نداء ..إلى كل مدرسة : خلص معاشج ؟؟

[espresso]

هالللو بنات :eh_s(6)::eh_s(6):


شلوونكم ؟؟


آنا مدرسة ... وبأل كل مدرسة مثلي !! ليلحين صامدة ؟؟؟ ولا المعاش بح بح ؟؟؟

عن نفسي !! ميزانيتي من أول شهر 6 خوااارة :0bee2e8d89:

ورفعت لافتة " شدي الحزام ":eh_s(1):


أمبيه ... حدي خايرته !! آنا مو جذي ... بس و الله التجهيز للعيد ذبحني !

على بو انه بخلص بسرعة قبل شهر 8 ... !!!


ها و اتنوا شحالكم و شحال جيبكم .. أوكي ؟؟_03BA:

 

[moone GRL]

اووووله قطيتي معاشج كله بالسوق


انا الحين اجازة مرافقة مريض .. ينزلي معاشي شهر بشهره .. وتبين الصراحه مادفعت ولا فلس من رحت لندن لي الحين قريب ال 5 شهور الله يعز الحكومة مخصصاتنا شوي وشوياااات ماحتاج اسحب كلش فوق اللي نحتاجه مع انه العيشة هني نااار .. يمكن نعمه لو اني بالديرة جان صج خرتها

 

[جنون العشق]

من صجك لا للحين ماصرت معاش واحد

 

[shai5at al3arab]

انا كنت حاطة خطة انه اول ما ينزل المعاش احوله كله توفير وكل شهر بتاريخ معاشنا الصجي احول حق حسابي العادي معاشي الاصلي بس مخصوم منه المبلغ اللي كل شهر اوفره ايا كان .

بس ويييييييييييييين


احنا حق التخطيط شطاار ونعجبج ونعطيج خطط ممتازة ، بس ما نطبق .

يعني شوفي اهو ما بحح نهائيا ،

بس اول ما نزل سافرت دبي ، ودبي مقترن اسمها بالمشترى ،

وللحين صايرة خوارة لازم اتدارك نفسي .

 

[لباس التقوىk]

الله يعينج اختي
صرفت منة للحيين حوالي 100 دينار قولي ماشاء الله حبيت اعطيج دافع
وتتحسرين على صرفج
وتتعلميين من الشطار>>>

اذكري الله ماشاء الله

 

[q8 star]

حبيبتي

شوفي هذا الرابط ( بقسم الحياة العملية )
http://q8yat.net/showthread.php?t=312261

وشوفي بعد هذا الرابط بقسم ( تبادل الخبرات والتجارب الحياتية و المنزلية )
http://q8yat.net/showthread.php?t=326364

ان شاء الله ينفعونك وتلحقين على الباقي من المعاش

 

[رشيقه]

لعبت لعب
بس ما ادي جم بغى بالرصيد

 

[espresso]

ماشالله ماشالله ماشالله على اللي ما صرفوا وبذروا نفسي ههههه

عزائي الوحيد اني خلصت ملصت حق العيد ... حتى الشبابيص بس بقى جنطه لي ..

و آنا لما أقول خرته مو يعني خلصته بس دخل مصروف شهر على شهر ... والاستقطاع التوفيري شايلته من أول العطلة .. وقسط مدرسة بنتي حاطته على جنب ..
اللي خرته بالمصروف بس ... وهذي بحد ذاتها نكسة ياجماعة ...

 

[طفلة الشتاء]

امبيه بنات والله عبالي بس انا لاعببببببببببببببببببببببببببببببببببببببببببببببببببه لعب بمعاشات الصيف بس خلاص بروح اجهز

للعيد قبل لا اتوهق صج.... ...بدال ما انا قاعده جذي ....لا وفرت ولا خلصت للعيد.

 

[anwaralghadeer]

الله يعين المدرسات على معاشهم الى نصة طاير على المدرسة

 

[دراهــم]

حبيبتي .. شوفي

انا اول السنة ادش جمعيتين ..

استلم وحدة شهر 7 .. والثانية شهر 8 ..

وحدة استلم 1000 .. والثانية استلم 800

واصرف على الراحة

فـ نصيحة مني .. دشي جمعيات حق العطلة .. لانها مثل المعاش

.

 

[أم ضارى]

وناسه الجمعيات بس انا معاشى مقصقص ماينفع ادخل جمعيات

 

[فرحه عمر]

عيل انا خلص معاشي وماكملت شغل العيد لااااااااااا ووراي سفره لدبي
شرايكم ؟؟؟
فااااااااااااااااااااااشله درجه اولى وبامتياز

 

[ام عفاف الكويت]

حولتهم لحساب امانات ومن شهر 6 الى 9 ينزل لي شهريا 500 بس منهم كل شهر 500

 

[ديما الكويت]

عيل أنا صرفت فوق النص وباقيلي ربع المبلغ ؟ والمشكلة الحين علي التزامات وايدة والمبلغ اللي باقيلي شوي مايزيني حتى للعيد وبداوم وهم يبيلي هدوم وجناط للدوام وللعيد ؟

 

[~~ SaM ~~]

الله يعينكم

 

[الحلا2009]

الله يعينا المعاش اللي بيتقطع على الدوام و رمضان و العيد و اليهال و السفرة ............... الله كريم

 

[الحلآآآ]

الله كريم !

 

[Arosha]

الموضوع الصراحه نفس الي يقول جبتها عالجرح

خل اقولج تقسيم معاشي

اول شي اطلع كل التزاماتي وانا كل مره يمر علي معاش العطله ما ادري شنو سويت شنو صرفت لا وما اكون شاريه حق عمري شي ينذكر بذيج القيمة الي الواحد يقول اي والله شرت هالشي وهالشي

دشيت جمعية من شهر 5 لي شهر 4 الياي يعني قبل معاش العطله الياي باذن الله ان كنا م الاحياء واياكم احصل منها 440 بخليها حق تجهيز ولادتي

وقسمت مصروفي لكل شهر بعد ما دفعت اقساطي وعطيت بنتي مبلغ تستاهل بنوتي وشريت هدية حق عيد ميلاد ريلي وعطيت امي وحق وجه الخير همن ما ننسى المحتاج

وعقب كل الحسبه حطيت لي مصرف 160 لكل شهر ادفع 40 منهم حق الجمعية والباجي حق صالون وهالسوالف والحمدلله ريلي ما يقصر يعبيلي بانزين واهوا يشتريلي كروت

وعازله مبلغ حق العيد على جنب وشريت لي جنطه حق العيد وبيني وبينج عقب ما يبت بنوتي احب اشوف كشختي فيها يعني ما يهمني شنو البس نفس قبل اهم شي بنتي الله يحفظها

 

[سوق الجمعة]

انا نفس اروشا بالضبط .. انا شلت 1200 تأثيث للبيت وباقي 650 مقسمتهم لكل شهر مصرف ..