بالضبطومشكووورين مقدما ..


:eh_s(8):

 

[bnt q8 in usa]

للاسف ماعرفه

 

[شيهانه]

مشكووووووره اختي على المرور وناطره انشاء الله احد يدله ؟؟

 

[noty]

نادي فلكس الشعب فيه هالكلاس انا جربته حده اوكي و ممتاز

بس مو على اجهزه

 

[شيهانه]

اهما بس شذي مسمينة بيلاتس بس مو صوبه ...البيلاتس على اجهزة خشبية مختلفة .. فليكس خلطين تمارين على يوغا حده خربوطة ..

محد يدله ؟؟؟

 

[ايفيان]

هذا النادي اسمه بلاتيس اند مور موجود بالسالميه مقابل المركز العلمي

في احدى العمارات اللي يكون فيها محامين مثل نايف المطيري والنادي

بالدور الأول وفيه أجهزة البلاتيس وكلاسات بلاتيس نادي صغير بس

متخصص بالبلاتس والمدربات كلهم اجانب من المانيا وامريكا والنمسا والمدربه المسؤوله عن البلاتس نمساويه وحيل فاهمه شغلها

وان شاء الله اكون فدتك وفدت خواتي في المنتدى

 

[موني موني]

بجم اشتراكهم ؟؟ و هل في احد جربه ؟؟؟

 

[شيهانه]

يا بعد جبدي انتي يا ايفيان ايه هذا العشم في منتدانا .. صج لا حبيت ماي ايفيان ما غطلت

واااااااااااااااااااااااي حدي شاكرة لك من صج عيزت وانا اسال ..

اللحين اذا ما تمانعين ابي استجوبك ..

امجربتهم ؟؟؟
استفديتي ؟؟؟
بكم سعرهم ؟؟؟
مكانهم ما يخوف ( انا اخاف وكله عندي شك !!) ؟؟؟


ناطرتك يا ايفيااااااااااااااااااااان !!!

 

[ايفيان]

مشكوررررررررررره حبيبتي على على الكلام الحلو وانا ماسويت شي غير اني حبيت ان الفايدة تعم للجميع

انا اشتركت بالنادي قبل شهر رمضان مباشره وكان اشتراكهم 50 دينار بالشهر وهذا الأشتراك يشمل بعض الكلاسات وجهاز المشي والتزحلق والدراجه العاديه وهناك اجهزه حديثه مثل الدراجه الاليكترونيه وجهاز الاهتزازات هذول لازم تدفعين لهم بروح ولهم اشتراك خاص ولازم تكون معاك المدربه عشان تعلمك عليهم ...

 

[ايفيان]

الحين أقول لك عن البلاتس

كلاسات البلاتس اللي على الأجهزه لهم اشتراك بروحهم وكل عشر كلاسات تاخذين حصة او حصتين مجانا وتكون معاك المدربه تعلمك على الأجهزه
والأجهزه نفس اللي شفتيهم في اوبرا وكانت مدربتي نمساويه واسمها ميكا
والصراحة وايد استفدت عليهم لأنهم يعلمونك مع التمارين الطريقه الصحيحه للمشي والجلوس والوقوف وتحسين ان التمارين التقليديه ما منها فايده بس تعب على الفاضي...بس عيبهم غاليين نسيت بكم كان بس كان اشتراكي كامل مع الشهر وعشر كلاسات بلاتس 300 دينار ...

 

[ايفيان]

أما حق المكان هو ما يخوف وحلو وجديد ومرتب والمدربات نفسياتهم وايد حلوه ((اذا ماتغيروا)) ويهتمون لأن العدد محدود ...

ويفتحون من الساعه 9 الصبح لغاية 1 الظهر وبعدين من 3 العصر لغاية 8 بالليل
وكلاسات البلاتس لازم تاخذين لهم موعد لأن عليهم طلب ...

هذا كل اللي ذاكرته الحين وعندك اي سؤال أنا حاضره..

وتلفونهم5710582

وموقعهم www.pilatesand moreq8.com

 

[شيهانه]

يا بعد جبدي يا ايفيان روحي الله يوقفك ويعطيك كل ما تبينه ..

ما قصرتي صج صج يالغالية..

وانشاء الله اروح واعلمكم شراح يصير معاي ..

 

[ايفيان]

مشكورررررره حبيبتي على الدعوه الحلوه

واتمنى لك كل الخير والله يوفقك يارب

 

[الكويتـ80ـية]

مشكورين على الفااايده بس غاااالي

 

[أحلى الجياكر]

مشكورة إيفيان على الشرح الحلو
شيهانه ..ترا ينباعون بالنت سى دى بيلاتيه ..أنا عندى جم واحد ..حتى الحوامل لهم تمارين معينه ....إذا سامعه ب كلاناتكس ..نفس الطقة ..يعنى التكنيك يركز على العضلات مو نقزة و دورة دمويه

 

[janawi]

مرحبا عندي اشتراك واللي تحب احوله عليها بسعر حلو تراسلني على الخاص فرع السالميه:ch12: