نداء إلى كل من قامت بعملية الليزك

[همسة وله]

السلام عليكم بنات فيدوني اللي سويت عملية الليزك سهلة؟ ما تخوف ؟ متى أحط العدسات الملونة التجميلية؟ متى اكحل عيوني؟ فيدوني جزاكم خير

 

[Tutti-Frutti]

رد : نداء إلى كل من قامت بعملية الليزك



لا ما تخوف معني وقتها مت من الرعب وويهي صار ابيض جنه شبح لووول
اهي ما تخوف صراحه بس اجواء العمليه كانت رعب

وانا لبست العدسات من بعد سنه تقريبا
تقدرين تلبسينها بعد 6 اشهر اعتقد بس امي ماكانت تخليني

والكحل امممم من بعد شهرين
ولمن بتحطين مكياج وشدو وبتمسحينه لا تفركين حيل بالهداوه لانه العين تصير حساسه بـ اول الاشهر

اتكلم عن تجربتي لاني حسيت بالفرق قبل العمليه وبعد العمليه
عيوني صارت حساسه من بعد العمليه << صارلي تقريبا سنتين وشي
جنه امس بسرعه مر الوقت

تقومين بالسلامه انشالله وديربالج على عيونج فتره بعد العمليه

 

[أم حمودي**MALL**]

ولا تخوف ولاشي عادي جدااااااااااا
بالنسبه لي ولا شي يم الخوف الي ايني وقت اروح طبيب الاسنان
توكلي على اله وسويها بتحسين بفررررررق

 

[كوكو الكويت]

رد : نداء إلى كل من قامت بعملية الليزك

انا مثلج حبوبه ودي اسويها بس متخوفه ,, انتي وين بتسوينها ؟؟ و جم بتكلفج ؟؟؟

 

[اسرار الغلا]

وين احسن عياده او دكتور يسويها ؟؟

 

[نيــلــوفــر]

حبي انا بعد مفكرة اسويها اول ما تنزل المكرمة الاميرية ان شاء الله عند سلطان المطيري واد يمدحونه
وعندج بعد محسن ابل او حسن مو متأكدة من اسمه و في دكتور اسمه وجيه شي جي بدار الشفاء
و في دكتور سامي الربيعه بمستشفى بوشهري كلهم سمعت عنهم انهم زينين و اسعارهم متقاربة 450 - 550 دينار
استخيري و توكلي على الله

 

[Tosta M7mSha]

حبيبتي ما تخوف المها بسيط انا سويتها بالسلام اب 300د.ك وعقب 10 ايام كلشي طبيعي تحطين كحل تلبيسن عدسات عادي واساسا من ثاني يوم اتداومين وتشتغلين عالكمبيوتر بعد والجهاز الي عندهم نفسه الي عند الربيعه بو 1600 بس هذا لان واحد متبرع بفلوسه فا نزلو من سعر العمليه الى 300د.ك والله رااااحه انا كنت اعاني من الجفااف والعدسات اذبحتني الحين صارلي سنتين امسويتها وكلشي تمام التمام

 

[حكآية قلب]

رد : نداء إلى كل من قامت بعملية الليزك

اناا سويتها عند مركز الربيعه ..

450 دينار
آسبوعين وكل شئ تماام ..

بسس العدساات نطري شوي عليها اقل شئ شهر عشاان الجرح للحين يكون حساس


و الدنيااااااا حلوه بدون طبيه هههههههههههههههه

مووفقه حيااتي ..

 

[غنآآآتي]

رد : نداء إلى كل من قامت بعملية الليزك

اختي عمليتها ان شاء الله تاريخ 1 \ 2 \ 2011
الثلاثاء ان شاء الله قيمة العمليه ب350 ​

عند يؤنيفيرسال اللي بالرقعي
دكتؤرها محسن ابل ​

شااااطر ماشاء الله
تدخل الصبح ؤتطلع بنفس اليؤم
رفيجتها سؤت قبلها ماشاء الله
ماشطت منها ؤلا شي ؤلله الحمد ​

 

[.jana.]

