نداء لاختى برنسيسه

[Yasmin-999]

مرحبا شلونج
انا من عشاق الكروشيه وسويتلى جم شغله بس حابه تعلمينى طريقة الشال
بس ترانى عليميه وما عرف بالباترون
وشاكرتلج مقدما

 

[Yasmin-999]

شدعوة اختى برنسيس ترى ما طلبت قرض هههههههههههههههههههه
عالعموم اى وحدة من الخوات عندها فكرة تفيدنى وشكرااااااااا

 

[ام عزيزان]

تعرفين تسوين السلسله؟؟

والحشو؟؟

والمنزلقه؟؟

والعامود؟؟؟

وتعرفين تفرقين بين رموزهم بالباترون؟؟

 

[أم هـجـرس]

يابختج ياياسمين ردت عليج معلمه الكل في منتديين كويتيات وحواء شتبين بعد

اتبعي ام عزيزان خطوه خطوه وراح تصيرين محترررررررفه اولى

البرنسيسه وينها ولهت عليها وعلى مواضيعها

 

[princesse X]

شدعوة اختى برنسيس ترى ما طلبت قرض هههههههههههههههههههه
عالعموم اى وحدة من الخوات عندها فكرة تفيدنى وشكرااااااااا

انا ما ادري اذا تقصديني انا او لأ لان في عضوة اسمها برنسيسة وفي بعد برنسيس فما حبيت اتطفل اذا ماكنت انا المقصودة

انا برنسس x

على اي حال صاجة ام هجرس الأخت ام عزيزان قادرة على انها تفيدج وهي ما تقصر تساعد الكل

 

[Yasmin-999]

هلا اختى ام عزيزان فديتج والله اى يا عمرى اعرف هذا كله بس نفسى اسوى شال يا ليت تفيدينى
اختى ام هجرس شاكرتلج مرورج وصدقتى والله ام عزيزان معلمة الكل انا متابعتها من قبل لااسجل بالمنتدى

 

[Yasmin-999]

اختى برنسيس x اى يا عمرى اقصدج انتى واسفة ما انتبهت ان فى وحدة نفس اسمج واحنا ما نستغنى عنج وعن ابداعاتج

 

[princesse X]

اختى برنسيس x اى يا عمرى اقصدج انتى واسفة ما انتبهت ان فى وحدة نفس اسمج واحنا ما نستغنى عنج وعن ابداعاتج

مشكورة ،خير ان شاء الله بس مثل ما قالت ام عزيزان ياريت تقولين شنو تعرفين تسوين من غرز وشكل الشال اللي تبين تسوينه وان شاء الله اي وحدة فينا راح تشرح لج

 

[sun_kisses]

يابختج ياياسمين ردت عليج معلمه الكل في منتديين كويتيات وحواء شتبين بعد

اتبعي ام عزيزان خطوه خطوه وراح تصيرين محترررررررفه اولى

البرنسيسه وينها ولهت عليها وعلى مواضيعها

وانا اشهد ام عزيزان والنعم والله

<--- لاحقتها من مكان لي مكان لووووووووول

 

[Yasmin-999]

هلا اختى برنسيس انا اعرف الغرز الاساسية مثل الحشو والعامود والسلسلة وسويت سكارف بس عادى بديت بالحشو وكملت بغرزة العامود
بس ودى اسوى شال المثلث ويكون كله نفس الورود انا شايفته بمعرض وحيل عجبنى وخاطرى اسويه وتسلمين على السؤال لا خلا ولا عدم

 

[princesse X]

بصراحة ما عرفت تحديدا شنو بين بس في كل الأحوال تقدرين تسوين ورود وتشبكينها بحيث يكون اول سطر واحدة الثاني اثين الثالث تزيدين وحدة لما الطول والعرض اللي تبينه او تسوين شال مثلث فيليه وتحطين عليه الورود بالتوزيع اللي تحبينه قولي لي اي شكل تبين وانا اشرح اكثر او احط صور

 

[Yasmin-999]

اختى برنسيس الفكرة الاولى اقرب للى ابيه
يعنى الوردة تكون بمربع وتالى نشبكهم مع بعض
ما عليه تحملينى بس اتمنى اسويه

 

[princesse X]

تعرفين تقرين الباترون؟

 

[Yasmin-999]

يعنى مو ذاك الزود بس احاول

 

[princesse X]

اشتغلي داخل الدائرة غرز حشو عدد 12

 

[princesse X]

سكري الدائرة وبعدين سوي وحدة حشو في نفس المكان وبعدين 3 سلاسل طوفي غرزة وسوي حشو في اللي وراها

كملي للآخر وسكري الدائرة
يصير عندج 6 مجموعات سلاسل
الحين داخل كل مجموعة اشتغلي بالترتيب التالي(1 حشو 1 نص مزدوجة،1 مزدوجة وحدة ثلاثية/يعني الف اخيط مرتين على الابرة واطلعهم 2 -2) سلسلة،ثلاثية مزدوجة، نص مزدوجة حشو) لتكوين بتلة الوردة

 

[princesse X]

الموقع مو راضي يحمل الصور اكمل بعدين ان شاء الله

 

[Yasmin-999]

ما قصرتى والله راح اتابعج خطوة بخطوة

 

[princesse X]

وحدة جديدة واشبكيها في الأولى من نص البتلة بدون ما تسوين السلسلة اللي بالنص في السلسلة الي بنص بتلة الوردة الأولى





الظاهر الموقع حالف ما يرفع اكثر من صورتين
نتابع بعدين

 

[princesse X]

شبكي الوردات بنفس الطريقة اثناء الشغل
الصورة لسكارف بس اذا تبين شال مثلث اول سطر وردة الثاني 2 الثالث 3 وهكذا تقدرين تحطين لون واحد او عدة الوان مثل ما تحبين



اي استفسار انا حاضرة وياريت تنزلين لنا صور الانتاج النهائي


..................