ناس مريضه شنو آخرتها معاهم ...شنو الحل برايكم ؟؟؟؟

[غزلان الجود]

السلام عليكم ورحمة الله وبركاته ...

اخباركم ؟؟

بقولكم سالفه اختي اللي اصغر مني هي آخر سنه ثالث ثانوي وعندي اخو من ابوي اكبر منها بس كله يرسب والحين هو آخر سنه معاها ..

اختي مو ذاك الزود في الدراسه يعني تمشي حالها وتنجح ...

وهو حاط عينه عليها ...

صار له سنتين على هالحال ..البنت رجع مستواها ...مالها خلق دراسه ... درجاتها صايره زفت حيييل ..تفكيرها مشتت ..

طبعا انا مو مبينه لها انه من عينه ..بس انا عارفه وساكته ..ودايما لا شببناها اقول اسمه ...

بس البنت اعتفس حالها مو زي اول ..حتى تفكيرها بطئ مو نفس قبل تلقطها وهي طايره ...

وهالايام الدرجات بالنت ..ودايما يشوف دراجتها ويقعد يسألها في الدراسه ووش تبي تصيري ...وشكله يصير مو طبيعي لاجا يكلمها وده يذبحها عيونه تصير حمر انا والله اخاف ...

وهو بايعها على الاخر زقاير و24 ساعه برى البيت ...

طبعا احنا مو بنفس البيت ..

بس عطوني حل شسوي البنت صايره مو هي شسوي من عينه ...

والله اني صايره من يدخل الين يطلع وانا ادعي عليه . وهالشي حرام ..شسوي ياناس والله مقهوره على اختي ..


عطوني حل يخلص اختي من عينه ...

 

[بنت حظوظ]

شوفي عندي خلطة تبعد العين خليها تسبح بسدر كحطون مملح لمدة 7 ايام قبل صلاة المغرب هالخلطة تبعد العين

 

[غزلان الجود]

شنو هذا سدر كحطون ياريت تفصلين بردك ..

وربي يعطيك الف عافيه على ردك ما قصرتي حبيبتي

 

[سكوتي بذوقي]

شوفي اختي الحاسد إذا تعرفينه

تاخذين من أثره

يعني لما ياكل او يشرب شي حطو فيه ماي

وصبوه باي شي وخل اختك تغتسل فيه

ولازم تحصن نفسها دايم

الله يكافيها شره يارب

 

[السيده ام حسين]

حببتي ادعي انا الله يشغله عن اختك انتي فكري في شي تشغليه عن اختك بعدين بينشغل عنكم
مثلا اذا عمره مناسب للزواج اقترحي عليه فكرة الزواج حتى لو لسه يدرس سولفوا معاه سوالف عاديه وين رحت من هالكلام ولاتجيبون طاري الدراسه تحته اهم شي تشغلوه عنكم الله معاكم

 

[غزلان الجود]

سكوتي بذوقي ...

المفروض هذا اللي نسويه بس صعبه حيل معاه ...

السيده ام حسين ..

حبيبتي والله سنه مو مال زواج ابد ..وهو اصلا مو مال زواج ..

حتى احنا ما نتكلم عن الدراسه معاه هو جذي ..واحنا حيل رسميين معاه ..

 

[الـــغـــلآ]

حبيبتي إذآ انتي متأكدهـ أخي سورهـ و غسلي البنت بغسوله
لآ تتبعون بدع مآلهآ دآعي
اتبعوآ سنة الرسول و بس

 

[عادت ذكرياتي]

عطيه تمر واخذي النواة هذا آقل شي تسوينه أو قلاص ماي ويشرب منه واخذي الأثر وخلي اختج تغتسل فيه وبس

 

[متيمة بالشعر]

لما يشرب ماي عندكم اخذي قلاصه و خلي اختج تشرب من وراه و تقرا المعوذات دايما و تحصن نفسها دايما ..
وان شاءالله ما فيها الا العافيه

 

[Vdieta]

البنات ما قصرووا

 

[الحللللوه]

الله يشفيها ياااارب

 

[القصيدة]

السلام عليكم و رحمة الله و بركاته

غلاتي لازم تاخذون من أثر أخوك يعني أي شئ يخصه و تغتسل فيه أختك أو تشرب منه

و أرقيها بالرقية الشرعيــــة

الله يشفيها و كل مسلم :eh_s(7):​

 

[حجيه هيونه]

البنات ماقصروا اخذو شي من اثره

وبالنسبه للسدر الاخت تقصدر سدر مطحون تاخذينه من العطارين