نساء المستقبل !!! خوش حريم ؟؟

[.،:"$الـعـوبــــة$":،.]

السلام عليكم ورحمة الله وبركاته حبايب قلبي ،،
قلت بحط هالموضوع لسببين فرفشة ! وبالنسبة لي والله شي افكر فيه واحاتيه !!

أمس بنتي عمرها 3 سنين ونص !
تلعب عندي وتغني وبكل فاصل بالاغنية كانت توقف وتهز شوي وبعدين تكمل الاغنية !!
انا ماكنت منتبهه للكلمات بس من الهز انتبهت !!
شنو كلمات الاغنية ياطويلات العمر !!

جوزي وانا حرة فيه ،،
جوزي اغسله واكويه ،،
جوزي شبشب حمام ،،
جوزي ياعيني عليه ،،

والله يابنات انا من الصدمة وجهي صار مثل هذا بالضبط --->>>

قلتلها عيب اغنيتك خايسة مو حلوة لا تغنينها ! ردت علي بكل ثقة ! عادي بنات خوالي يغنونها !:080402ask_prv: وطبعا البنات اكبر منها بالابتدائية بس طاقة الصحبة معاهم !!
والله قمت افكر ! شهالبنات !؟ شهالجرأة ؟ والله قبل نستحي نجيب طاري هالسوالف بالذات قدام اللي اكبر منا !!
انا قبل اسطر ولد عمي لأنه يقوللي انتي زوجتي ! << شفتوا !! قمة الأدب والأحترام ؟!!!:bbbiu:

يعني بس بعرف هالجيل شلون بيفتح بيوت بكرة ؟؟


وحدة نعرفها تطلقت من زوجها لأنه ماجابلها خدامة وهي توها متزوجة ! وبكل قوّة وجه تقول : ليش ماخذني خدامة ؟؟:0bee2e8d89:
اذا انتي ماقمتي بزوجك من يقوم فيه ؟!!
ماخذك بس حق فراش ؟ اكيد يبيله مرة تقابله وتسنع اموره !:eh_s(2):

ويقولون نسبة الطلاق مرتفعة !! طبعا وشي طبيعي ماحط ان الحريم هم السبب !!
حتى شباب هالوقت الله يحطنا بعافية !!
اجل واحد طول بعرض رايح سوق راقي مثل الافنيوز بشورت وتي شيرت !!
والسيقان كلها شعر وشكله مقزز !!
مو مشكلة مو الا يلبس دشداشة ! يلبس بدلة بس سنعه شوي ! جينز طويل شي كذا !! مو شورت !!
لا تقولون حكمتي عليه عشان لبسه ؟ المشكلة انهم ماعاد يهتمون براي الناس ! كل شي عادي ؟

وقبل يسألون عن البنت وسنعها في البيت والمدرسة !!
الحين اهم شي حلوة وجميلة !!:wqedqw:
تكفون عقب هالمكياج منواللي تطلع مو حلوة ! صغرت الخشم وكبرت االبراطم ووسعت العيون !!
وبعدين خذينا المزيونة ! وطلعت رفلة وقشرة وهبلة ! شالحل ؟ شنسوي بزينها !؟
واذا مثلا جانا واحد يخطب والاخ شهادة ومنصب ومن كلام الناس ماعنده مشاكل وغيره !
ولما نزوجه يطلع لا يعتمد عليه ! وعايش حياته لنفسه ؟

والله انا اشوف هالموضوع مشكلة ومأساة !
وانا بنفسي مو عارفة شنو الحل ؟:gr4uu:

بنظري اتوقع جزء من السبب منّا حنّا الأمهات والآباء اللي دلعوا البنات لدرجة المصاخة !
وخربوا العيال لدرجة الهبل !
وأنتوا شاركوني بكل صراحة شالحل بظنكم ؟بانتظار رايكم؟:eh_s(7):​

 

[أو عبوش]

تبين الصج كلامج صح

قبل ان قالو للبنت بكره تكبرين وتزوجين تقول لااااااااااا ما اخلي امي وهي معصبه

الحين هي اللي تقول بتزوج فلان وتختار بعد من صغرها قدام الابو هالكلام والله عيب

واتوقع التربيه خطأ لان تدخل الخدم بالتربيه

(بعض ) الحريم والله والله شوف عيني 24 ساعه على 24 ساعه عيالها عند الخدم حتى حزه النوم!! شلون تبين تفكيره!!