انا قاعده افكر اسويها بس انا عندي انحراف بعد بس خايفه ومتردده يله بنات نبي تجارب اكثر علشان نتشجع ونتوكل على الله

 

["الماسه"]

اب اب

 

[الغزال الشارد]

حبيبتي ما تخوف المها بسيط انا سويتها بالسلام اب 300د.ك وعقب 10 ايام كلشي طبيعي تحطين كحل تلبيسن عدسات عادي واساسا من ثاني يوم اتداومين وتشتغلين عالكمبيوتر بعد والجهاز الي عندهم نفسه الي عند الربيعه بو 1600 بس هذا لان واحد متبرع بفلوسه فا نزلو من سعر العمليه الى 300د.ك والله رااااحه انا كنت اعاني من الجفااف والعدسات اذبحتني الحين صارلي سنتين امسويتها وكلشي تمام التمام

وين سويتيها عند الدكتور غازي ؟؟
:080402ask_prv:

 

[لولو 88]

up
up
up

 

[فتاة.]

رد : نداء إلى كل من قامت بعملية الليزك

انا سويتها عند محسن ابل" كويتي" بمركز يونفرسال ب350 الادوية تقريبا من20 الى 25 "اهم شئ تشترين ادوية التنظيف " وايد زينه بعد3 ساعات صرت اشوف وايد زين صارلي الحين سنتين نظري ممتاز الحمدالله
بس المهم لاتدنقين ولا يدخل عينج الماي واهتمي بنظافة العين ولبسي نظارة شديدة السواد حتى داخل البيت المهم الاضائه لاتدخل بعينج
واختي سوتها بنفس المركز حطوها عند المصري صارت ماتشوف زيادة وقال الدكتور عادي راح اسويلها جلسة ثانية وخربت عينها صار في انحراف وشوي حول دربالج لاتروحيله
طلبي اسم الدكتور بالاسم او سوي موعد بالتلفون لان اذا يتيهم وكان عند محسن ابل ازدحام يحطون ملفج عند الدكتور المصري

 

[روح عاشقها]

حبيبتي انا سويتها قبل 5 سنين عند سامي الربيعة كلفتني 450
بعدها ب10 ايام كنت حاطة مكياج كامل عشان عرس ولد اختي بس من غير عدسات وعقب شهرين حطيت العدسات الملونة عادي
بس اهتمي بالقطرة المرطبة

 

[اللاما]

انا سويتها عند محسن ابل ماشاء الله ايده خفيفة وما طولت تقريبا عشر دقايق

 

[^^ROSE^^]

بنات ماصار معاكم صداع عقب العمليه؟
انا فيني انحراف و لما سويت نظاره حاشني صداع مو طبيعي
ودي اسوي العمليه و ارتاح بس اخاف يطلعلي شي عقبها مايتعالج خو انا الوسواس عند ويهكم

 

[اخت في الله]

رد : نداء إلى كل من قامت بعملية الليزك

بخصوص الحكل

الدكتور سامي يقول اسبوعين

وفي تجارب بنات في منتديات سعوديه يقولون اسبوع ..؟!!!

ماني عارفه بالضبط


نبي وحده تكلمنا عن تجربتها​

 

[caramel girl]

انا سويتها قبل شهر صج الاجواء تخوفج بسس عااااادي ماتاخذ عشر دقايق

واصلا الدكتور ماراح يسويها لج الا بعد فحص دقيق ويقولج تصلح لج ولا لأ يعني تطمني اذا قالج اووكي معناتها عارف شغله
وترا نسبة الفشل فيها اقل من واحد بالميه

بس سويها عند مكان ثقه مثل الربيعه او العجمي او المطيري هذيل الي سمعت عنهم ..
والكحل انا حطيته عقب شهر اما العدسات قالي الدكتور عقب شهرين

 

[مش مش شعول]

انا اقول انا مسويتهااااااا عادي اول شي يحطون قطره بعينج بعدين تدشين وتناااامين نفس طبيب الاسنان يعني عادي بعدين يحط شي بعينج علشان ماترمشين بس ماراح تحسين لان القطره تعتبر مخدر يعني عادي بعدين يشتغل بعينج قصدي عن طريق الليزر اقل من ربع ساعه بعدين تطلعين لاتطالعين بالمنظره لان عيونج راح تسير حمر بعد اللي يبي الزين مايقول اح.........بعدين رووووحي البيت سيده ناااامي احسن لج بعدين مارسي حياتج طبيعيه ......انا مسويتها عند الربيعه 450 دينار بس خووووش دكتور ............ثانكيو:wqedqw: