نخيتكم ياا بنااات الكوويت ادخلووا

[أم لمـار]

السلام عليكم ورحمة الله وبركاته



اخباررركم يااا بناات ديرتنااا الثانيه ....



هذا اول مووضووع لي وطااالبتكم لاتردوووووووووني ولاتفشلوووني عند اختي ....




اختي راح تجي الويكند هذا للكوويت ويمكن تجلس اسبوووع ..


طبعاا هي وزوجهاا ومعهم بنتهاا ام سنتين و3 شهوور


وفي نفس الووقت راح تاخذ ملابس لها ولبنتهاا للعيد .... وهدايااا وشغلات زي كذا


حبيت اول شي اسألكم عن المحلات اللي بس موجوده بالكووويت وتكووون ذووق وحلووه ماابي فرووع لهاا

بالسعوديه ....

الشغله الثانيه كيف الأجووواء عندكم ... ومدرري المووسم ايش عندكم ...


احنااا بالسعوديه على وجه الأختباراااات النهااائيه .. فمااا ادري كيف عندكم ..


وبرأيكم هذا الوقت كوويس للسياااح ... وابي محلات وملابس حلوووه وجلااابيات ومطاااعم مميزه

واماكن تررفيه للبنيه ام سنتين حلوووه

انا ادرري ان كل لكوويت مميزه .. بس الشكووى لله هي ماايدميهااا تقعد تفررفر لانها ماراح تطووول


وابي محلات بعد تقلييييد للمااركات درجه اولى والاسعااار كووويسه



بلييييييز لاتردووني والله مااعاد يمدني الووقت ... وهي من زمااان تطلبني ابحث لهااا بالنت



وعقبال ماا اجيكم انا

 

[شقرديه]

:68_asmilies-com:

السلام عليكم ورحمة الله وبركاته



اخباررركم يااا بناات ديرتنااا الثانيه ....



هذا اول مووضووع لي وطااالبتكم لاتردوووووووووني ولاتفشلوووني عند اختي ....




اختي راح تجي الويكند هذا للكوويت ويمكن تجلس اسبوووع ..


طبعاا هي وزوجهاا ومعهم بنتهاا ام سنتين و3 شهوور


وفي نفس الووقت راح تاخذ ملابس لها ولبنتهاا للعيد .... وهدايااا وشغلات زي كذا


حبيت اول شي اسألكم عن المحلات اللي بس موجوده بالكووويت وتكووون ذووق وحلووه ماابي فرووع لهاا

بالسعوديه ....

تروح المجمعات وتلاقي اللي يعجبها مثل الافنيوز في محلات ماركات عالميه وهم ,الفنار ,والمهلب و,البستان عجيب ,مجمع زهره في جنط ,الحوش بالسالميه للجواتي عزج الله ,سوق شرق على الخليج ,مارينا مول .الكوت والمنشر بالفحيحيل ,سوق ستي سنتر السوق الاحمر, سنتر بونيت ,مجمع مريم الشغله الثانيه كيف الأجووواء عندكم ... ومدرري المووسم ايش عندكم ...


احنااا بالسعوديه على وجه الأختباراااات النهااائيه .. فمااا ادري كيف عندكم ..
احنا هم عندنا اختبارات والجو حار كالعاده
وبرأيكم هذا الوقت كوويس للسياااح ... وابي محلات وملابس حلوووه وجلااابيات ومطاااعم مميزه
الكويت حلوه بحرها وبردها وهالوقت حلوو لان شهر 8 رطووبه حيل واماكن تررفيه للبنيه ام سنتين حلوووه
في بروي بالافنيوز ومجمع جديد ديسكفري مخصص للاطفال يم النافوره الراقصه +حديقة الشعب+ يوم البحار +المدينه الترفهيه بالدوحه
انا ادرري ان كل لكوويت مميزه .. بس الشكووى لله هي ماايدميهااا تقعد تفررفر لانها ماراح تطووول