شلون تتعلم هالبنت العيب وهي عند الخدامه!!!

هذا بالاضافه للتلفزيون والاغاني اللي هالايام!! هيفا تغني مع ولدها فينو بابا وهي لابسه قميص!!!!

الله يستر على عيالنا والجيل القادم

 

[دانة من البحرين]

هههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههه

عوعي يم فصلات انتي وبنتج فديتجن انا :fun:


والله هالسودة ام كشة طلعت مب سهلة

خخخخخخخخخخخخخخخخخخخخخ عوعي شوفي لج صرفة قبل لا تنقلب بنتج فيفي عبدو هههههههههههههههههههههههههههههههه ولا ترى عليها العوض خخخخخخخخخخخخخخخخخ

 

[غير كل الناس]

الحين المهم المره اللي تجمع مب اللي تفرق لا الطباخه ولا النفاخه الله يعافي وارد الهند وسيلان وبالمكياج مافي وحده جيكره

اهم شي الاخلاق

والاخلاق
والاخلاق

 

[zanobita]

لووووول ضحكتني اغنية بنوتتج و الحمدلله و الشكر انهه جذي عيل تخيلو ولد اخوي بمدرسه باكستانيه و فيها طلاب متوسط وياهم اهم الابتدائي بوقت الهده امبيه كنت اسمعه يغني اغنيه استحي اقول كلامها ولله عيييييييييب كلام قلة ادب كلش كلش انا انصدمت اهو عمره 7 سنين رحت قلت لامه و قعدت ويا و سالته تدري شقاعد تقول يقول لها لا بس رفيجي يغنيها امبيه و كان يغنيها بصوت عالي جدام الكل واااااي فشله حده و بعدين امه فهمته ان هالكلام عيب و جذي ...
بس صج الله يستر من الياي ... ماعاد في خجل ولا حيا للبنت والشباب 99 بالميه مايعتمد عليهم و كسولين و غير جذي وحده بعد 3 اشهر تطلقت من ريلها لان يقول لها سوي رجيم ... واااااي انصدمت انا اعرفها اهي صج بطه و تقول لوع جبدي ماخذني عشان يقولي سوي رجيم و يحسسني جيكره وله عشان يحسسني احلى وحده و بعدين مشكلته خذاني جذي ماخذاني نانسي @@ واااااااااااااي انصدمت قلت لها من صجج تطلقتي عشان جذي تقول اي مالت عليه ثقيل طينه ضعفي و ضعفي طبعا بقلبي قلت احسن انه طلقج الي مثلج مو كفو بيت و مسؤليه و زوج ...

و صج انا احس هالشي من الدلع الزااااااااااااااااااااااااااااااايد المااااااااااااااااااااااااااااااصخ و كل شي الياهل يبي قالوله حاضر و اذا بجه و نزلت دمعه يروحون الاهل يعتذرون منه و يبونه بعد مايصير انتكالي و ماصخ @@ اكيد بيصير مدام بس قال ابي قلتو هاك

و الله يستر من الياي ...

 

[جـــواهر]

ههههههههههههههههههههههههههههههه


:krkrkr:

يااااااااااازينها

خليها ع كيفها باجر تاخذ واحد يعلمها الشبشب عدل

لوووووووووووووووووول


والله ياعوبه مادري شقولج الجيل اللي تغير مو الامهات محدن قادر ع احد الحين والله بنات الجيل هذا
صارووو مايعااات ودلووعات ومايصلحن يفتحن بيوت ..

