نزول المشــــــــــــــيمه

[زبيـده]

السلام عليكم

انا على حساب الدكتوه 13 اسبوع بس على حسابي 11

لما رحت للدكتوره اخر مره تقول المشيمه عندي اطرافها نااااازله

وانا لي تقريبا اكثر من اسبوعين تنزل مني سوائل بنيه ....يومين تنزل ويوم توقف :bbbiu:

قالتلي لانه المشيمه عندج نازله يمكن هذا سبب في انج تنزلين سوائل بنيه ..قلت لها والحل...قالتلي تصير واسكتت

بصراحه حيرتني وخوفتني .......احد صار عنده مشكله في المشيه؟؟؟؟؟وطول وضع المشيمه ولا مع الوقت ترجع مكانها ؟؟؟؟؟اخاف ياثر على الحمل مع تقدم لشهور

ماعطتني حبوب تثبيت ولا يابت طاريهم ...معنا تنزل علي ايام سوائل بنيه واااايد واحيانا مسحات

 

[FDET NFSY]

اااااااااب

الله يفرجج

 

[miss_whitemocha]

انا المشيمة نازلة عندي بعد..في الحالات الطبيعية أول ما الوحدة تحمل المشيمة تتكون فوق و في حالات ثانية مثلي و مثلج المشيمة تتكون تحت,, نزول المشيمة ما منه ضرر على الجنين لا تحاتين..واحتمال كبير ترتفع على الشهر السادس أو السابع.. إذا ما ارتفعت فالإحتمال كبير إنه الولادة تكون قيصرية لأن المشيمة راح تكون مسكرة على عنق الرحم و ماراح تسمح للبيبي ينزل طبيعي..و النزيف البسيط في هالحالة شي عادي..لأن المشيمة تكون قاعدة تكبر داخل الرحم و تخدش جدار الرحم و تجرحه فتسبب نزيف..إذا صار النزيف قوي لا سمح الله لازم تراجعين الطبيب على طول..
اللي عليج تسوينه حاليا إنج تستلقين على ظهرج كثر ما تقدرين..و ما تشيلين شي ثقيل،وما تمشين وايد، و تتحاشين الجماع لحد ما ترتفع المشيمة بإذن الله..​

 

[زبيـده]

يوووووووووووه والله خوفتيني

انا كل خوفي من الولاده القيصريه ياااااااااااارب تبعدها عني

بحاول قد ما اقدر ارتاح ويارب ترتفع

 

[miss_whitemocha]

والله يا حبيبتي دام الضنا يطلع بصحته و عافيته مو مهم قيصرية والا طبيعي..أهم شي ارتاحي الحين كثر ما تقدرين و إنشالله ترتفع.. أغلب الحالات اللي تكون المشيمة نازلة ترتفع بعدين إلا في حالات نادرة تظل نازلة..عسى ربي يتمم عليج و يبلغج شوفة البيبي بصحة و عافية..​

 

[المها الابيض]

اول شي سلامتج حبيبتي ماتشوفين شر والله يتمم عليج وعلينا ان شالله
انا نفسج من الشهر الثالث نزل علي شويه دم بني وقالتلي يمكن من المشيمه لانه طرفها نازل وبعدين وقف مع الراحه
ومراجعتي اللي بعدها بالشهر الخامس قالتلي المشيمه نازله بس عادي
الحين انا بالسادس وحاشني عوار رحت طوارئ الصباح وقالولي المشيمه
نازله وعنق الرحم مفتوح بس مادري اهو انفتح من المشيمه او من المجهود
لأني اداوم
فنصيحه روحي دكتوره ثانيه وشوفي شتقولج وخل تعطيج اجازه اذا موظفه
واذا كنتي طالبه لا تعبين نفسج وايد اهم شي الراحه للي مثل حالتنا

 

[زبيـده]

انا مو موظفه بس توني راكبه طياره >>>كنت مظطررررره

وهناك تحركت وايد

انشالله يارب ترتفع وتسهل علينا وعليكم ونشوف عيالنا بصحه يااااااااااارب

 

