نادي %كويتيات% لهواة التصوير الفوتوغرافي

[جاي وحليب]

غريبه! انا اللي عندي عادي ماتأثر ولا تزلق الكاميرا
عيل ماكو حل الا انج توجعين الكاميرا اول بعدين تثبتينها علشان ما تتزلق
وديربالج على كاميرتج .. يااربي حبي حق كاميرتي موطبيعي
واحس كلكم تحبون كاميراتكم نفسي :d

 

[بنت الشمالي]

بناااااات ابي اكون عضوه معاكم :eh_s(22): ممكن!!

انا بحط جم صوره جكجكتها >>> على قولة سوبر ماركت :eh_s(3): خخخ
وعطوني رايكم
بس حاولت احطهم بالمرفقات مايصير اشلون تحطون صوركم هني علموني عفيه

بس هااا انا تره مو شاطره بس اموووت على التصوير وكاميرتي سوني ديجيتال سايبر شوت _ dsc- w70 _ 7.2 ميغا بيكسل ، هاي سينسيفيتي ايسو 1000

وناويه اخذ نيكون بس مو الحين لمن ادرسها وامخمخها عدل وتالي اخذها :eh_s(9): ​

 

[جاي وحليب]

بنت الشمالي تقدرين تحملين الصور على هالموقع وتحطين لنا اللنك بعد التحميل للمنتدى ....
http://www.9m.com/

وحياج الله بالنادي..

 

[srabeel]

بنات نطرو علي خل أشتري كامره غير إلي عندي ( بس صمنديقه مافبيها شي ) أبي أكمل معاكم بس الكامره مافيها ولا ميزه مثلا الأوادم ودي أرقعها بالطوفه من حرتي

بس لا إن شاء الله اصير محترفه مثلكم وأصير أبله بعد

 

[بنت الشمالي]

جويهتنا مشكوره بعد قلبي ماتقصرين :eh_s(17): فديتج والله

بس ماعطيتوني رايكم في ميزات كاميرتي ؟:eh_s(22):

 

[بنت الشمالي]

جوييييهه ماطلعت الصوره ليش ؟

 

[بنت الشمالي]

http://www.9m.com/upload/17-03-2007/0.34101174155825.JPG

 

[جاي وحليب]

بنت الشمالي .. شفت مميزات كاميرتج كامله من هالموقع..
http://www.dpreview.com/reviews/specs/Sony/sony_dscw70.asp

ومشالله كل شي فيها تمام وحلو .. وتنفع تشاركين معانا بالورش وتجربين
راح تعطيج نتايج ممتاازه ..


بالنسبه للصوره ماادري ليش ماطلعت! مع ان انا دايما احمل على هالموقع
انتي بعد مانزلتيها على الموقع ضغطتي على الدقمه اللي مكتوب عليها "نسخ للمنتديات" ؟؟؟
سوي جذي وpaste بالمنتدى ...

او اذا المشكله من الموقع.. جربي غيره..

http://www.0zz0.com/index.php?pz=43421

او

http://arab4up.com/index.php

او

http://www.m5zn.com/

او

http://www.l22l.com/upload.php

 

[جاي وحليب]

srabeel

كملي معانا بكاميرتج اللي عندج .. لين ماتاخذين لج ثانيه
يمكن تحبينها فجأه لول

 

[بنت الشمالي]

اي والله تحبطت يوم ماطلعت ضاق خلقي
مشكوره حبيبتي تعبتج معاي ادري موفاضيه وانا متفرغه عليج
خلاص مادام انه كامرتي اوك مميزاتها راح اكون معاكم بالورش
بس اشلون احط توقيعي مثلكم عادي انسخه منج واحطه ولا شلون ؟

 

[جاي وحليب]

اي اخذي لنك الصوره مني هذا وحطيه بتوقيعج..

http://www.9m.com/upload/16-01-2007/0.11584011689118.jpg

 

[supermarket]

هلا ببنت الشمالي في النادي

وعادي يختي جكجكي على راحتج وراح تتطورين

اذا دشيتي موضوعي ( نقد الخبيرات ) راح تشوقين الفرق بين اول صوري وبعدين بعد ماقريت وجكجكت :eh_s(6):

ووااااصلي معانا مو تقطعين ... مثل ماقالت جاااااااي ( وكلامها درر درر )

القطاعة راح تردج من يد ويديد جنج مبتدئة :eh_s(13):



سراااااااابيل جكجكي باللي عندج احسن علشان مع الوقت تاخذيلج احترافية مرة وحدة ... وترى جااااي شاطرة بتصوير الاكل جانكم تبونها تصور المنيووو ( ادري جويييهة لقافة بس امووون:eh_s(3): )

 

[بنت الشمالي]

جووويهه تسلمين حبيبتي عالتوقيع

سوبر جكجك بدلعج بعد شتبين سوبروه هههههههه
اي دشيت موضوعج وبصراحه حمسني اني اكون عضوه معاكم
وماشاء الله عليج شفت التطور اللي قاعد يصير وان شاء الله تصيرين بروفيشنال خالص خالص لووول
وان شاء الله اتواصل معاكم بس ياربي ماقدر احط صوري عشان تشوفونهم
جويهتنا عيزت وهي تحطلي مواقع للتحميل وكل ماحملت صوري يطلع اكس على الصوره واااااي صج احباط

 

[supermarket]

ترى ممكن من المواقع نفسها ... يعني اليوم اكس باجر يطلعون


جربي


http://www.q83gp.com/up/

 

[بنت الشمالي]

هني صورت كلبسي مال شعري خخخخخخ شاريته من دايسو :eh_s(6):
الورده توحي انها وسط البحيره وليل ونور القمر نازل عليها
عاد يا على بالي اسم بس بكتبه بالعنجلش (( rose in the dark ))



​

الموقع اللي حملت فيه لقطاتي ظلم الصور وايد صغرها غميضه ضاع تعبي عاد شكلها بالحجم الطبيعي روعه ​

 

[Harmony]

وييه ما بغيتى بنت الشمالى طلعو لووووول
عاد تبين نقد و لا نسكت من منطلق اول مشاركة لج لازم نشجع

 

[Harmony]

لا حبيبتى ما صغرها و لا شيء اذا رعصنا عليها تكبر و لا تزعليج

 

[بنت الشمالي]

هههههههههههههه هارموني ضحكتيني ههههههههه اي والله مابغيت
اي نقد انا مستعده اسمعه برحابة صدر عشان اتعلم من اخطائي
وماراح احط بخاطري بالعكس احنا هني عشان نتعلم ونفيد بعض
فديتكم والله احلى تيم تيمنا هههههههههه

 

[جاي وحليب]

بنت الشمالي..

صور حلوه ..
عجبتني الصوره الثانيه اكثر.. من حيث الاضاءه والزاويه
وحتى المكان الفاضي وتدرج الاضاءه اللي فيه..
ومومبينه الورده انها صناعيه مثل الصوره الاولى ..

بس احس اعدادات الصوره يبيلها تعديل..
لانج مصوره بالظلمه.. واتوقع انج رافعه الايزو فـ صاير مثل تحبب شوي

يعطيج العافيه

 

[يالبا قلبي]

انزين شلون نتفادي مشكلة تحبب الصور اذا كنا رافعين الايزو ونبي نصور بالضلمة ؟؟