نتايج عمليتي مع الدكتور عبدالمحسن جعفر (انف)

[كويتيه وبس]

اي السالفه فيها دفع بس مو نفس مراجعة بعد العمليه 40 عرفتي
وعادي انه لما قالي صوري بس قالي قوليله د عبدالمحسن ونفس الشي قالي د جمال
مره وحده بودي صوري واشعتي واروحله لانها مراجعه ثانيه

 

[دنيا جديده]

اوكي طيب لازم ناخذ اشعه للانف؟ ولا ماله داعي

 

[كويتيه وبس]

هلا والله الماس الكون اشلون النفس تتنفسين عدل ولا الجبس ليلحين ماثر ؟
يا الثلاثه او الاربعه خلال هاليومين ان شاء الله باجر بروح الاميري اسوي الاشعه
واتاكد واقولج

 

[كويتيه وبس]

دنيا جديده انه د. جمال معطيني ورقه اسوي اشعه عشان يتاكد شنو
فيني بالضبط اللي مسبب لي العوار اذا لحميه ولا الحاجز

 

[دنيا جديده]

هلا والله الماااس الكون حنا بخير الحمدلله
انا انشاءلله بروح على لاسبوع الجاي للحين مومثبته اي يوم.
الماس الكون بسألج عن الاشعه خذيتيها قبل العمليه ولا مولازم؟

 

[كويتيه وبس]

الماس الكون شسم دكتور البنج ؟ انه الصراحه كل خوفي من البنج ونجاح
العمليه ماتعتمد على اللي يسويها تعتمد على دكتور البنج

 

[دنيا جديده]

امبييييييييييه سكتي كويتيه وبس جبتي طاري البنج خفت لووووووووووووووووول
اخاااف من البنج مادري ليش . صج الماس الكون الابرة مالت البنج يحطونها بالمعذي ولا يغزونه بأيديج؟؟

 

[كويتيه وبس]

لالالالا دنيا جديده لازم تسالين الدكتور مو مهم شلون الطريقه المهم
تسالين عن كفاءة الدكتور انه بسال الدكتور واصارحه بكل كلللل ما يجول ويصول ويفتر
ويقز بخاطري بحلل افلوسي عدل :dddds:

 

[دنيا جديده]

ههههههههههههههههههههههههه حلوه احلل فلوسي عدل اي والله صاااجه لووووووووول
انا خايفه من العمليه بكبرهاا اقول ياهني من شافني جايه من المستشفى وخالصه

 

[الماس الكون]

لا ما طلب مني اشعة بس سويت تحليل دم ... والبنج بالمغذي... واسم دكتور البنج ما ادري شسمة بس الي اعرفة جنة سوري لبناني شي جذي

 

[كويتيه وبس]

اييييييييي والله جنج انه ودي افتككككككككككك والله وارتااااح

 

[دنيا جديده]

اذا البنج بالمغذي جذي زييييييييييين ومضمووون ويقولون دايما احلى بنج بنج المواساة

 

[كويتيه وبس]

الله يسمع منج انه بسال الدكتور شوفي الكويت حاطين لقاء مع دكتورة تجميل قاعده تتفخ لهم شوفيها
الحين جنها بتتفخ براطم وحده

 

[دنيا جديده]

_03ba:اييي عرفتي هذي منو؟ د. نوره الصليلي زوجها د. ماجد التقي اختصاصي تجميل وكلهم بنفس العماره

 

[دنيا جديده]

بس اهي ترى مو دكتورة تجميل بس بشره

 

[كويتيه وبس]

معنها دكتورة جلديه وليزر بس بشرتها تعبانه استغرب صرااااحه

 

[دنيا جديده]

اي صح وانا بعد استغربت من بشرتهاا شلون الوحده تبي تسوي عندها

 

[الماس الكون]

اي والله صج هذي مرتة ... بشرتها حدا x ختعالج بشرتها ... وبنج المواسات انا ما حبيتة حبيت بنج السلام احس اخف واحسن ام بنج المواسات والله انة ظرب بمخي حدة حار وقوي لدرجة اني كحيت وزغللت عيوني وسيدة نمت ما يوهلج ابد

 

[كويتيه وبس]

وانه افتر وادور اي خبر اي شي عن الدكتور عبد المحسن جعفر لقيت هالخبر


نجاح إجراء جراحتين نادرتين لفتح الجيوب الأنفية بالقسطرة

11/05/2007 القبس
أجريت في الكويت جراحتان نادرتان بنجاح في مستشفى الجهراء تتمثلان في فتح الجيوب الانفية عن طريق القسطرة حيث تعد الكويت الدولة التاسعة عالميا والثانية آسيويا بعد سنغافورة التي تجري فيها مثل هذه الجراحة.
وقام باجراء الجراحة الاولى رئيس قسم الانف والاذن والحنجرة د.فؤاد القطان، فيما قام باجراء العملية الثانية اخصائي الانف والاذن والحنجرة د.عبدالمحسن ابراهيم واجريت الجراحتان باشراف د.عبدالمحسن جعفر من جامعة الكويت

ان شاء الله يااارب تنجح عمليتنا على ايده ياااارب​

 

[دنيا جديده]

اي اهم شي تنااامين واهم شي مانحس بشي وقت العمليه