نادي %كويتيات% لهواة التصوير الفوتوغرافي

[اتكيت]

حيااج عبوره معاناا عزيزه وغاليه

هارموني فديت عمرج والله وربي فطست ضحك على تغشيشه الواجب

طيب تعالي غشيشيني قبل لا تطيح الابله عليناا اول شي بسال عن عزل الخلفيه قالتلي الابله حطي حرف f لا كامريتي ولا حتى اسمي فيه هالحرف خخخخخخخخخخخخخ ياريت تقوليلي
والتجميد سويته بس خربت علي الخلفيه والسرعه مو ضابطه بنزل صوري روحي شسوفيهم قلبي هارموني وقوليلي رايج يهمني وسلامتكم

 

[Harmony]

وييييي نحوله عسى ربي يفرحج دوم و سالفه ال F الله يسلمج هذا باعدادات الكاميرا المقصود الفوكس نقطه الفوكس يعنى و كل ما صغر زاد العزل عندج انا بكاميرتى شحليله اضغط زر و ازيده و انقصه بالاسهم بس انتى شنو كاميرتج علشان نقولج شلون تغيرينه

و شفت صورج يا عمرى عجبتنى الفكره و ضحكت يوم قلتى حسيتي بتطلعلج ورده ايي و الله ضحكتينى و تذكرت امى انا امى قالتلى شقاعده تغبريين تلفتينا فيج تطشر ماي روحى اسقى الزرع بره لووووول

 

[supermarket]

اي والله هالوورك شوب تلفنا ههههههههههه


انا الماي من الطاااااااااولة لي القاااااااااااع

بس ناقص اطب فيه ... بس راح اجرب يا انا يا التجميد ههههههه

 

[اتكيت]

ياهلااا هارموني الله يسعدج بالايمان وطاعه الرحمن يارب مبسوطه انو عجبتج فكره صوري والعزل بجرب الحين بكاميرتي متعاجزه اطلع اسمهاا انا كتبتها ونزلت صورتها بموضوع الكانون..

سوبر بعد عمري والله الحال من بعضه بس لازم نبين للابله انو حنا شطار ومانضيع تعبهاا سوبر ماقلتيلي رايج بصوري انتي بعد من البنات الي يهمني رايهم واستفيد منه دايما نصايحج حلوه يسلملي عمرج
وبس سلامتكم وتعيشوون

 

[supermarket]

نحوووولة بعد عمري انا حطيت لج تعليقي على شغلج بموضوع الوورك شوب


لاننا فعلا حاسة ان احنا عايلة وحدة بالنادي

وكل وحدة لازم تعلق على الثانية حتى لو ماكانت خبيرة

 

[SabaQueen]

الـــف مبــــــروووك



الف الصلاة و السلام عليك يا حبيب الله محمد ،،،



بنات حبيت ابشركم ،، و أخيرا وصلت كاميرتي الكانون الجديده اللي طلبتها من آمازون . و أخيرا !!!



عاد صبروا علي لما اقعد عليها عدل و بعدين بتشوفون النتائج المبهره



كاهي شوفوها ::

 

[supermarket]

قرة عينج

الف الف مبروك

يعطيج خيرها ويكافيج شرها :eh_s(15):

 

[يالبا قلبي]

بالمبااااااااارك

والفال لنا

 

[جاي وحليب]

مبروك سبا على الكاميرا اليديده ..
ترا خوش كاميره ياحلوها والله .. انا حدي حبيتها من اول صوره ^_^

 

[cacaw_q8]

على البركه انشالله

 

[SabaQueen]

الله يبارك فيكم حبايبي ،،

اقوول استاذه جوويهه ما القي بالنت شرح حق القوائم بالعربي حق كاميرتي ؟؟

و يعطيج العافيه

 

[جاي وحليب]

والله يا سبا مااظنتي تلقين عربي لها
عموماً .. انا هذا شرح كامل وشامل حق كانون 350D
بالعربي كاتبته الاخت Meem يزاها الله خير..

http://www.meeeem.com/community/showthread.php?t=175

فـ تلقين اغلب الاشياء نفسها .. مع اختلاافات بسيطه


والموقع هذا بعد حده مهم لكاميرا الـ SLR عموماً ..
والشرح حده حلو وممتع .. يعني يبيله تقرين وتطبقين وانتي مجابلته بنفس الوقت

http://web.canon.jp/Imaging/enjoydslr/

بس بالانجليزي

 

[SabaQueen]

مشكوره يا الغاليه على المساعده

و الله يوفقج إن شاء الله ...

