ناويه تشترين مكياج للعيد حياج بالموضوع

[مملكه الرشاقه]

السلام عليكم
شلووونكم
شلونكم مع السوق خلصتو ولا بعد ؟؟ انا الحمدالله خلصت :eh_s(7):​

هالموضوع راح يكون عن المكياج عشان نستفيد من بعض كل وحده تقول شنو بخاطرها تشتري للعيد من مكياج .. انا راح ابدأ اول وحده​

حاطه في بالي اخذ :​

1- ماسكرا
2 - بودره ماكس فاكتر
3- فاونديشن فيه نسبه ترطيب
4-شدو الحواجب من بودي شوب
5- عدسات لون اخضر ​

العدسات اليوم طلبت لي وحق اختي وحق مرت اخوي 3 ازواج عدسات ب 20 دينار من نظارات البلازا ( عدسات ميساء المغربي ) مريحين وحلوين ماخذه منهم من قبل لون عسلي​

بس ياريت اللي مجربه فاونديشن وماسكراحلوين تقول لنا ​

ان شاءالله ناويه اخذهم من مركز تجميل جمعيه كيفان لان اخر اسبوع من رمضان بيسون تخفيضات ولازم نستغل الفرصه :ggdw:​

ان شاءالله راح انزل موضوع عن مشترياتي من مركز التجميل ومن حبيب الكل كومار وسرداب الشايع واللي اخذت منه شغله عجيبه للاظافر وكلكم ادورون مثلها ... ان شاءالله محد سبقني وحطها قبلي :rerrerek::rerrerek:​

ان شاءالله يعجبكم الموضوع ​

تحيااااتي ​

 

[بنت الاحلام]

بعد عمري

مسكره انا اقول لج ريميل الحمره

والورديه مع بعض يخلون الرموش يهبلون


وانا نفسج ناويه ع بورده ماكس فاكتر

وهم ابي كريم حق العيد ما شريته انصحيني

 

[UNICORNA]

uuuuuuuuup

وعيدك مبارك حبوبه (=

 

[بنت احلام]

اممم حلو موضوعج

وانا بعد ناويه اشتري عدسات عسليه بس محتاره باللون ابي لو حلوووووووووووووو
وبشتري شدو حواجب من بودي شوب كلهم يمدحونه بس ماعرف استخدم الشدو حق حواجبي
يمكن لازم معاهم جل الحواجب ان شاءلله بشتريه
لاتنسينه ههههههههههههههه عشان الشدو مايتناثر على عنونج


وبثــــــــــ

 

[لف ليدي]

مادري مافي شي في بالي شكثر عندي مكياج حرام اشتري جديد
اب اب

 

[Tosta]

مسكرة لوريال الي بالكولاجين احلي وحده جربتها لي الحين
وماراح اشتري مكياج

 

[law love]

الشاميه و الخالديه عندهم خصم

حق اللي بيشتري للعيد

عن نفسي ماراح اشتري شي

 

[التـــوت البـري]

انا من يومين شاريه بودرة ماكس
وشوفي مسكرة مادونا حلوه

اب
اب

 

[tt2tt]

ما شريت ماكياج

 

[همس الهموسات]

ماشتريت قريب وحلو موضوعك =)

 

[أحترت أعبر]

أنا خذيت لي كريم اساس من ريفلون photo radey...وايد عاجبني وخذيت مسكرة بورجواه السوده اكسترا بلاك والبودره ماكس فاكتر الذهبيه ...واهم شي خذيت جل كرولاين الاخضر , قلت بحطه يكون يخفف من الخطوط اللي حوالين الشفاه , ادري عن روحي ان بطلت حلجي ما سكت وخصوصا اني بالعيد بروح دبي ومن الحين حلجي منشق من الوناسه ...
انتي شنو النوع اللي براسج تاخذين اساس ؟

 

[جوهرة البحرين]

هلا بالغالية.. شخبارج عساج طيبة..

ببدأ بالموضوع>لاياشيخة

اللي اعرفة بشرتج جافة مثلي وحوالين الحلج يطلع لج جفاف صح وعلى الفاونديشن يصير املح مادري شلون اخ ياقهر شي أليييييييييم ويوم احط البودرة يصير منظرة قبييييييييييح يقهررررر اوف >>نفس حالتي

عاد وربي اليوم رحت سنتر بوينت و خذيت لي فاونديشن فيه نسبة ترطيب قوية اللي اهو من برجوا عجييييييييييييييييب عجيب عجيب عجيب اخذتة ب 8 د.ب...

والله ويهي مليق يقهر جاف شوي استخدمت ميبيلين وفاونديشن ماكس فاكتر بس مانفعو وايد مثل هذا نسبة الترطيب فيه رهيبة وااااي والله مو مصدقة شاقة الحلج من الوناسة اني حصلت شي ينفع حق ويهي بس ترا للحين ماجربتة ع الميك اب شلون.. جربتة بدون ميك اب خمس دقايق وعقب مسحتة اقلج ماعرفت ويهي صار يلمع رطب حييييل ووووه اخيرا ويهي صار مخملي ع قولت البنات بس لازم تحطين لمسة خفيفة بودرة على شان مايلمع خخخخخخ.. واخذت لي ماسكرا ماكس فاكتر السودة


ووووبس>>عندي شدو ماشريت هههههههه



واذا تبين درجتة وصورتة خبريني افا عليج حاظرين لج

 

[بنت الرياض99]

نيفيا حلوووووووووووه وريميل تنشف بسرعه

 

[&موناليزا&]

موضوع حلووووو ومفيد

عزيزتي رفع لعيووووووونج

 

[المـــــها]

ارشح لج

مسكرة ديور بلاك آوت عجيبة
و مسكرة ريميل الحمرا اللي مكتوب عليها × فوليوم
و مسكرة سموكي آي لاش من ميك أب 4 ايفر
​

 

[الغاليه نونو]

" انا شريت لي ماسكرا من لانكستر من المنصور اشزينها عندي ماسكرات وااااااااااااايد بس ماستانس الا علي لانكستر اشزينها تهبل

وبشتري شوي خزعبلات هاليومين ويهي دهني اشتنصحوني فيه ماحب التلطخ يعني كريم الاساس الدهني الملييييييييق ماحبه ابي شي يصير بودر وفاونديشن مع بعض شتنصحوني فيه حبايبي

 

[CUTIE-THUG]

مسكرا ريميل اليديدة الي فيها فرشايتين عجييييييييييييييييييييييييبة جربيها بالمحل و شوفي ​

 

[زوجة عزيز]

up up

up up

 

[مملكه الرشاقه]

مشكورين بنات وحده وحده ردت عالموضوع ماقدر أرد عليكم لأني داخله من التليفون ان شاءالله برد عليكم باجر

والحمدالله ان الموضوع عجبكم ومشكورين عالرفع حبيباتي شوقتوني على اللي قلتوا عليهم وحيرتوني بنفس الوقت شنو أخذ

جوهرة حدي تشوقت على فاونديشن برجوا بس ما عندي أحد يوديني سنتر بوينت وأنا ما اسوق <<< تخاف تسوق
ياريت تحطين له صورته

تحياتي

 

[**selena**]

حسافة انا شريت من تجميل كيفان قبل التنزيلات اممم فاونديشن ما ادري بس الماسكرا ماسكارا بودي شوب الي من برة لونها وردي