نادي فيت الدسمه ( تعالوا شوفوا شنو شفت )

[eman12]

السلام عليكم
اشلونكم حبايبي
انا من الاعضاء الاوائل المشتركين في هذه النادي
احبه صغير وملموم ودايم يكون فيه مشتركات من المعلمات لانه تابع لجمعيه المعلمين
وهادي والناس اللي فيه ناضجه وراقيه بالتعامل
لان انا اهم شئ عندى رواد النادي ماحب سوالف البنات المراهقات اللي اغاني وترقص والنوادي اللي يصير فيها البويات والصيحه والسب
المهم مالكم بالطويله
من زمان وانا اغط وارجع اجدد
ونفس المستوى ماعدا الصيف يلوع الجبد
بس بشهر يناير
رجعت اشتركت وياريت ماشتركت
شهر يناير يهبل فاضي
اروح بالليل نكون احنا اللي بالنادى مانتعدا 30 بنت ومتوزعين بين حمام السباحه والاجهزة
ووقفت شهر 2 صارت لي ضروف
اليوم رحت
والا انصدم
زحمه شئ ماتتصورونه
توقفين تنطرين دور حق الاجهزة
وحمام السباحه ملينان
عاد انا طلعت وقلت حق الريسبشن شنو هده من متى انتوا النادي ينزحم بهالوقت وكان 8 بالليل
والساعه 10 يسكر
قالت لنا شهر تقريبا
واغلبيه الاشتراكات شهر واح لان في عروض جديده وبعد الشهر يخف
تدرون شنو المشكله
في ناس تحب الزحمه ووتعرف وتسولف
بس انا بطبعى هاديه وماحب الزحمه ولا اقعد فوق راس وحده انطرها تخلص من الجها ز قلت ماني رايحه هالشهر و بجرب شهر 4 اذا نفس السالفه ربي يعوض علي ببيزاتى
بغيت رايكم واذا في احد مشترك وفي وقت ماعليه لوود النادي ياليت تفيدنا
تحياتي حبايبي
واسفه للاطاله ​

 

[el lulu]

رد : نادي فيت الدسمه ( تعالوا شوفوا شنو شفت )

حبيبتي انا كنت مشتركه بهالنادي من زمااااان اب 2005 وصج كان فاضي ويووونس تروحين تتمرنين على راحتج
وامي ليلحين مشتركه فيه بس ما تروووح دافعه بيزات عالفاضي تروح حق الصالون فوق بس بين فتره وفتره

واهو صج وقت العروض يصير زحمه بعدين يخف بس احســــــــن وقت تروحين ويكون فاضي اهو الصبح والظهر لانه فترة دوامات طبعا ف ماكو واايد الا الي ما تشتغل وجذي جربي روحي الصبح وبتستانسين تاخذين راحتج ماكو احد اذا نطرتي لي الصيف ترا يصيير زحمه طول اليوم لانه المدارس تعطل ف الناس فاضيه تروح أي وقت الحين حاولي تروحين الضبح والظهر دام الناس لاهيه بالدوامات وقوليلي شنو تجربتج اذا رحتي =)
مـــــوفقه انشالله

 

[AFRoDiT]

حبيبتي روحي لافام ملموم وهادي ونطيف

انا اشتركت فيه اخلص تمريني واطلع .. لا اتعطل ولا اضيع وقتي بسوالف

 

[AL ANOOD]

والله هم انا ابي اشترك بنادي وابيه يكون هادي وحلو .. بنات فيدونا عن النوادي شنو يشمل وجم يوم وجم الاشتراك

انا سمعت عن سفير الرقعي يقولون متواضع وهادي ..