وابي محلات بعد تقلييييد للمااركات درجه اولى والاسعااار كووويسه

ختروح الفروانيه في مجمع العربيد بالازا ومجمع المغاتيير او سوق المباركيه بسرداب الشايع تحت
بلييييييز لاتردووني والله مااعاد يمدني الووقت ... وهي من زمااان تطلبني ابحث لهااا بالنت



وعقبال ماا اجيكم انا

وحياها الله بدريتها الثانيه الكويت ويا هلا ومرحبا


بالنسبه للمطاعم كل مكان فيه مطعم هههههههههه

:tek:

 

[غلا جت com]

بالنسبه للطفله في دسكفري جديد وفيه المركز العلمي وخليها تروح الافنيوز يبيلها يومين فيه في محلات موموجودة عندكم والمطاعم ما قصروا بالقسم واذا على الجلبيات اذا جاهزه عندج الاوقاف سارة واذا تفصال واحسن ورخيص وعندهم جاهز بعد العربيد الفروانية وشي بعد انا حاضر وبالخدمه

 

[الليدي...عمشه]

انا اعتقد الافنيوز يكفي ويوفي كل شي فيه ماركات ومطاطم وفيه مجك بلات حق العاب فضيع للجهال

 

[MaZyOoOoNa]

هلا ومرحبا فيكم اهل وحبايب والله
وحتى احنا امتحانات زين يت الحين الاوضاع هاديه والكل لاهي
بالنسبه لها تبي اماكن ماركات وغالي : الصالحيه - الرايه - فيلا مودا
اماكن حلوه للتسوق : الافنيوز حبيبتي فيه كل شي افنيوز 1 ماركات عاديه ومطاعم والعاب وسينما وكافيهات..افنيوز 2 يكون يمه ماركات غاليه وفي منها مو موجوده بالسعووديه وداخل الافنيوز في العاب حق البنوته
وعندج مجمعات : الفنار-المرينا-الكوت ويمه المنشر وكويت ماجيك هالثلاث مجمعات عند فحيحيل تروحلهم ثلاثتهم يوم واحد- وعندج سوق شرق بس روحي الافنيوز ابرك واشمل كل شي فيه
والالعاب : مجمع ديسكفري بمنطقة شرق عند صالة التزلج - مجمع نت ورك جمعية شرق (( هذيل داخل بس العاب حق اطفال ومطاعم بس ومجمع ديسكفري تحصل فيه محلات بيع ملابس حق يهال ))
ومحلات ملابس راقيه حق يهال عندج مجمع مريم بالسالميه تقريبا يم الفنار
وروحي المباركيه تلاقوون اشياء حلوه تقليد بس وين انشالله البنات يفيدونج اكثر
والمطاعم : الصنوبر مطعم لبناني يديد عند دوار البدع
برج الحمام مكانه على الخليج و اكله وطلته حلووه وهم لبناني
فرايديز امريكي على البحر
نينو ايطالي على البحر
ناز ايراني رووعه جمعية الجابريه وعند جمعية شرق يم مجمع الي قتلج عنه نت ورك مال الاطفال
التسيمو ايطالي برج النصار شرق دور 32 ايطل على كل شي
ساسو بشرق هم اكل حلو
قيصر اورينتال مغل محل هذيلا مطاعم هنديه ولهم كذا فرع :السالميه عند المعهد الصحي مبرور وفي عند ماركس سبنسر بالسالميه بعد
وفي بشرق خلف الشيراتون

هاذي الكويت صل على النبي واذا تامرين بأي خدمه او سؤال لا يردج حتى السانج افا عليج

 

[Queena_85]

حيــاكم الله بديــرتكم الثانية الكويت .. و العين أوسع من المكـــــــان ..
و البنــات ما قصــروا ..
و خلي اختج تشترك بالمنتدى و تشووف التقاريــر و المواضيــع ...
ترى كل شي موجود إن شــاء الله بالمنتدى ..
حتى لو تاخذ فره بسيطه بكل قسم ...
و اتمنى اني اكـــون فدتــج ..