نادي شيرلي بالجابرية

[أسيـل الجـــرح]

مساكم الله بالخير يا جميلات حبيت ابلغكم اني اشتركت في نادي بالجابريه اسمه شيري لي واهو بالسرداب فيه سونا وبخار ورقص شرقي وشغلات ثانية اهو بسيط بس عجبني احب اروح له اكثر الصبح لان مو زحمة بس لما يصير ورا اذان العصر يبدون الناس يهللون وبكل امانه ما ابي ارفعه السما في فيه بعض العيوب من وجهة نظري 1- الجاكوزي خربان ما ادري متى يصلحونه 2- المدربات يمشون مع ناس وناس بس الحمدلله انا مرتاحه لاني اول ما دشيت سالت عن كيفية استخدام الاجهزه علشان ما اعتمد على احد 3- ماكو كفتريا للاسف 4- تيين النادي بس مره وحده مثال بدون ذكر اسماء في نوادي تسمح انج اتينها مرتين باليوم بس هذا ارلنادي مره وحده بس وهذا الي ضايقني لان في كلاسات ما اقدر ادش فيها وسبتها الوقت


على فكره اهو يوميا مبطل ما عدا الجمعه وسعره 45 يوميا واذا تبين 3 ايام باسبوع 35


والي داشه والا تبي تسجل تقول لي علشان نتعرف لاني مو متعرفه على احد كلش اخلص شغلي واطلع اما الي يجون كل وحده يا مع رفيجتها او اختها او قريبتها الا انا بروحي اكسر الخاطر يبا ما راح اسولف كل واحد يتمرن على راحته بس كفايه النفسيه اذا احد تعرفينه وياج ( يا سلام ادري كلكم راح تشتركون علشاني اهي اهي اهي ) المهم حبيت ابلغكم وسوري على الطوالة

 

[مستشاره قانونيه]

مشكوووووووووره حبيبتي واول مره اسمع بالنادي

انا جارتكم بالجابريه بتشامبينز

وانا بعد مثل حالتج اروح بروحي بس بصراحه انا افضل اني اكون بروحي اتمرن عدل وماتاخذني السوالف وتضيع وقتي

خلج بروحج احسسسسسسسسسسسسنلج

وشكرا لعرض تجربتج وبالتوفييييييييييييييييييق

 

[أسيـل الجـــرح]

مشكوره حبيبتي تصدقين كنت بشترك فيه بس يوم دشيته توقعته احلى من جذي وتوقعت الممشى مكشوف ( خيال واسع ) بس ما ارتحت كله حريم كبار ومشتت ويتكلمون بالانجليزي يا سلام وانا بروحي ميح صفر فيه شلون بتفاهم معاهم ما ادري بس كوني توني والاده قلت ادش شي عادي بعدين ادش نادي الدسمه عجبني

 

[أغلى الناس]

عاد والله انا مفكره اشترك فيه على العطله بس بدور يمه نادي بالجابرية حق اليهال بس خايفه انه يكون زحمه لانه رخيييص الله كريم

 

[princesa n3oma]

وين صاير بالجابريه وعندهم حمام سباحه وتمارين تحت الماء

 

[أسيـل الجـــرح]

ايه عندهم حمام سباحه بس ولا مره دخلته وتدربت انا اييد انج تروحين تشوفينه وبالمره تشوفين النادي يمكن ما يعجبج والناس اذواق احسن لج

 

[رقية وسبيجة]

شنو شنو باليوم 45 دينار اشدعوه ...يعني بالشهر الف وثلثمية وخمسين

لو رايحة جزر الهاواي 100 يوم ماكلفني هالمبلغ

 

[أسيـل الجـــرح]

اهي اهي اهي لا اقصد بالشهر اذا تبين يوميا 45 واذا ثلاث ايام 35

 

[^SwEeTa^]

شيري لين خبري فيهم من ال2000

اشتركت عندهم أيام ما كنت بالجامعه

و ما كان فيه زحمة ذيج الأيام

كنا قروب العصر من الساعة 3 نروح ليما يسكر النادي .. كنا تقريبا 5 بنات بس!!!

النادي ملموم لكن الحوض ما كان نظيف

أذكر ساعات كنا نشوف طفاحيات و تيوبات يهال .. يعني يحطون فيه يهال يسبحونمع أمهاتهم .. و ريحته مو شي!!!

 

[يمّه مني]

وين صاير النادي ؟؟
خل اشوف اذا زين اشتركت فيه ولاقيتج اهناك

 

[قمري]

وين صاير

 

[أسيـل الجـــرح]

مشكورين على الردود بالنسبه لاختي sweta صح كلامج بالنسبة للحمام السباحه والله اني امس اكتشفت هذا الشي توني داشه النادي والا اسمع صوت صدا يهال استغربت يوم شفتهم بالحوض ويا طفاحياتهم قلت بنفسي هلا هلا وين قاعدين ويع ، عاد سبحان الله كل ما ابي ادشه اتعيز جنه ربي يبي بينبهني عاد جسمي مو ناقص حده حساس .