[auoma]

لاتحاتين انا كنت جذي باول الرابع بس ارتحت نامي وخطي مخدات تحت ريولج وان شاءالله ترتفع

 

[auoma]

بعدين طبيعي اول الأشهر تكون المشيمه نازله وكل ماكبر البيبي بسحبها معاه وترتفع توج بالثالث دكتورتج موشاطره
لان وضعج عادي اهو الخوف لما تكونين بالسابع والثامن وتظل تحت

 

[{عروس البنفسج}]

انا صار معاي هالشي. السبب يكون ( البويضة الملقحة لما تنزل لرحم عشان تستقر بجدار الرحم تكون باعلى الرحم لكن المشيمة النازلة تكون ثبتت باسفل الرحم). لازم تاخذين مثبتات ابر وحبوب. واذا نزل معاج دم يعطونج تحاميل. وممنوع تتحركين او تبذلين مجهود. وسوري بس العلاقة الزوجية ممنوعة ولا تلبسين كعب. وان شاالله اذا استمريتي على هالاشياء راح تبدي المشيمة ترتفع بالشهر الخامس. والمشي يبلش من الشهر التاسع خوفاً من الولادة البكرة. وان شاالله تعدي على خير. وانصحج تشوفين دكتورة ثانية لان حالتج ما تتحمل تاخير. والله يتمم عليج ويثبتا.

 

[سميره مملوحه]

الراحه ثم الراحه ثم الراحه لا تجهدين نفسج ولا تشتغلين انا ببدايه حمالي تعبت وايد كنت اشتغل بالشقه وكانت شقتي ثالث دور تخيلو ما اوصل شقتي الا وانا ميته والمشيمه عندي كانت نازله يوم شافني الدكتور كنت وقتها بالرابع والحمدالله من ارتحت وما اشتغلت ارتفعت عندي الف الحمدالله والشكر لك يااارب وكله رفعي ريولج وانتي منسدحه وان شالله يارب يارب ترتفع عندج المشيمه وماتشوفين شر

 

[قلب الزعابي]

ارتاحي الغاليه وحطي تحتج مخدات
وأمي كانت تقول نامي وارفعي ريلج علي الطوفه
والله يثبت جنينج وتقر عينج بشوفته

 

[زبيـده]

مشكورين بنات استفدت واااااايد من ردودكم

بسوي نفس الحركه الي قلتوها وبنتظر موعدي مع دكتورتي الثانيه وانشالله خير..وترا انا مراجعه عند استشاريه بس ماحسيت انها ماخذه الموضوع بجديه

بصراحه مليـــــــــــت احس حالي ما انظف..وغير جذيه حسيت حالي معلقه وخايفه ايصير في الجنين شي لا سمح الله ..تعلقت فيه يوم شفت حركته بالسونار

 

[عضـــــوه]

اختي انا طحت وانا حامل

ويوم رحت طوارئ الصباح سويلي سونار مستعجل ولقوا المشيمه نازله حيل

ونوموني عندهم شهرين

عشان المشيمه

انا برايي تراجعين لانه مو كل نزول نزول

انا كنت اراجع بالخاص والدكتوره ما اهتمت وانصدمت من اجراءات الحكومه ووريتهم سوناري عند الخاص وقالول ليش مانبهوج لو انج متاخره شوي كنتي فقدي نفسج والبيبي لان خطورة المشيمه النازله تسوي نزيف مفاجا وقوي حيل بشبب انفصال المشيمع لانها تكون نازله
وبهابسوالف الحرجه اكتشفت واجزمت انه الحكومه احرصصصصص


والله يقومنا اجمعين بالسلامه

طورائ الصباح روحي باي وقت لا تحاتين والدكاتره مايقصرون والله

طمنينا عليج وبالتوفيق

 

[زبيـده]

انا من السعوديه

واتابع باهلي .....بس رحت للدكتوره في الحكومه استشاريه يمدحونها ..وهذا الي قالت لي

موعدي في الاهلي باقي عليه اسبوع واشوي

بصراحه احترت