نخيتكم: اللي تعرف شي عن الفحيحيل النموذجيه؟؟

[مداومه]

السلام عليكم يا أحلى كويتيات

أي شي... أي شي... تعرفينه عن مدرسة الفحيحيل النموذجيه ...مستوى المدرسه ..والمدرسات ....طفل من أهلكم فيها وشنو يقول عنها...
انا لازم اسجل بنتي هالسنه وقاعده أدور لها مدرسه زينه....تعبت من التفكير ...شلون مستوى الروضه فيها...واذا أبي اكمل ابتدائي انا عرفت ان المدرسه في الصفوف الصبيان مفصولين عن البنات بس في الطابور والفرصه اختلاط شرايكم في هالموضوع...الاختلاط يعني منه ضرر ولا عادي

 

[كويت حرة]

انا ولدي فيها اولى وثانيه المدرسه حلوه والتدريس ممتاز فيها هذ رايي

 

[حورية بنت حواء]

في تجمع لهم دشي وشوغي

 

[دندونه@@@]

ولدي فيها له 3 سنين واحتمال اخليه يكمل الابتدائي عندهم في اهتمام من المدرسات ويراعون الطلبه وتدريسهم ممتاز لكن لي عليهم عذروب انهم صايرين ماديين من السنه اللي طافت وكنت ابنقل ولدي من عندهم بس هو ما رضى يبي يكمل فيها علشان اصدقاءه وبصراحه خفت تتعب نفسيته من النقل مثل رفيجه انتقل ورد مره ثانيه للمدرسه لان ما قدر يتأقلم مع الحكومه خاصه ان المدرسه موفره حوض سباحه لهم وكراتيه وملعب كرة قدم وسله بصالات مكيفه ومسكره مو مثل الحكومه يقطونهم بالساحه بعز الحر....اما الطالبات معزولين عن الطلبه حتى بالفرص يعزلونهم وفرص صفوف ثالثه ورابعه بعد فرصة اولى وثانيه على اساس الكبار ما يأذون الصغار....بصراحه فيها نظام واهتمام يريحج اكثر من مدارس الحكومه اللي خلف الله عليها لاعبين بعيالنا ومضيعينهم

 

[um khaled]

عيال اخوي 3 فيها

نفس مستوى الحكومه

بس زياده الكراتيه والسباحه

 

[مداومه]

مشكوريييييين بنات اللي ردوا علي واللي قروا الموضوع وماردوا هم مشكوريييين

ابي اسألج دندونه ......شلون يعني ماديين ...غير رسوم الدراسه ياخذون فلوس على شنو.....؟؟؟؟
وشكرا

 

[يغارون مني]

والله كل الي العام عيالهم فيها انقلوهم يقولون مو شيئ

 

[يغارون مني]

والله كل الي العام عيالهم فيها انقلوهم يقولون مو شيئ

 

[lolo77]

السلام عليكم

انا اعيالي الصبيان اثنين
كانوا بهالمدرسة
كانت خوش مدرسة
اهتمام ونظافه وتعليم
وخصوصا روضتهم وايد زينه

بس الابتدائي لا والله تغيرت
مو شي كلش لااهتمام ولا شي
نقلتهم الى النجاة

 

[hajer81]

ودي انقل بنتي لها والله الحكومه صايره موووووووووووووو شي
وبنتي تعلمت الكسل حتى خطها بالحضانه كان احلى ودفاترها انظف
اتمنى تكلمونه عن المدرسه اكثر عشان نستفيد

 

[بسكوتا كتكوتا]

نا كان عيالي كانو فيها بالابتدائي والروضة وفتحت تجمع للمدرسة وكنت وايد مستانسه بس الصراحه كل مالهم بالنازل


واستغلال وبس يبون فلوووووووووووووس


فنقلتهم للنجاة ابرك

 

[بسكوتا كتكوتا]

ودي انقل بنتي لها والله الحكومه صايره موووووووووووووو شي
وبنتي تعلمت الكسل حتى خطها بالحضانه كان احلى ودفاترها انظف
اتمنى تكلمونه عن المدرسه اكثر عشان نستفيد

ما انصحج وديها النجاة ابرك