بصراحه انا رحت له مع اختي على اساس نسجل فيه وانصدمنا من المكان فندق وهالله هالله وبصراحه يلوع الجبد على طول من تفتحين الباب ولا الاجهزه بويهج بصراحه نادي ضيق وصغير والمشكله بعد ما تطلعين نادي الرجال بويهج مو شي نهائياااا
بالنسبه للاجهزه شويه على نادي وفندق وحمام السباحه حيل صغير
انا بصراحه ابي اسجل بنادي الصليبيخات لانه اول كنت مسجله فيه وبعدين حملت وطلعت منه وكان اشتراكهم على 25 الحين ماادري بس روعه وكافي من تدخلين حمام سباحه شكبره وريحه الكلور فيه تهبل وبعدين فيه حوضين واحد كبير والثاني حق اليهال
وفيه تكرمون حمامات وايد احسن من الفندق الي ينعدون على الايد وفيه مكان للتبديل وتصعدين فوق مكان كااااااامل كله اجهزه رياضه عدي وخربطي واشتراكهم 3 ايام بالاسبوع ومدربه مصريه ومدربه السويدي والتمارين صينيه ماادري فليبينه
انصحكم فيه وكافي ادارته حلوه
اقول لكم معلومه عن فندق رمادا
انا عندي اختي ملجه وطبعا ما تطلع الا بشور اخوي الكبير وزوجها
عاد قالت ابي اشترك فيه وبعدين انجن اخوي وقال من صجج والله عندي رفيجي مرته مشتركه فيه وتقول قاعده تبدل ولا كاميراااا فوق راسها وتقطع الكاميرا وتجيبها للمخفر وللحين القضيه قائمه الله يستر علينا
