نتيجه التحاليل ؟؟ تعالو بنات :)

[دلوعة كويتيات]

شلونكم بنات انا تاخرت علي الدوره والحمدالله ع كل حال نزلت امس وطلعت مو حامل عاد رحت الطبيب سويت فحوصات حليب وغده وطلعت الحمدالله سليمه ولله الحمد ،، هل معناته خلاص انا سليمه ؟ والا في تحليل ثاني يثبت سلامه الانجاب؟ طمنوني يابنات امانه؟ انا حمدت ربي لما طلعت فحوصاتي سليمه يالله لك الحمد والشكر ،، اللي بعرفه هل خلاص انا سليمه؟؟؟ ولكن لم يحدث حمل ؟ والا اكو بعد تحاليل غير؟؟ هل بهالحاله اخلي ريلي يفحص؟ لان انا خلاص سليمه ؟ والا لازم تفحص ع شغلات ثانيه سامحوني بنات قرقت وايد والله احبكم لاتخلوني

 

[sweet lady]

ان شاءالله البنات يفييدونج حبيبتي

 

[زين ودلال]

الحمدالله

خلي ريلج يفحص وان شاء الله يارب ماكو الا العافيه

 

[Dark SouL]

المفروض الطرفين يحلل .. بما انج سليمة ولله الحمد باقي الاساس بالموضوع

زوجج

لازم يحلل عشان تطمنون اكثر وان شاء الله كلشي سليم

ورفعي ايدج للسما وطلبي من الله الذرية الصالحه عاجل غير آجل

 

[مضيعه عقلها]

اهم شي سوي بايام التبويض تحليل يبين

اذا التبويض زين والا في ضعف تبويض

والله يرزقج قريبا واخر دوره تكون *

 

[om 7sony]

حبيبتي خلي الدكتوره تفحص لج المبايض والرحم بالسونار وتشوف اذ في تكيسات او شي لا سمح الله
وساليها بالضبط شنو الي لازم تفحصينه اكيد الدكتوره اخبر
وبعدين خلي زوجج يروح
وان شاء الله ان شاء الله مافيج الا العافيه
والله يقسم لج الذريه الصالحه .. امين

 

[@ام يوسف@]

الله يرزقج الذريه الصالحه

 

[yasmeen_q8]

بنات البنيه تقول انها حاااااااااااامل
مو ماكو حمل

بدامج حملتي يعني الحمدلله ما فيج شي لا انتي ولا ريلج

الحين بس باقي تطمنين ان الحمل داخل الرحم وان الطفل سليم

والله يوفقج ويتمم عليج

 

[yasmeen_q8]

وبعدين فحوصات الزواج تكفي !! لو في تشوهات او شي او امراض جان بين بالفحص
وكتبولج زواج غير امن
الشي الوحيد اللي ما يكتبونه امكانية الحمل او العقم

 

[تبطي عظم!]

ياسميين مضيعه حبوبه البنت مو حامل لووووول هذا تأثير الحمل الظاهر ماخلاج تقرين عدل ههههه

دلوعه الف الحمد لله انه تحاليلج سليمه باقي خطوه ثانيه بس اخيره اهي تشوفين تبويضج عندج ضعف او سليمه روحي للدكتوره

بعد ماتخلصين دوره وقوليلها وهي تفهمج كل شيء واذا طلع كل شيء سليم خلي زوجج يفحص واذا انتو سليمين

خلاص خليها على رب العالمين انتي توج عروووس استانسي لاحقه ع الحمال وغثا السهر

 

[دلوعة كويتيات]

مشكورين عالردود بس شلون تكيس؟ مو يقولون اللي مافيها ارتفاع هرمون حليب مافيها تكيس؟؟؟ والا يصير تكيس بدون هرمون حليب؟؟؟ خوفتوني،، ياسمين بعد عمري انا مو حامل نزلت الدوره والحمدالله ع كل حال بس شلون فحوصات زواج يقولون فحص زواج مايفحص اذا الوحده تحمل او لا؟؟

 

[تبطي عظم!]

