امم نفس اللي أهل الكويت يسوونه .. عادي مافيه شيء يديد
نسوي سخونة ( بعض المناطق يسمونها حريروة) .. وهي حلبة وطحين وحبة حمرا ( رشاد) وحليب .. نار يحطون لها بهارات بس في بيتنا ما نحبها بالبهارات
نسوي خبز رقاق ندهنه بسمن ونذر عليه سكر ( سمن نصنعه محلي )
نسوي خبز رقاق في حليب حار وسكر وسمن
نسوي للبيبي صبر ونيل وما أدري شو علشان سرته تطيح بسرعة وما تلتهب ( في اسبوع تطيح بسلام)
وأمي تدهن البيبي حوالين عيونه بشيء ما أعرفه علشان جفونه ما تكون منفخة
ونهن جسمه وشعره بزيت زيتون علشان يطيح منه وسخ الرحم ..
وبس يبالي أسجل اللي أمي تسويه
هيه للأم النفساء نحط حصااااة جبل كبيرة ( أو حبة باسكو ) بالفرن أو على النار نسخنها .. وعقب نخليها تبرد شوي ونلفها بفوطة وتحطها النفساء على بطنها
وفيه ناس اييبون حريم يمسحون النفساء
وجذيه يعني
