نحت الجسم وشدة بعد الولادة والرجيم ( نبي تفاعل قوى ) بنات

[ملح الدنيا فيني]

:eh_s(9):

البرنامج



السلام عليكم

شلونكم بنات حبيت افيدكم

بشتري هالجهاز للكرشه والخطوط وبحط معاها خلطة للتنحيف

يالله من تبدى معاى بنسنع اجسامنا

الجهاز

http://www.youtube.com/watch?v=4ljSZujdDSo

http://www.youtube.com/watch?v=4cbG6hOj2Sk

http://www.youtube.com/watch?v=v1NN1ttWyz8

http://www.amazon.com/Relax-Body-Mas...6549054&sr=8-4



بحط معاه لوشن نيفيا للشد + لوشن بلمز



Palmers Post-Natal Firming Lotion



اول شي اغلبنآ نعآني من مشكـله اسمهآ السيلولايت او السلولييت او السترتش مارك
وهو تجمع دهون على شكل طبقه تحت الجلد
ممما يعطي منظر مثل قشر البرتقال وترهل للجسم

هذآ شكله سيلوليت الجسـم






طبعا علشان يخف ويروح لازم له طرق خآصـه تتعآملين مع هآلمشكـله
ثاني شي ياقلبي لا تحطمين روحك هذا شي عادي جدا ويعانون منه
حوالي 80% من النسآء عندهم سلولييت حتى النحآف عندهم بعد
والنآس اللي تفقد وزن فجأهـ واللي بـعد الولآدهـ يعني كثير حريم وبنات
لاتقولين خلاص ماراح يروح من جسمي
مافي امل يتعدل جسي لا والف لا
حاول واستمري مافي شي يطلع بين يوم وليله
مع الاستمرار والعزيمه كل شي يصير بااذن الله

ثآلث شي لازم تخففين من اكل الدسم والدهون والنشويات مثل الخبز والرز
وكثري من اكل الفواكه والخضار وشرب الماء واكل الزبادي لانه مذوب للدهون
وتداومين على مشروب الشمر والشاي الاحضر قبل النوم لانه يساعد على شد الجسم
ورآح اقولك طريقـه بس تستمرين عليهآ
علشان تطلع النتيجه بسرعه من شهـرين وفوق حسب الاستمرآر والمدآومه ياحلوه
وانصحـكم اولآ باستخدام زبدة الشيآ الخآم اشتريهآ خآم افضل ثم واخلطيهآ مع زيت زيتون


اضغطي هنا لمشاهدة الصورة بحجمها الأصلي

وادهنيهآ وسوي مسآج لجسمك فيه دآيمآ قبل لاتنآمين مثلآ او اي وقت ترتآحين له
او استخدمي جهاز مدلك بدل المساج ودلكي فيه جسمك فيه انواع واشكال اشتري اللي يعجبكي
مثل كذا الجهاز

على فكره ترآ لها فوآيد كثير هآلزبدهـ من بينهآ تسخدم لعلاج اثار وعلامات تمدد الجلد تخفيف اثار الحروق تفتيح الجسم
وتحتوى على فيتامينات a- e مركز وهذا الفيتامين مهم مره للنضارة الجسم وجماله
ويزيل الخطوط البيضاء والحمرا من الجسم
وترا ريحـته خفيفـه ولطيفه لاتخافون منه
وامشي على السير او الدراجه كل يوم اقل شي ربع ساعه
وحاولي تكثرين من شرب المويه
وانصحك ينصح بدلك المناطق الي فيها ترهل بقايا القهوة العادية او التركيه لانها تعتبر مقشر ومرطب طبيعي للجسم ضد السلوليت
وانصضحك بعد تستخدمي هذي الفرشاة

هي مدلك خاص لمناطق السيلوليت وهي مناطق الفخذين والارداف



وهآلفرشـه تستخدم مع منظفات خاصه او المقشر الخاص والماء بدرجة حرارة 30 درجه مئوية

اي ابرد من درجة حرارة الجسم وذلك للحصول على افضل النتائج لمكافحة السيلوليت


تستخدم مرة واحده باليوم وبحركات دائرية ابتداءا من الركبة وتصاعديا وصولا الى اعلى الفخذ

وهذي مجموعـه كريمآت تسآعدك

كريم نيفيآ لمقآومـة السلوليت

كريـم يجدد البشرة من فازلين



وكريم الترطيب الأكثر من راااااااااااااائع واللي في نسبة من احماض الفواكة والكولاجين وكترطيب مافي احسن منه ويعالج الخطوط والتشققات اهو كريم فازلين البنفسجي لتجديد البشرة
والشاورجل من دوف لشد البشرة...هذي صورة اللوشن لشد بس الشور جل نفسه


كـريم ROC كريم لعلامات تشقق الجلد و ستريتش مارك





كريم المـرز لشد الجسـم

وهذا صوره ثانيه لنفس الكريم

​

 

[ملح الدنيا فيني]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

شوفوا تجربة هالاجنبيه بعد شهر من استخدام كريم بلمز

The next time I get pregnant I wont be bothering with it. I spent too much money on Bio Oil, Baby oil, Cocoa butter etc. Put it on 3 times a day, rubbed it in for 10-15 mins a time from 10weeks and still got loads. I wasn't big but still managed to get loads. I now use Palmers Cocoa butter (the firming lotion) and they are almost gone. Within a month I noticed an amazing difference..


في المرة القادمة أن أحمل أنا متعود يكون التضايق معها. قضيت الكثير من المال على النفط الحيوي، وزيت بيبي ، الخ زبدة الكاكاو وضعها في 3 مرات في اليوم ، في يفرك لمدة 10-15 دقيقة من الوقت ما زال أمامنا الكثير 10weeks والأحمال. لم أكن كبيرة لكنها تمكنت من الحصول على الحمولات. أنا الآن استخدام بلمرس زبدة الكاكاو (غسول للثبات) وأنهم قد ولت تقريبا. في غضون شهر لاحظت وجود فرق مذهلة.... قبل




.. BEFORE.

