نساء تغيرت نظرتي لهن بعد الانستقرام و الواتس اب...

[الهما]

السلام عليكم

بنات في موضوع واايد محيرني ...

انا جديده بعالم الهواتف الذكيه ..مثل ما يسمونهم,,,,من فتره خذيت الاي فون ....
و الاسماء مثل ما نتو عارفين تطلع في برنامج الوتس اب و ضفنا اللي نعرفه بالانستقرام...
المهم ان في بنات و امهات و حريم كبار كنت احترمهم و اقدرهم و اشوف فيهم قدوة...طاحو من عيني لمن اقرأ توبيكات الوتس اب او اشوف صور الانستقرام ...
مثلا بنت تتغزل بزوجها بشكل وضيع جدا و شلون اهو مدلعها و تحط صور سريرها بطريقة مقززة و الروب و الملابس طايحه و ام هالبنت تسوي لها لايكات !!!!!



و في الصنف الاخر و هو تلاقين وحده شانه حرب علنية بالتوبيكات و بالانستقرام ....و سب و لعن
ايش الموضوع يا جماعه

اكيد في بنات اهني من النوع اللي يحطون صور و توبيكات

ابي احد يفهمني ليش للاسف العرب دايما نستخدم التكنولوجيا غلط....
ممكن اكون انا غلط فهموني ​

 

[أميره بكلمتي]

انا من رايي اعتبر هالامور كلها حريه شخصيه
دام انها ما تعدت على احد

و شكرا

 

[غرام القمة]

اخ بس اخ اللي قلتيه يعتبر سخيف الاقوي والاذهل ان الحريم يكلمون الرجال ويتضحكون مع بعض وصداقات
يعني لادين ولا حيا تلاقين الوحدة ضايفه واحد اما يكون جارهم مثلا او صديق زوجها او اخوها وهي ما تدري
صارت السالفه موليااااااااااااا من جميع النواحي وانهدمت الاخلاق
عسي ربي يهدي امه الاسلام

 

[بودي حبيبي]

صراحه للحين ماشفت هالشيوان شاءالله ما اشوف
والله ماتنلامين اذا طاحوا من عينج دام هاذي حركاتهم
بالحقيقه شي ومن ورا الكواليس شي ثاني شهالنفاق؟؟؟

 

[طموح دائم]

صح لاحظت حتي بتويتر زوج وزجته كل واحد يتضحك ويسولف ويدشون خاص يعني صار عادي مايهم ولا يغار علي زوجته
والواحد لازم يحترم الذوق العام ماتوصل حريته لدرجه تأذي غيره يعني الكلام الجريئ والصور تضايق مرات بس الواحد شيسوي معايير الدنيا والمفاهيم تغيرت ولازم نجاريها ونجامل وكل شخص مسؤول عن تصرفاته والحين لانصحتي قالولج حريه شخصيه محد له شغل

 

[تبطي عظم!]

الحمد لله ماشفت هالاشياء

 

[floreda]

فعلا التوبيكات كشفت لنا عقول هالعالم

 

[قاهره عذالي]

شفت حروب وناس ترد على ناس بالتوبكات بالواتساب

بس ماشفت الصوور اللي تقولين عنها يمكن لان ماعندي استقرام

 

[Gifts&Occaions]

ماشفت شي من هذا لي الحين

 

[زوجة عزيز]

لي هالدرجة عاد اتحط ملابس نومها وسريرها !!! ماقط مروا علي جذي

 

[love love]

ما مرو علي سالفه سرير وقمصان نوم لانه قويه الصراحه



مرو علي العكس

علشان تصوير وفلانه سوت وصارت


قامو يهتمون اكثر بمناظر الي حواليهم وطلعات اعيالهم وكشختهم علشان تصوير


ودام هالشي غيرهم للاحسن والي حواليهم مستفيدين من هالشي فهالجانب الي اقول عنه فايده التقليد للاحسن بغض النظر شنو كانت النيه وبس تقليد وعموما كل شي في شي زين وشي واكيد له مساوء بس نظرتي اني دايما اخذ الزين فقط من اي تكنلوجيا

 

[بدوني تتضايقون]

سريرها وقميص نومهااااا. !!