يعني توه مر علي موضوع هني وحده تبي تطلب الطلاق عشان زوجها يقولها ليش ماتعاملين امي زين
واهي موساكنه عندهم بعد

شخلت للمشاكل ؟؟

ماقول الا الله يهديهم

 

[Tejan]

ااييييييي و الله حطيتي ايديج على الجرح <--- اشدعوه !! :27d66a9c24b146327bf

لا و الله من صج انا احاتي هالسالفه

احس وقت الفراغ اهو اللي مخلي اليهال يجابلون التلفزيون و يتعلمون العنف :j013: و الاغاني البايخه

شاركيها في القاعده الحلبيه <-- لهم اكثر من مكان انا اعرف اللي بالفيحا و يحطون اعلاناتهم عند الجمعيه و بالجرايد
و الله سوريين و فلسطينيين ما يتغشمرون يدرسونهم عربي و قرآن على الاقل ناخذ اجر بهاليهال !! :friends:

و شاركيها بنادي سباحه او خيل و الله وايد حلوين .. يكون عندها اصدقاء
و الاهم احم احم اول فايده يهدون حيل الياهل <-- و هذا عز الطلب لووول

و يخلون عنده هوايه و شغف بشي مفيد و صحي :27d66a9c24b146327bf

اممم انا رفيجتي مشركه بنتها بصف باليه .. صج ريلها شوي مو عاجبه بس البنت حدها مستانسه و ما نشوفها الا تدووووور على اطراف اصابعها

امممممممم يا ربي شنو بعد ---> ممكن دورات رسم او تصوير او كاراتيه على حسب عمر البنوته او الولد
لين تلقين شيئ تحبه و تتولع فيه :eh_s(22): و تصير اهي الحريصه من القايله تزن
ماما يالله بسرعه راح يبدى لا نتاخر :fun:​

 

[صخر جلمود]

الله يهدييهم ويطرح فيهم البركه

 

[.،:"$الـعـوبــــة$":،.]

حياكم الله يابنات كلكم ،،

أو عبوش : اي والله فرق فرق استغفرالله !! مدري شنو الحل ؟؟

دانة من البحرين : اي ماشي يادنو اضحكي اضحكي بكرة الله يرزقك بالعيال ويبدعون ونضحك عليك ماننصحك !!

غير كل الناس : اي والله صح كلامك ، بس المشكلة ان البنات تعودوا على الدلع وان محد يقولهم حرف ! واذا راحوا بيت الرجال زعلوا من ادناة كلمة !! الله يعين يارب!!

zanobita : ياربي يعني شالحل ؟ وين نوديهم ؟ جد صارت تربية المدرسة وغيره هي اللي تثبت مو تربية الام والأب !!

جـــواهر : البنت بالذات ماتخلينها على كيفها ! شهالاحترام اذا زوجها من الحين شبشب حمام ! بكرة لاخذته شنو بيصير بعد ؟

Tejan : اي وربي انا جد احاتي هالموضوع ! يعني حنّا من غير شر وبعد عمرن طويل << خايفة على نفسها !
ماراح ندوم لهم ! لازم نضمن حياتهم ونضمن انهم بيعرفون يتصرفون من غيرنا مو يضيعون !
وافكارك كلها حلوة الله يعطيك العافية وراح اطبقها باذن الله !

صخر جلمود : آمين يارب ،،​

 

[zain-bh]

الله يستر من هالجيل والله بلاويهم كل مالها وتزيد
الحين تخافين تخلين اليهال الصبيان والبنات يلعبون مابعض ما تأمنين شيسوون تفكيرهم وايد اكبر منهم
وين اول كنا نلعب بالفريج صبيان وبنات والكل عادي وماكو عيب لأنه كنا على نياتنه

 

[Cristal$$ l$$]

الله يخليها لج
والله يعينا على التربية
انا بنتي عمره سنة وشهر
تفرض رايها من الحين وعصبية<<ياحلوها
ساعات ماتقدرين اتحكمين بالطفل لان يجتمع بالبيئة المحيطة فيه والمدرسة
فيكتسب عادات وسلوكيات مرفوضةمن قبل الوالدين
حتى التلفزيون
الاعلام له دور كبير
حتى الاشياء الي مايعرفها يتعلمها
وهم الالعاب الالكترونية
وشكرا لاستماعكم



