نسبتي 93 ادش حقوق ولا اصير مدرسة روضه ؟؟؟

[MiSs.Fshla=pP]

السلام عليكم

بنات انا نسبتي 93 ومحتاره الصراحه وين ادش

من وانا صغيره وانا ودي اصير مدرسة روضه وحيل حابه هالشغله بس الصراحه تحبطت لما قريت ردود بعض البنات بموضوع يذمون هالوظيفه ويقولون تعب وفيه لاصفي كل يوم ونروح كل اسبوع مكتبات يعني حتى لما نطلع من الدوام بنقعد نشتغل بالبيت ونفكر شنسوي كل يوم؟؟؟!! بس انا احب اليهال واحب اتعامل معاهم وجذي فا عشان جذي احس ودي اصير مدرسة روضه ..

اما حقوق الكل قالي حرام يايبه هالنسبه واخر شي ادش تربيه!!؛s

وقالو الحقوق منصب واذا خلصنا دراسه نقعد على مكتب وماكو تعب بس دراستها صعبه يقولون 600 صفحه على امتحان وانا ماقدر ادرس هالكميه حتى 40 صفحه بلياله ادرسهم واحس نفسي ما اميل حق هالكليه بس اذا صج طلع رياض الاطفال متعبه وتملل الواحد يمكن افكر اغير رايي

بليز ساعدوني باجريبدي تسجيلي ابي تقولولي بالتفصيل الممل الله يخليكم مو تقولولي دشي او لا تدشين وبس

ويعطيكم العافيه ..​

 

[MiSs.Fshla=pP]

وصج يقولون حطو مناهج يعني إندرس اليهال رياضيات وانجليزي وعربي وجذي ولا جذب وبس كلام ؟؟؟؟

 

[^^ananasa^^]

اول شي الف مبروك التخرج والنسبه
بالنسبه لرياض الاطفال الحين حاطينلهم ركن حاسوب بالصف
موبعيد باجر يحطون مناهج ثانيه اذا التربيه كل يوم لهم قرار ومناهجهم كل سنه تتغير

انا عن نفسي داومت ميداني وشفت ابلاتهم متأذين من قرارات ناظرتهم ومشرفاتهم
كل يوم يطلعون فكره ومحد ماكلها غير المدرسات شغل بالدوام وشغل بالبيت

انا موسيقى بس ابلاتهم كل يوم يتشكون من الناظره
بس موكل الروضات نفسً الشي حسب الاداره والناظره

والله يوفقج :eh_s(8):

 

[Om_Ksha]

لا تلقي بنفسج بالتهلكه انحاااااااااشي التخصصات علا افا من يشيل لا تورطين نفسج كا شهادتي قاطتها ومستقيله انا نفسج احب اليهال وغيره بس ماينفع اختاري تخصص زين بعدين وقت الوظيفه ترتاحين وينفعج

 

[بحر الذكريات]

الف مبروووك التخرج

صلي استخاره ياحياتي

انا مو مدرسة روضه بس اقول لج من الحين اذا تقدرين لاتصيرين مدرسه

 

[أميرة-]

حراااام نسبتج 93 تصيرين مدرسة روضة

الحقوق صج دراسته صعبة بس كتخصص حلو

 

[يـاسمين]

حرام عليج تصيرين مدرسة روضه ونسبتج وااايد حلوووه
صح ان الحقوق دراستها صعبه
بس الحقوق احسن
كمستقبل ومعااش وااايد قوي
وانتي استخيري مره ومرتين وثلاث وشوفي الاستخاره وين توديج

 

[@الليدي لين@]

لا ما انصحج اتصيرين مدرسة روضه

و انتي استخيري والله يكتب لج الخير

 

[رولكس ذهبيه]

لاتلقين بنفسك الي التهلكه راح تندميين

 

[anooy]

نصيحة انحاااااااااااااااااااااااااااااااشي من التدريس وحرام عليج تخلين الحقوق وتصيرين مهرج بهالمهنه كل يوم قرار كل يوم شي يديد ولا يحاسبونج ليش سويتي جذي من كثر قراراتهم منتي عارفة تمشين علي راي منو والله لو ماعلي قرض قوي جان من زماااااااااان منحاشة

 

[شكريه81]

حرام حبيبتي ما شاء الله نسبتك وايد حلوه روحي حقوق
حرام مدرسة روضه تره احنه المدرسات كرهن اليهالحتى عيالنه في البيت حرام مو قادرين نتحملهم نعطي كل اللي عندنه حق عيال الناس وعيالنه ما لهم شي

 

[أبله شقحه]

أنحاااااااااشي وبس من الرياض والله لو بعقلي مادخلت غصبا عني نقلني زوجي

 

[منـــاي]

حقوووووووووووووووووووووووووووووق

راح تتحسفين قد شعر راسج اذا دشيتي رياض اطفال وانتي يايبه هالنسبه

التدريس بكبره انحاااااااااااااااااشي منه لانه راح تحسين بالاهانه باجر لي توظفتي تيي على راسج ناظره نسره
ولا وكيله و تتامر عليج ويبهذلونج عيال الروضه وانتي يايبه نسبه ودارسه راح تحسين بغصه بقلبج

اصلا مافي مقااارنه شياب الي ياب ودام قدرتي تيبين هالنسبه بنقدرين تصيرين محاميه

وظيفه مرموقه و باجر لي توظفتي تستانسين عليها تاخذين شغلج و تخلصينه بالبيت يعني شغل فلاتي

وانشاءالله لي صار عندج يهال تدرسينهم بالبيت و تلعبين وياهم يعني تصيرين ابلة روضه بالبيت لوووول

واذا خايفه من الدراسه ترا غيرج مو احسن منج وهالكتب مو صحيح تدرسينها كلها مو معقوله يدرسون 600 صفحه

انا اشوف طلبة الحقوق مو ذابحين روحهم عالدراسه حتا في مذيع ماادري شنو اسمه دايما كان يطلع واهو طالب بالحقوق

ويقدم برامج بوقت امتحاناته الفاينل, كل شي بتسالين عنه راح تلاقين الكسالى يشتكون حتا بالتربيه في ناس كسالى و تشتكي و يخرعونج


فكري بالوظيفه و الراحه لان راح تشتغلين 15 سنه وقرارج الحين يحدد مصيرج

 

[سوبر لولو]

انا لمن تخرجت من الثنوي نسبتي كانت 93
دشيت حقوق وتخرجت بتفوق بعد
صج الحقوق يبيلها مجابل ودراسة بس والله حلوة وممتعه ولج برستيج
اول سنه كانت ازمه شلون بدرس 600 صفحه بس بعدين حيل سهالات تتعودين
انا صرت اعشق الحقوق وماشوف شي غيرها
اصلا شخصيتج تتغير

انا انصح بالحقوق وبشده
والراي الاول والاخير لج
بالتوفيق

 

[سوبر لولو]

ويا حلاتج لي تخرجتي باش محاميه او محققه