انا عندي مراهقات يحطون صور شاب ضام بنت ازلزلهم

والله دنيا. ----------- الغرب ازداد فيها المسلمين والعرب ازداد فيهم الفساد

اللهم لا تؤاخذني بما فعله السفهاء منا

 

[مملوحة_الوصايف]

ههههههههه مو معناته اذا حطت فراش ولا صورة هدوم تكون صج لها مرات تكون صوره عاديه من النت ولا اي مكان
بعدين هذي التوبكات كله جذي انا بعد اشوف بس مو غزل عميق لا عادي امور عاديه بس النغزات اييييي بشكل خيال وانا مرات احط بعد مافيها شي خخخخ من اسمه الستيتس يعني الحاله حالة الشخص

 

[عروسة خالد]

انا ايد كلامك بس مؤ بكل شئ يعني المدح والثناء لزوج يمكن نيتها تشكره تتقرب منه
بس في بعض الحريم يعني يافلانه شوفي ههههه صح صاجه مريت على هل لنوعين شكثر
لا والادهاء والأمر من هاذا الي مسوده حزب على حمولتها وتكتب لج بهالدعاوي
اللهم رد كايدهم في نحرهم وجعل تدبيرهم تدميرهم
الثانية كاتب انا قطه بين مجموعة حيايه
والي كاتبه حسبي الله على الي ظلموني
ترى اشكره فضحتي روحج انا اعتبر هال أشياء خاص والبيوت الأسرار
بتعدين ادعي بينك وبين نفسج

 

[شــــــــــــــوقــــه]

فاكة روحي لا تويتر ولا انستقرام حطيته اسبوع و شلته مليق

 

[ام الحلوااات]

ســـريــرهــــا ومــــلابـــس الـــنـــــوم
لاحــوول ولا قـــووة الا بــااللــــه
الـــــى هــاالــدرجـــه
ضـــعــــف الــــديــــن وضـــاااع الـــحــيـــاء
وقـــلــــت الـــعـــقــــووول وكـــثـــرت الــســخـــافــاات
! ! ! ! ! ! ! ! ! ! ! ! ! ! ! ! !​

 

[دايم على البال]

حريه شخصيه

وكل وحده ع تربيتها ... اما سالفة القمصان قويه !.

مافيها شي لا سولفت مع زوجي بتويتر بحدود الادب ولا لمن اشكره بالواتس اب ولا امدحه ما فيها شي حلالي
لو شنو مااتغزل فيه بيني وبينه كيفنا جدام الناس بتوبيك لا عيب

 

[%دانة%]

من زمان عن الانستقرام
ادعو لي القى جوالي

 

[Tom ♥ Jerry]

,


مشكله بالعقول حياتي !

 

[tooooma]

بصراحه الاجهزه الحديثة للاسف اكشفت لنا معادن الناس وصدقوني انه احنا العرب اللي دايما نرتكب الغلط ومايفيد معانا لا التهديد

حتى لو تطلق اتقول عادي بس ما اترك جهازي

انا وايد ناس الله يستر عليهم عندهم خيانات زوجية والسبب البرامج تلقين الزوجه اتضيف شخص غريب او صديق عمل ولا تحفظ

اسمه على اساس بنت علشان زوجها لاينتبه لكن نست وجود رب العالمين و شلون راح تقدر اترجع الصورة المهزوزه اللي

صارت بعين زوجها وايضا انا اتكلم عن الزوج اللي يتبع نفس الطريقة اللي قلتها الله يصلح البشر ويهديهم لانهم لايعرفون

مذاق متعة الحياة وهي ذكر اسم الله ويجرون خلف زينة الدنيا