نبي فطور ..بس مو اي فطور

[جاردينيا_2000]

ابصراحه اتعودنا في سفرتنا الرمضانيه ..بفطور دسم ..لا موبس دسم يقث ويخدر ..حتى الصلاه مانقدر انصليها ..امخدرين الى الساعه 10 ياله نستوعب
فقلت ليش ما نتبادل في افكار للفطور الي اقوينا للصلاه وللعباده مو يخدرنا
نبي فطور متنوع ولذيذ
نبيه صحي
ونبيه متجدد وفنتق
اطباق رئيسيه او جانبيه اوحتى عصير ارد الروح ويروي عطشك
منو يساعدني ويمدني بفكره وله في طبق اتعرفينه ماتبخلين علي يا اختي في اقتراحج​

 

[DBDOB3 DES]

والله ماادري بس امممم بالنسبه لبيتنا من زمان السمبوسه انحطها بالفرن بدال القلاي والزيوت اللي تقعد على القلب وبصراحه طعمها احلى بوايد من المقليه
اتمنى اكون افدتج

 

[أم الكتاكيت]

احنا فطورنا لالالازم
تمر ولبن
نوع سلطة
شوربة
طبعا الكبب و السمبوسة
التشريبة
هريس

أما العيش حق السحور

و سلامتكم

 

[همسات ليالي]

احنا فطورنا لازم عيش

وشوربه اي نوع

وكبب وسمبوسه

ولقيمات او حلو ثاني

وطبق جانبي مثل ورق عنب او معكرونه بالباشميل او جريش او تشريبه

ولازم انواع من المشروبات فينتو وتانج ولبن وماي طبعا وتمر لا انسى

والسحوووووووووووور عادي اللي يبقى من الفطور

 

[Snow angel]

تفضلي حبيبتي طلبك

http://q8yat.net/showthread.php?t=443073

 

[جرح الليالي]

انا افضل الخفايف والتشريبة والشوربة بس مو وايد

احسن من العيوش

نصيحة ابدي بشي دافي عشان لا تنهدين على الماي لانه اهو اللي يخدر

المشروبات حاولي تقللين منها لانها تتفخ البطن وتخدر

الله يعوده علينا بكل خير يااارب

 

[جارة القمر]

أنا فطوري التمر والماي


والشوربة


ما احب أكل



بعد التراويح أكل الكبب وأي شي ثاني كان علي الفطور



شوفي هالمواضيع راح أتفيدج



http://q8yat.net/showthread.php?t=365877&highlight=%DA%D5%ED%D1



http://q8yat.net/showthread.php?t=429278&highlight=%DA%D5%ED%D1


http://q8yat.net/showthread.php?t=442112&highlight=%C7%E1%DA%D5%C7%C6%D1