<<<<
خلصت المحاضرررةة
نبببباهاهاهاهاهاهاهاهاهاه

 

[يوآش يوآش]

هههههههههههههههههههههههههههههههههههههههه


عاد انا هالاغنيه كله على طرف لساني

مع اني مو سامعتها بس ماادري منو مغنيها جدامي ولاقطتها لووول

 

[الماسه.80]

اختي كلمي بنتج موزين لها بكرة تكبر وتكبر فكرتهااا معاها ان الريال شبشب مادري شنو استغفر الله الله يهديها اهي صج صغيرةبس منشب على شيء شاب علية ولادخليهااا نوادي للقران هذول امانه برقابنا اما تجمعات البنات الصغار انا مايعجبني نهائيا اصغار يربي حاطين حمر وبفات ونضارات مصورين بتلفونات امهاتهم ولا العن من جذي لما اتصور مدت براطمها جداااام وااااي انا اهنيــــــــــــــه احتر

 

[مجنونة بس عاقلة]

هلاااااا وغلااااااا والله بـ عوعو
شخباااااارك حبيبتي

اولا الله يحفظلك بنتك
ثانيا المشكله بالتربيه اللي الاجيال تعودوا عليها تربية الاتكال
على الخدم والمياااعه الواحد مايقوم يجيبله قلاص ماااااااااااي
ويبونهم يتحملون المسئوليه ما اقول الله يعيننا على التربيه بس

 

[G!RLooNa]

هيهيهي شهالأغنيه ما اعرفها

والله بنتج نكته ودي اقعد وياها الله يخليها لج

 

[الأميرة الحزينة]

صااجة والله ..

 

[ذهب ابيض]

مرحبا عوبه شخبارج
اسم الله عليها بنتج توها صغيره اكيد لاقطتها من احد
اجل انا شقول بنت اختي عمرها 7 سنين تقول انا لاتزوجت بجيب اعيال واتطلق مابي الرجال شبي فيه !!!!!!!!!!!!!
مدري من وين جايبه هالسالفه الله يستر عليهم

وفعلا الووقت تغير والجيل غير الجيل وكل شي تغير حتى البيئه اللي حنا فيها تغيرت مو مثل امهاتنا الله يحفظهم ويرحمهم قبل غير الوحده ماترفع راسها على ابوها وامها اللحين لا ترادد وبعين قويه بعد وتسكت الام
قبل اذكر لاقالوا لنا شي نقوم نفز من الخوف ونجيب اللي يجون اللحين ترد عليج وبسان طويل بعد
قولي حق الخدامه انا مو خدامه

الله يهديهم يارب ويصلح ذرياتنا وذريات المسلمين

 

[مطروديه حلوة]

تعـــــــــــــــــــــــــــــــــالو اكمل لكم الاغنيه
جوزي وانا حرة فيه __ جوزي اسلقو واشويه
جوزي وانا حره فيه --ادخلو واطلعوه خخخخخخ

 

[كبرياء أمراه]

أستغفر الله يارب شنو هذي
اذا الحين جذي احنا اللي ليحين ماعرسنا عيالنا شنو بيصيرون

والله انا من يطرون العيال >>> على وشك زواج
اقول عيالي بصير حنونه معاهم ولكــن في نفس الوقت ما بادلعهم
ناقصه اييب عيال ماصخين

والحين هابين لنا هالبنات العوبات
من راحو الثانوي لبسو لبس رياييل
ابي اعرف الاهل وييييييييينهم وينهم
محد يردعهم
محد يسطرهم >>> حدي انقهرت

أختي انا اقولج من الحين قولي لها هالحجي ماابي اسمعه على لسانج
وثاني مره لين كررتها عاقبيها

 

[تنايفـ]

ماشاء الله ياحلوها بنتج حبيتها

عسى الله يخليها لج وتشوفينها عروس بس موعوبة والله كلامج صح كل جيل يصير اخس من الجيل الي قبله
الله يستر علينا وعلى عيالنا
​