نداء حق بنات دبي

[ابله نعومه]

بنات انا بروح دبي بالعيد انشاءالله وحبايبي بنات دبي ابي تعلموني بعض الاشياء

ابي رقم صالون رشنا بدبي بديره ابي ايوولي الفندق بجمم نقشهم


وابي اماكن فيها عبايات بحدود 500 درهم وتحت قالولي في بمصانع عجمان بس ابي اسماء المحلات الزينه هناك


ابي اعرف محلات شيال يديده وحلوه

شنو في عطور مميزه وحصريه بدبي غير انفاسك دخون وتكون اسعارهم حلوه لان صراحه انفاسك دخون اسعاره نار وتحسفت ان خذيت منه


ابي دراريع حلوه وين اروح

والسوق الصيني يسوى اروح له


المردف فيستفال شنو فيه محلات نفس دبي مول ولا غير


تنصحوني اروح المدينه الثلجيه وجم اسعار الدخول وبعد وين اروح

شنو في مطاعم حلوه تنصحوني فيها :yaaaaaarb:

والله يوفقك كل بنيه ترد علي

 

[جروح ودموع]

بالنسبه للعبي انصحج بوهيل روووعه واسعاره حلوه وبالنسبه للشيلات عندج حناين وماي فير ليدي وفي بعكاظ دواعيس لما تنبشين عدل تلقين شغلات حلوه وغرييبه والدراريع انا كنت اخذ من محل نسيت اسمه بالغرير يصير بزاويه والسوق الصيني لا تطوفييينه اكسسواراته زوووووغه وعندهم تكرمون شحاطات وفلاتات رووووعه ورخييصه وجناط حلوه وكل شي فييه والفيستفيل محلاته حلوه بس دبي موول محلاته اكثر واحلى والحديقه الثلجيه رووووعه ومتعه لا تطوفينها ورحله سعييييييده

 

[نور الشهري]

up

up

 

[كيفانيه 22]

رحلة سعيده و اختار موفق

دبي

 

[ليدي دبي]

رشنه ما اعتقد يروحون فنادق روحي لهم احسن تشوفين نقشات عندهم اكثر .. اهم لهم فرع بديره بالحمريه وفرع بجميرا قبال ميركاتو .... واسعار النقش تختلف...
بالنسبه للعبايات عندج ابوهيل .....
العطور روحي سوق نايف يمكن تلقين لاني كنت بقولج محل ثاني اسمه ياس الاسم الملكي للعطور بس غالي .. اغلى من انفاسك دخون ...
مردف سيتي شي
وفستيفال شي ثاني يعني مو كلهم مجمع واحد .... طبعاا دبي مول الافضل لانه يشمل كل المحلات الموجوده بالمجمعات كلها بس هذا ما يمنع انج تروحين لهم .... خاصه الحين اغلب المحلات مسويه تنزيلات
السوق الصيني انا عن نفسي ما احب اروح له بس روحي له يمكن يعجبج....
روحي القريه العالميه فتحوها مادري اذا رحتي لها قبل ....
المدينه الثلجيه بالامارات مول حلوه روحي لها ....
المطاعم عندج بدبي مول فيه وايد مطاعم حلوه مثلا الحلاب لبناني وانا اعتبره بالتوب بين المطاعم اللبنانيه بدبي ..
بسوق البحر الي بدبي مول فيه مطاعم حلوه منها شكسبير ...
أوربانو ايطالي حلو اكله ...
وبعد فيه وايد مطاعم تحتارين وين تروحين من كثرهم ....

 

[ام نواار]

يشييييييييييييييييض

 

[الحنين في قلبي]

شنو هذا المردف

 

[QuEeN MeMe]

مردف سيتي سنتر مجمع جديد

 

[Stop ana top]

عندج مجمع ابو الهيل كله عبايات عجيب ثلاث ادوار وفيه الرخيص والغالي اقل عبايه 250درهم واغلى عبايه 700 درهم*

 

[فرحة عسل]

المردف أسم سنتر كبير في دبي


حصلت موقع المردف ستي سنتر

http://www.mirdifcitycentre.com/mcc/Default.aspx

يمكن يفديج


و بالنسبة للمدينة الثلجيه في براس الخيمه

و في في الدبي أنت ايو واحد تقصدين ...؟!


لأ، ثنينهم الصراحه يستاهلن الزياره