نداااااااااااااء للمنقبااااات اللي سافـــرو الخاااااااااااااااارج تعااالو ضروري

[أسـورهـ]

السلام عليكم


بنات انا زواجي على نهاية 11 وتو اهلي اليوم قالولي ان زوجي يبينا نسافر شهر العسل فرنسااا

:


انا منقبه وألبس عباية راس


شسوي هل ممنوع هناك العبايه والنقاب

اللي راحت تفيدني



شنو تلبسوون هناك


بنات سااعدوني لاني فعلاااا محتاااجه احد يسااعدني تكفووون لا تخلوني وانا فـ حاجتكم


بإنتظآركم​

 

[ام المزيووون]

حبيبتي انا منقبه ورحت لفرنسا بصراحه ما انصحج تلبسين نقابج هناك انا لبست اول يوم حسيت الناس مستغربتني وجنها خايفه وقالي زوجي قطي النقاب لان الوجه مو عوره اذا ما حطيتي مكياج وانتي براحتج 0000

 

[BaBy_SMiLe]

رد : نداااااااااااااء للمنقبااااات اللي سافـــرو الخاااااااااااااااارج تعااالو ضروري

يختي حتى انا في دول بخاطري اروح لها .. بس سبحان الله النقاب يردني اخاف بصراحه هالاجانب يسوون لي شي خاصه بالمطار
عاد في نيه اروح مرافق علاج بالخارج السنه اليايه والدوله هذه اللهم يا كافي ما يحبون النقاب ولا يحبون طاريه
بس توكلي على الله .. وسألي فيها شيخ احسن او دوري فتوى .. من ترك شيئا لله عوضه الله خيرا منه
وكنت مسويه موضوع هم عن الدول للمتلزمات والمنقبات ادوره لج واحطه عشان تشوفين ردود البنات

 

[وجدان الكويت]

اذا تستحين تكلمينة خلي احد يكلمة من اهلج

غيروها روحو اي ديرة ثانية

دايما يتكلمون عن الحرية واهم مايعرفون من الحرية الشخصية بديارنا مفاصيخ ومخلينهم على راحتهم

واذا راحو بناتنا منقبات ومتغطين ينوا وقامو يخزون ويعلقون قطيعة تقطعهم

 

[•°أنـــفْــِـاسِ اَلِــــوُرَدِ°•]

رد : نداااااااااااااء للمنقبااااات اللي سافـــرو الخاااااااااااااااارج تعااالو ضروري

حبيبتي ألتزمي بحجابك عباتك ونقابك أحسن حتى تكونين أنتي نفس ماأنتي داخل الديره ولابرا لأن الله موجود بكل مكان ,’
وأنا صراحه مدري عنهم بفرنسا كيف يتعاملون مارحت لها من قبل والله ,’
بس ماحبيت أطلع بدون رد والله يوفقك يارب اللهم آمين,’

 

[BaBy_SMiLe]

رد : نداااااااااااااء للمنقبااااات اللي سافـــرو الخاااااااااااااااارج تعااالو ضروري

لقيتج موضوعي كان استفسار عن الدول
http://www.q8yat.net/showthread.php?t=669208

تصدقين الغرب ليش مو متقبلين فكره النقاب خاصه ؟ يمكن الحجاب عادي
لان النقاب .. الناس لما تروح ديارهم تقط النقاب .. المفروض نلبسه ونفرضه عليهم مثل ما اهم يفرضون علينا لبسهم وشي طبعي راح يتعودون عليه
الي عرفته اكثر الدول الأوروبيه نفسيتهم مو شي اهما المانيا وفرنسا يمكن لندن شوي متقبلين العرب

بس انا الي جد استغربه من بعض المنقبات الي يقطون نقابهم في بعض الدول مثل ماليزيا وتوابعها يعني اصلا تدشين ماليزيا حسبالج داشه الكويت من كثر السياح الكويتين ماله داعي تقطون النقاب ولا فيه مضايقات على النقاب بس ناس بصراحه متنقبه عالفاضي

 

[الـحـ الاول ـب]

حبيبتي انا هالصيف اللي فات انا رحت النمسا والمانيا

وحبينا من المانيا نطلع فرنسا يوم
طبعا انا منقبه بس والله ماتسوى علي هالروحه خز ولا في وحده شافتني صارخت
والا ما حسيت الا الهندي اللي يقولي هري اب ويبعدني طبعا حزتها طبعا كنت واقفه عند كشك
وزوجي وحمواتي بالكشك اللي يمي ووزجي استغرب منه

وبس طلعني من هالساحه قالي انها تصارخ تقول ارهابيه طبعا انا مو يمها
والغبيه ما انتبهت حتى حمواتي بنقاباتهم بس انا انتبهت لي من حظي وان عندهم حمله اللي يدل عن ارهابي
له مكأفاه طبعا هني زوجي فصخنا نقاباتنا لين ردينا المانيا

