نبدامن الحين نخطط لحفل التخرج

[بقاياالليل]

السلام عليكم كويتيااات
انا من الحين شايله هم حفله التخرج وانا توني اول مره ادرس في روضه يعني خام وفجعوني قالولي اني لازم اسوي دفتر تحضير وانا لله الحمد مااعرف وشو فيه ذا الدفتر
والخبر الثاني اني لازم اعطيهم ملايقل عن 3 فقرات لبناتي للحفله وانا الكارثه عندي مااحب ذي الحفلات وحوستها احضر مرتزه يمكن بس انا انا ادرب مدري بس انا يعني طلعت عندي مواهب بسيطه في التلحين يعني مشي حالها

نسيت اقولكم وش الي مخلي المساله صعبه علي شوي انها تحفيض قران وممنوع اناشيد الي فيها دق
ممكن اشيل الطق والدق من الاناشيد في الاستديو
والله اني خاطه الموضوع واعرف بنات الكويت مايقصرون وانشالله عندي موضوع بنزله احكيلكم عن الفرق بين مدرستي الكئيبه ومدارسكم شي ماتتوقعوه​

:0bee2e8d89:

 

[عهود الحب]

هلا اختي
حياج الله معانا بالمنتدى
انا موب عارفة شنو تبين بالضبط
بس حفظيهم جزء عم
ولما يخلصون الحفظ بمعدل سورة كل يومين او 3 ايام
وسمعي لهم كل فترة وفترة


اخذيهم وصفيهم ولبسيهم تاج يا تشترينه جاهز اوتقصينه من الكرتون الذهبي او الفضي
وقبله يكونون لابسين ثوب صلاة البنات والاولاد دشاديش وطواقي وشحلاتهم مصطفين
ولبسيهم وشاح اطبعي عليه كلمة حفظة القرآن


ودخليهم على نشيدة قرآني شي جذي
دوريها بالمواقع الاسلامية تحصلين شكثر عن القرآن وحفظه
ووزعي عليهم هدايا لما يخلصون عرض حفظة القرآن

 

[بقاياالليل]

عهود الحب مشكوره على افكرك الحلوة
بس انا جاء ببالي نتساعد من الحين لحفله التخرج بافكار

 

[بقاياالليل]

وينكم يابنات انا لقيت شريط حلو وبدون طق بس محتاره بانشوده ابيها بحركااااااااان كثيره

 

[عهود الحب]

هلا حبيبتي احنا بنساعدج
بس شلون نشرح لج الرقصة مثلا ههههههههههه اضحك لاتعصبين
حاولي تحركين الاطفال على تشكيلات هندسية متنوعة مرة شكل قوسين يم بعض
مرة يدورون بالدائرة
مرة رايح راد < شلون تستوعبينها ههههههههههههه
والله اهم شي انه كل طفل يطلع وجهه لأهله لاتخلين التركيز على جم طفل
خلي فرصة للكل للمرور امام الكاميرات وانه اهله يشوفونه عدل

 

[عبق الورد]

انا مدرسه مستوى اول يعني مرتاحه مافي حفله تخرج الحمدلله
الله يعين مدرسات مستوى ثاني
اللي فهمته يا قلبي انه تحفيظ قران يعني بدون اغاني .. سوي فقره عن حب الرسول في شكثر اناشيد مثل صلوا صلو ع الرسول
سوي فقره اختاري مجموعه من الاطفال المتميزيين بالحفظ وحطي نشيده عن حفظ القران بعدين خلي كل طفل يلبس امه تاج وذكري انه حافظ القران يلبس امه وابوه تاج الوقار يوم القيامه
الله يعينج يارب