دلووعه ماعندي فكره بس لا توسوسين روحي الدكتوره وتفيدج بكل الي تبينه احسن من مانقول

يمكن ويمكن وطمنينا ومثل ماقتلج اذا كل شيء سلييم خلاص زوجج يفحص واذا اثنينكم سليمين

خليها على رب العالمين ترا واجد ناس سليمين ويتأخرون بحمل بنت خالتي لها سنتين متزوجه وماحملت للحين

ومافيها شيء لا هي ولا زوجها بس سبحانه مارزقهم وغيرهم واجد اعرف طولو وحملو بعدين عادي وماكو سبب

بس كل شيء بيد رب العالمين ~

 

[دلوعة كويتيات]

تبطي الكل يقولي وسواسيه هههه بس شسوي ماحملت من ٥ شهور قمت اشك فيني شي والحمدالله ع كل حال ،،

 

[دلوعة كويتيات]

اب اب اب اب اب

 

[om 7sony]

حبيبتي تو النااس
توج خمس شهور
انا ما حملت الا بعد تقريبا سنه
والحمدلله لا انا ولا زوجي فينا شي
وانا عن نفسي ما رحت راجعت خفت يلعبون فيني وانا ما فيني شي
وسالت وااايد قالولي طبيييييعي لي سنه ونص اذا ما صار حمل بعدها تقدرين تحاتين

 

[دلوعة كويتيات]

اب اب يعني خلاص بس هالتحليل هذا ؟ والا اكو غيره؟ يقولون خلاص انتي جذي اوك وبعض ناس قالو لا حللي برجسترون ٢١ من الدوره

 

[cute_batoota]

حبيبتي التحاليل يكتبلج ياهم
ثاني او خامس يوم دورة
Fsh,Lh ,E2,TFT ,prolactin وممكن معاهم بس مو ضروري insulin ,DHEA,SHBG
اليوم ال 21 من الدورة يعني تحسبين من اول ما تنزل عليج الدورة 21 يوم تسوين التحليل بهاليوم 21 اهو ال progesterone هذا وااااااايد مهم وهو الي يبينلج وضع التبويض مع بطانهةالرحم
وطبعاً لازم تسوين تحليل وانتي بكرامة بول عشان تتأكدين ماكو التهابات بس هذا طبعاً اذا شاكه
ولازم زوجج يحلل قبلج
والله يرزقج يا رب الحمل الثابت السليم اللهم آمييييييين

 

[cute_batoota]

ومثل ماىقالو البنات لا توسوسين توج ترى لي سنه بعدها وسوسي بس ترة كثر التفكير يأخر الموضوع لا تفكرين واستانسي بزواجج ولا تشغلين بالج الا يونايتد ووناسة ريلج توكم هذي أحلى ايام الزواج لا تظيعينها بوسواس ماله داعي والله يوفقج يا رب ويسعدج حبيبتي*

 

[ضحاوي الديره]

ســـــــــــــــؤوؤوؤوؤوآآآآآآآآل ؟؟!!؟

شتبين بالحمال الحين وانتي توج عرووووس ياربي حريتيني

استانسي بشبابج وبجسمج يابنت الحلال وخلي كل شي على الله

من كلامج ومواضيعج أحس انج صارلج 200 سنه متزوجه وماحملتي !!! مو عرووووس

والله من جم شهر اذكرج بركن العروس ومشتطه

هدي يابنت الحلال واستانسي وخلي كل شي على ربج اللي مااااااااااينساااااج

والله لاحقه ع التعب والحمال والغثا والترجيع واللوووووعه والنطره ساااعااات بعيادات هالدكاتره

 

[دلوعة كويتيات]

شكرا اللي ردو ، شسوي بناات احاتي اخاف لاسمح الله شي مني مناك لازم اجيك ع نفسسي، بنات الالتهابات تاخر الحمال؟ انا فيني التهابات؟