وبصراحه المانيا والنمسا عادي الوقت

وبعدين فرنسا الحين فارضين قانون مانعين النقاب نهائي
خليج بعباتج اذا انتي حابه هالديره ولاتحطين شي بوجهج
وخلي لبسج محتشم
ولارحتي للرجال شفي شيقول
بس نصيحه بتتهذلين بنقابج
غيري روحي النمسا او السويد سبحان الله خيااااااااال مو طبيعي
والا لندن

 

[**المزيونه **]

فرنسا لها شهرين مانعه النقاب وحاطه غرامه علي الي تلبسه
حتي الحريم الكبار الي علاج بالخارج قطوا براقعهم وقامو يمشون بدون براقع

 

[غيمه ممطره]

رد : نداااااااااااااء للمنقبااااات اللي سافـــرو الخاااااااااااااااارج تعااالو ضروري

الي اعرفه المانيا والنمسا ولندن كلهم عادي ومافي اشكاليه بالنقاب،،

وفرنسا قبل سنتين كانت عادي بس مدري اللحين شلون ،،

 

[مالي غير الله]

نصيحتي لج اذاكانت الدوله اللي بتروحين لها تمنع النقاب غيريها لاتروحين لها وصارحي ريلج واذا تستحين منه خلي احد يكلمه وينبهه على هالموضوع وصدقيني سعادتج بتكون مضاعفة لأنج طعتي الله سبحانه وتعالى وعسى الله يوفقج ويسر امرج

 

[eman84]

ايي ترى ماتسوى عليج يصايقونج ويسدون نفسج ويراقبون شلون تمشين وشلون تاكلين وشلون تشترين هذا اذا باعوا لج بنفس حلوه !!
يا تكتفين بالحجاب و العباة او تغيرين الدولة !

والف مبروووك مقدما

 

[LA TROO7]

حبيبيتي

فرنسا مانعه النقاب ابتداء من شهر ابريل 2011 يعني الحين مو ممنوووع الحين مسموووووووح

وتوني بالصيف كنت في باريس شفت شكثر منقبات محد كان يخزهم ولايقول لهم شي يعني اهم شي ثقتج بنفسج وصدقيي الاجانب محد شغل بالثاني روحي واستانسي لاتشيلين هم

 

[moone GRL]

اقولج شغلة


انا مريت فرنسا قعدت فيها اسبوعين والله المشكلة مو من الاجانب المشكلة من الخليجين وتحديدا الكويتين .. لا مريت من عند كويتيات تطالعني من فوق لي تحت يعني شنو جايبج باريس ماتدري اني ابيعها واشتريها ههههههههههههههههههه

انا الحين بلندن وبنقابي ولا احد تعرض لي ولا قالي شي بالعكس محترمين حييييل الانجليز يالبى قلوبهم .. يمكن لاني داخل لندن بالسنتر متعايشين على الوضع وجربت طلعت مناطق بعيدة ورحت سكتلند النظرة غير يستهجنون النقاب بس نظرات استغراب لكن عادي الوضع

اللي اعرفه فرنسا توها حطت قانون حضر النقاب وعليه غرامه وسجن اذا تكرر .. انتي اذا رايحه سياحة دوري ديرة غيرها عاد مو من زين فرنسا ولا من زين شعبها عنصريين يلوعون الجبد

 

[رهيبة قطر]

وعليكم السلام والرحمه

احنا من سنه وشي رحنا باريس وعمتي كانت متنقبه وعاادي

صج في بعضهم يطالعون بنظرات كنج كائن فضائي بس انتي ولاعليج منهم طالعيهم بنفس النظره الحمدلله والشكر عبالهم بنستحي منهم

وانا ما يضحكوني الا الخليجيين اللي جنهم اول مره يشوفون وحده لابسه عبايه

 

[HoOoney]

في فتوى حق شيخ تحلل فصخ النقاب برة
والله انا ناسيته بس جنة ناظم المسباح او الطبطائي كان بجريدة الوطن

 

[ام عفراء]

السلام عليكم ورحمة الله وبركاته

والله اختي دام السفرة الغرض منها سياحة يعني انتو مو مجبورين على دولة محددة .. تقدرون تختارون دولة ثانية تتقبل النقاب

ونصيحة اخت لا تقطين نقابج بهدف سياحة ووناسة .. لو قلتي بروح علاج ومضطرة على هالدولة يمكن شوي اهون .. لكن سياحة يعني سالفة مو مستاهلة انج تتنازلين عن حشمتج وعباتج عشانها

وخلي اهلج يقولون لزوجج عن هالموضوع ويختارمكان ثاني .. وبالعكس راح تكبرين بعينه اكثر لما تتمسكين بعباتج ونقابج