نزلت 15 كيلو بشهرين و نص و شوفو النتيجة

[miss.lol]

السلام عليكم


شلونكم بنات عساكم بخير


انا بلشت رجيم تاريخ 13-3-2010 و وقتها كان وزني 85.6 و الحين الحمدلله ما شاء الله وزني 70 بملابس و من غير ملابس لووووووووووووووووووووول 69.3


رجيمي حدا قاسي و يموت و ما اتوقع وحده تقدر تسويه


بس المشكلة صار فيني فقر دم


الحين احتاج انزل بعد عشرة كيلو زيادة يعني وزني يا انه يكون 60 أو 59 (( قبل شهر 9 ))


ابي رجيم حلو و زين حتى لو مضمون ينزل 5 كيلو بالشهر انا مستعدة أسويه عشان اوصل للوزن الي ابيه


الي تقدر تساعدني او عندها نصيحة تعطيني

و الي مجربه كالوري كنترول تعطيني خبر


و يعطيكم العافيه و انا بقولكم شلون كان رجيمي مع الردود مع العلم ان جسمي الحمدلله بفضل رب العالمين ما ترهل

 

[alhabibah]

الله يتمم عليج بالصحه والعافيه..ما عندي فكره بس شوفي قسم الأنظمه الغذائيه

 

[LOLOPOPS]

مشالله عليك والله يساعدك وتضعفين اكثر وزين ماترهلتي عطينا السر اذا فيه الاني محتاجته/

 

[لذه السكر]

سلامتج ما تشوفين شر

كثري جبده وسبانخ وشمندر عشان دمج

وانصحج راجعي عند دكتور عشان يعطيج الاكل الزين لج وهم عشان تنزلين بطريقه عقبها يثبت وزنج

 

[Q8stylle]

انشالله البنات يفيدونج
الله يتمم عليج بالصحه والعافيه

 

[(غموض)]

مساء الخير

اختي عندج رجيم طالب الشمري او محمد ربيعه مضمونين وحلوين حيل

وعطينااا السر بنزولج وشنو رجيمج القاسي ؟

 

[ZajiL]

نصيحه جربي رجيمات الدكتور عبدالله المطوع
هي تنزل 4 كيلو الى 6 كيلو بالشهر وحيل مريحه

 

[عربجيه]

ماشا الله

ممكن تقولين لنا ريجيمج وشنو كنتي تسوين

 

[حبـ admant ـك]

ماشاءالله بس اهم شي انتبهي على روحج من فقر الدم
واكلي جبود وسبانخ
ودوري لج في قسم الانظمه على رجيم فيه كل شي زين ومب قاسي احسن لج

 

[_ظل الياسمين _]

عليج بالف عااافيه..وخبرينا عن ريجيمج شنو كان.

 

[قمراالجبيل]

السلام انصحك بريجيم دشتي انا مجربته روعه

 

[ام خدود ورديه]

الف مبرووك النزول ماشاء الله علييج

جربي ريجيم ربيعه يقولون ينزل 12 كيلو بالشهر
ويعطيج حبوب فيتامينات حق الشعر والبشره والاظافر وموفقه خيير
وجان زين تحطيلنه ريجيمج

 

[بنت عطا 24]

مشالله
شنو كان نظامج وريجيمج بالضبط

 

[وجودالسعودية]

جربي رجيم الحليب والتمر مدة اربع ايام وتوقفين
تاخذين راحة اسبوع وبعدين تكررينة

 

[داهية مطير]

مووفقهـ

 

[ألماسهABM]

ماشاءالله

أولا : الإرادة حلوة والحمدلله وزنج صار تقريبا مثالي ،،:rerrerek:

ثانيا : وقفي رجيم هالفترة وعالجي فقرالدم اللي عندج وإنشاءالله تقومين بالسلامة ،،

ثالثا : قد ماتقدرين حافظي على وزنج الحالي وثبتيه (يعني لاتخورينها بالأكل )

رابعا : تحمليني ! أدري مصختها وصايرة فيلسوفة لأني دايخة وبناااام ،،

خامسا : الله يحققلج مرادج بالصحة والعافية :eh_s(21):

 

[Aci Hayat]

صباحوووو

/



تبارك الرحمن


ماشاءالله حمستيني لوول

شوفي حياتي أنا ألحين أمشي في دشتي والحمدلله يارب أنزل وكل من يبي ينزل براحه وعافيه

بس أكمل شهر بالضبط ببتدي في رجيمج :sfg:

أنتي جربي رجيم محمد ربيعه تنزلين من 7 إلى 8 كيلووو في الشهررر
وحسيته حلوو بس ماناسبني لأن عندي غده

أنتي عندج غده ؟ لأن نزول صاحبات الغدة صعب شووي

وبعدها جربي 5 أيام رجيم اللبن والتمر أو رجيم الكيوي والأناناس

ماشاءالله
ماشاءالله
ماشاءالله

اللهم لا حسد عليج بالعافيه جد جد حمستيني أكمل رحلة الرجيم :nocommint:

أهم شي كل خمس أيام أكلي شيء من النشويات (توست أسمر - خبز لبناني - رز أو مكرونه أو باستا)
ويوم في الأسبوع أكلي وجبة من النشويات

وابتعدي عن الكاكاووو والدهون والسكريات جربيها كل أسبوع عن خاطرج

اعتمدي التقليل هاااي عشان يثبت الوزن عندج وما يزيد وأهم شي المشي او الرقص المهم تتحركين

ومثل ما قالوا لج البنات المطوع وربيعه رجيماتهم حلووه وترى 10 كيلوو ممكن تتخلصين منها في شهر

/


فقر الدم

أشربي حليب المراعي مع عصير الطماط فررش اخلطيهم مع بعض واشربيهم مرتين باليوم
اكلي زبيب مجفف كبير واكلي شمندر وسبااااانخ وكبددده عشااان يرتفع دمج شوووي :eh_s(17):

وسلامتج يا قلبي

أي سؤال أنا حاضره أختج ما بقى رجيم ما سووته لوول

ويا ليت تقولين لنا عن الرجيم القاسي لأني نآويه أسويه بحيل الله بعد دشتي :sfg:

 

[كيكه توفي]

شوفي قسم الانظمه الغذائيه

 

[AooDoo]

شوقتينا لرجيمج شنو كاااااااان

 

[أذوب في عيونها]

الله يتمم عليج