 

[SabaQueen]

السلام عليكم و رحمة الله وبركاته ..

وين بنات النادي !!!

جنه محد قام يدش ؟!؟!


على العموم عندي لكم خبر بس حبيت تعرفون ان امس الأحد حطوا في قناة سما دبي برنامج خاص يهتم بهواية التصوير و اسمه ( عكس )
شكل البرنامج وايد حلوو و آنا ما لحقت إلا على آآخره خلص الساعة 10.00 بليل ..

عاد تحرووه الأسبوع الياي ..

هذه خبر اليوم و حبيتكم تستفيدون معاي

و بالتوفيق
..

 

[supermarket]

وي ياااابعد عمري

خوش خبر اخيرا لقينا برامج تعلمنا

يعني نترياه يوم الاحد الساعة 9 تقريبا على سما دبي

 

[supermarket]

بنات الخبر الاكيد



برنامج ( عكس ) كل احد في تمام الساعة 9.30 مساء على سما دبي

 

[شمع تحترق]

حبايبي اي استفسار عن اي شي بالتصوير او بالكامرات و معداتها او اخطاء بالتصوير

يعني اي شي اخص التصوير بشكل عام لا تتردد بالسؤال بس الله يخليكم على الخاص عشان اشوفه

دارسه تصوير لمدة سنتين و ماخذه دورات تصوير كثيره

مشاركه بعدة معارض و اعطي دورات تصوير و لو اني موقفه بالفتره الاخيره لاسباب تخص تطوير بمجال عملي

لدي خبره بمجموعه من الكاميرات منها المينولتا الكوداك و النيكون و الكانون و الباناسونيك كما لدي خبره ببعض برامج التصوير و اعمل بشكل محترف على برنامج لابرنت شوب

كما اعمل مونتاج فيديو

فمن لديها اي استفسار عن مشكله لا تتردد و عيوني انشاء الله لها

 

[supermarket]

شمع الله يابج


نبي دورات تصوير... ياريت تتكلمين عن هالشي وشلون الطريقة والتسجيل وكل شي


يزاج الله خير

 

[SabaQueen]

حبايبي اي استفسار عن اي شي بالتصوير او بالكامرات و معداتها او اخطاء بالتصوير

يعني اي شي اخص التصوير بشكل عام لا تتردد بالسؤال بس الله يخليكم على الخاص عشان اشوفه

دارسه تصوير لمدة سنتين و ماخذه دورات تصوير كثيره

مشاركه بعدة معارض و اعطي دورات تصوير و لو اني موقفه بالفتره الاخيره لاسباب تخص تطوير بمجال عملي

لدي خبره بمجموعه من الكاميرات منها المينولتا الكوداك و النيكون و الكانون و الباناسونيك كما لدي خبره ببعض برامج التصوير و اعمل بشكل محترف على برنامج

كما اعمل مونتاج فيديو

فمن لديها اي استفسار عن مشكله لا تتردد و عيوني انشاء الله لها

---------------------------------------------

ما شاء الله عليج اخت شمع عيني عليج بارده شكلج خبيرة و راح نسميج خبيرة النادي اذا ما عليج امر ..

و اخيرا لقيت احد يستخدم كاميرات مينولتا ---- > بعد عمري يا كاميرتي صارت عجووز و انكسرت ..

على العموم اختي ياليت تحطيت خبراتج او ردج على استفسارات الخوات بالنادي علشان الكل يستفيد منها ..
او اذا فضيتي تكلمينا عن الشغلات اللي تعرفينا مثل برنامج لابرنت شوب ..


و حياج الله معانا ..:eh_s(9):

 

[Violetta]

تعبانه من الكامره احس موقادره استعملها استعمال عملي
يعني اذا صارت حفله او شي ماقدر اصور و السبه انه الصوره تطلع مهتزه لانه تعلمت على الستاند

عندكم حل حق هالمشكله ؟ والا اشتري كامره ثانيه ؟