1 MONTH LATER xx

 

[ملح الدنيا فيني]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

اخباركم حبيبات قلبي ..
شكلكم داخلين عالموضوع فاقدين الامل ههههه ..

قبل ما ابدأ موضوعي .. هذي مجموعة مواضيعي السابقه ..


تخلصت من 95% من "الرؤوس السوداء" .. ولي اكثر من "3 شهور" على هالحال ~ بالصور

و اخيرا وبعد عناء .. تخلصت من 85% من النقط البنيه في السيقان .. والحل بسيييط <<بالصور

خلط الكريم + القهوه التركيه = ؟؟؟؟ ~~ بالصور

وهـ يا زين رجيلاتي ~ 97% لا معاناة بعد اليوم .. ~ بالصور تجربتي

لـ شفايــف ورديه و ناعمه و كيوووت ~~ بالصــور

زيـت اللـوز المـر ~ ليه ظلمتوا المسكيـن!!!! << بالصـور

فـي [رمشهـآآآ] شـد الخفووق و هـزّه ~~ بالصــور

سـر من اسـرآريے ~~ يآ محلا الشآيے وآلافكــآر منطربہ ●●


-----

بسم الله نبـدأ ..


حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..


مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..

في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..


هذي الخطوط البيضا + الحمرا .. اما السيلوليت فهو شي ثاااني ..

طبعا غالب هالخطوط تتركز في الفخوذ - البطن - المؤخره ..


من التجارب اللي جربتها ..


كريم افالون .. Strech Mark cream

نفس هذا بس اخذته عصار ..

النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..


كريم بانثينول ..

النتيجه:
استخدمته لمدة شهر وخفت الخطوط بنسبة 5% بس ..



زيت الزيتون + ليفه خشنه:

هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..

ملاحظه/ تختلف البشرات فـ هو يضبط معها بس معي ما ضبط ..


زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد


------

هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ....الخ ..

خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..



اللي بقوله لكم ما بيكلفكم شييي .. كل اللي تحتاجونه شيئين:

- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..



ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..

و كريم فازلين المدور يحتوي على ( زبدة الكاكاو + زبدة الشيا ) مع بعض ..

انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..

يعني الاختصار المفيد هالصوره تعبر ..

----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..


الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..


النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)


السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

عذرا:
حبيباتي ماكان ودي اقلل من قيمة الموضوع لكن..

الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..

- وش عندها ذي تتفلسف علينا كأن عندها سالفه
- نصااااااابه اصلا مافي شي يوخرها غير الليزر لا و يخففها بس
- اللي يقولك استخدمي (........) كذب كذب كذب انا استخدمته ولا جاب اي نتيجه
- دكتورتي تقولي مالها حل وفقدت الامل
- انا جربت كل شي ولا فاد
- انتي مجنوونه حبيبتي شوفي الامر الواقع هذي بلوى من ربي
- انتي تستهبلين ولا مين قاص عليك انها تروح
- انتي شكلك ماتشوفين زين و على بالك انها راحت روحي شيكي نظرك
- بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها

و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

و أي سؤال حاضره حبايبي

 

[ملح الدنيا فيني]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

http://www.youtube.com/watch?v=diR_7...eature=related

http://www.youtube.com/watch?v=l1H-s...eature=related

http://www.youtube.com/watch?v=J7pQD5cl6gM​

http://www.q8yat.com/t669959.html

http://www.q8yat.com/showthread.php?...0#post28830670​

 

[ملح الدنيا فيني]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

انا برنامجى حاليا

هالكريم مع المساج السحري

الكريم مرتين يوميا

الجهاز 3 مرات باليوم
​

 

[عشقي اناني]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

يسلموووو

 

[السنيوره@]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

يسلموحبييي انا اشتريت هالكريمات بس بصراحه مهمله ماستمريت وذكرتيني وشجعتيني ارجعلهم مشكووووره

 

[سالم الروح]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

ممنـوع الحملات حاليا...
لين تنتهي الحملات المثبته

تقدرين تعدلينه وتسوينه موضوع افضل​

 

[&موناليزا&]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

موضوع حلوووووووووو ومفيد

مشكورة حبيبتي

 

[ام محمد8]

رد: حملة نحت الجسم وشدة بعد الولادة والرجيم ( نبي تفاعل قوى ) بنات

مششكوررة

 

[ملح الدنيا فيني]

 

[تبيني آرضى عليك]

مشكوررررررررره

 

[روره]

مشششكورررة

 

[عشق رسامه :$]

يسلمووووووووو

 

[Heaven Light]

من وين الجهاز وبجم؟
​

 

[miss angel]

موضوع حلووو

مشكورة حبيبتي

 

[يالبى روحه]

مشكووووووووووووووره

 

[ابوي دنيتي كله]

مشكوره حبيبتي عل موضوع والي عندها تجارب خل تفيدنا
بنات تكفون الله يخليكم انا صارلي شهرين والده وجسمي يفشل زايده اكثر من22كيلو شريت شاي بايوجي ومايت ماستمريت عليه تركته قولولي شلون اضعف تكفون والكرش شلون اوخرها بكريم او اي شي ثاني واللله العظيم الي تقولي بدعيلها لاتخلوني تكفون مالي الا الله وانتو

 

[ملح الدنيا فيني]

فديتكم

 

[نور مغليها]

حبيبتي تسلميين
وان شاء الله يسويهم