اختي يمه مني - قمري مكانه في الجابرية شفتي لفت البيادر دشيها اييج يمين ويسار لفوا يمين ورحوا لاخر الشارع اهو يصير بسرداب العماره وعلى فكره مافيه لافته بس نفس العماره فيها صالون شاميران صفطو بالبراحه ودشوا

 

[يمّه مني]

صالون البيادر ؟
ليلحين مادليت اي دخله مالت الجابريه اللي مالت الجسر اللي بين السره ولا دخلة مستشفى مبارك ولا مالت هارديز ولا صوب الفحص الفني ؟
فشششششششششششله ترا مادل لول

 

[cinderela]

شهوووووده اهوا فيه لافته بس عاليمين حيل عالطرف ههههههههههه
واسهلكم للوصف تعرفون مطعم بطريق ومطعم نايف الي بالجابريه ؟ الي قبال بنك الدم البراحه الي يم هالمطعمين طقي رصيف وركبي البراحه وابد جدامج النادي والي سيارتها مو جيب شوفي شكل النادي يم المطعم وانتي وشطارتج اشلون تدشينه

تصدقين شهوده كنت داشته بس احب العصر لان ما احب المشي احب الرقص بس واشتركت ٣ اشهر وعقبها دشيت لافام الخالديه شهرين وعقبها برد حق شيري لين ماقدرت دشيت حسيت فرق شافتني الفلبينيه ماجي جان تقوملي وتسلم علي وتبوسني يا حليلها اولهت علي ههههههه

طبعا قلت مابي ارد الخالديه ابي شي بالجابريه لاني ساكنه بالجابريه
اقولج جان اروح السره فيزيك ما اقول الا وييييييييييييييييييييع ويع ويع ويع وربي داومت يومين والخمسين ديناو اشتراك النادي راحت علي

تخيلو انا شفته قلت مابي مسبح مالي خلق لاني من اسبح ايوووع ههههه قلت ابي سويدي ورقص
انا شفت الصاله اهوا النادي بس صاله وحده قلت اوكيييي عادي
انا توني بدلت وبدش حصه السويدي ولا الفلبينيه الي اتدرب وااااااااي قققققققققققثه نفسيتها بخشمها والله ابتسامه ماكو وباااااااااااارده ما تدرب عدل ساعه كامله اثقال الايد وحركاتها لوع لوعه ويع
قلت بالطقاق امشي بالجهاز بس انا توني ماشيه يا هاااااااااادي الا سكرو الليتات كلهااااااااااا وشبو شمعتين اثاري يوغا
يعني تخيلو اشلون لج طاقه تمشين وظلللللللللللللمه حلاته اغاني تبط الراس
انا والله شفت جذي طلعت وقلتلهم ردولي فلوسي وبدفع مال يوم واحد قالو ما يصير قلت اها اوكي
واليوم الثاني عقب اسبوع قلت يمكن شي تغير والله قعدت نص ساعه وطلعت والحين خلاص ماراح اروحله

وخايفه ادش شيري لين وينقمت قلبي
وكلاسات الخالديه ما اعجبتني بس الاسباني
بس السباحه روعه والاجهزه روعه بس انا مابي سباحه تيوووع هههههه
شهوده انتي ماعندج دوام الصبح ؟نفس حالتي بطاليه ؟ههههههه

 

[^SwEeTa^]

اللي ما تدل معهد شيريلين الصحي

تدلون صالون وردة الجابرية؟؟

أبد دشي لفة وردة الجابرية و اخذي يمين و كملي سيدة .. راح يلف فيج الشارع يسار

بس هذي العمارة اللي باللفة .. النادي بالسرداب و فوقه حضانة اسمها (لتل مي)

 

[yam_yam]

مشكورة حبيبتي

 

[يمّه مني]

مشكورين سندريلا وسويتا شوكرن جزيلن جدن جدن خخخ

سندريلا انتي مافتريتي بفزيك ؟ اميه انا دشيته لالاعت جبدي والحين باي نادي مشتركه ؟ ولا ماكو ؟
لافام وايد حلوه اجهزته بس مشكله لاحظتها لمه ادش سبحان الله احس بضيقه اخلص بسرعه واطلع عكس لمه كنت بفلكس كنت ادش انسى عمري بس لافام قريب مني
وترا نفسج حالتج بطاليه ودي ادش انادي بس ماني عارفه وين
يمكن باجر اروح اطقلي فره
في واحد بالسالميه بيلاتيز آند مور جنه اجهزتهم حلوه

 

[أسيـل الجـــرح]

مشكورين حبايبي .. سندريلا انا ادوام بس حاليا اجازه امومه من جذي داشه اعدل الجسم قبل الدوام واروح العصر من 3 نادر ما اروح الصبح والسبب بنتي محد يمسكها خو ماكو خدامه قاعده جذي الله يعيييييين والله يعافي امي الي لما تشوفني حدي زهقت تاخذها يوم تدرين ما اقدر على فراق بنتي .... ( ويه انتي سألتيني سؤال عن الدوام وانا ما صدقت شكيت قصت حياتي اهي اهي اهي)

 

[cinderela]

يمه مني : الحين ماكوووو وكنت داشه لافام شهرين عجبني لان بس سباحه واجهزه كلاساته مادري اشلون ماحبيتها
وفيزيك غلطه حياتي ههههه
وبليز عقب الفره قوليلي شنو الي اعجبج وجنه الي قلتي عنه دشيته الي يم فاكس اسم بنابول او شي جذي دخلته بس كان بسكر ومسكرين الليتات هههههه فمادري شي عنه

 

[kadi933]

والله رفيجتي داخلته وتمدح وايد لى درجة انها ملتزمة فيه