 

[eman12]

رد: رد : نادي فيت الدسمه ( تعالوا شوفوا شنو شفت )

el lulu

حبيتى الصبح دوام والظهر تدريس العيال
فانسب شى لي من 7 لي 10 وبنتظر شوي يمكن يخفون
مادري شفيهم الحريم عقب 1000 مو مخلين شئ بخاطرهم )))))))))))
علينا بالعافيه اللهم لا حسد
وشوقتيني علي الصالون صج انا شفت مسوين عروض حلوة بس تشككت بالعماله انهم مو اوكي
مع اني صعدت كانت عندي جلسات مساج شفت حريم يسون شعورهم ويصبغون والحلو خفيف جدا
تسلمين ياقلبي
--------------------------------------------------------------------------------------------------------

AFRoDiT
تصدقين كنت مشركه بنتي فيه واشكثر حنت قالت تعالي معاي بس ماحبيت المكان مادري احس نظام قروبات
يعطيج العافيه
------------------------------------------------------------------------------------------------------

AL ANOOD

روحي شوفي بس بصراحه علي الوضع مانصحج فيه اذا نوعج ماتحبين الزحمه ومحكومه بتايم معين في نا س يروحون من عقب الدوام لين يتسكر انا لا محكومه بوقت
تسلمين ياقلبي ​

 

[you 2]

الصراحة انا مشتركة فيه ووايد حلوو وليلحين اروح وايد حلوو وممتاز صج صار شوي زحمه واتوقع بس هالفترة بعدين يفضى

وانا بعد الفترة الي اروح لها من 6 لي ال 9

الله يوفقكم

 

[Miss McDonald]

.


مآعندي فكرة !

 

[اسيل الصمت]

رد : نادي فيت الدسمه ( تعالوا شوفوا شنو شفت )

اب لعيوووووووووووونج

 

[درة أهل الطولات]

واي ما احب جذي

 

[meera15]

اذا ما تحبين الزحمه
اشتركي برمضان
بهالوقت تقطين الابره تسمعينها
كل المشتركات يوقفون اشتراكهم بهالوقت

 

[ظـلال الشوق]

كم اشتراك النادي؟؟؟؟؟

 

[jekara_maziona]

وعليكم السلام حبيبتي ..انا مشتركه فيه واروح تقريبا على الساعه 11 او 12 والحمدلله ماكو زحمه
حيييل عجبني نظيف بس اجهزتهم شوي مو شي .. ويمكن الزحمه عشان العروض اللي مسوينها

ظلال الشوق حبيبتي الحين مسوين عروض بمناسبة عيد الام
اللي اعرفه شهرين بـ 95
وفي حق 3 اشهر و6 اشهر وسنه بس مو متأكده بجم باجر ان شاءاالله اروح واتأكد لج

 

[ظـلال الشوق]

تسلمين حبيبتي

 

[MagiCal-SeCreT]

انا ودي اروح اهناك الصبح و اشوف اذا زحمة و لا لا

مو خو انا لا شغل و لا مشغلة بطالية .. و البطاليات اكل مرعى و قلة صنعى .. و الكرش ينتفخ


فيا ليت تقولون لي سعرة و عنوانه او حنى رقمة و تفيدوني

 

[][ sarah ][]

عاد كنت ناويه اشترك فيه وقت العروض , لان وحده حيل مدحتلي اياع واغرتني العروض بس صارتلي ظروف ان ماعندي وقت كلش ومااشتركت

اشوه اني مااشتركت لان مااحب الزحمه ونفس اللي قلتي عليه

بس اكيد السبب واضح اهوا العروض + المنحه اللي نزلت = كل الاماكن صارت حيل زحمه

 

[jekara_maziona]

بنات هذي عروض النادي

 

[قطوة@@]

كنت مشتركه فيه ايام الثانويه .. يا حلووة

 

[nora al]

حبيبتي نفس مشكلتي انا مشتركه فيه ووايد يعجبني بس مشكلته الزحمه

كل وقت زحمه جربت ارووح كل وقت زحمه بس الصبح يكوون زوييين يعني مو فاضي كلش بس على الاقل تحصلين اجهزه

 

[ADAMS]

قوه بنات
جم سعر الاشتراك بهالنادي 3 شهور ؟ ممكن رقمهم بليييز
ثانكس