نشافة الملااااااااااااااااابس !!!!

[درابيل]

اشلونكم حبيباتي كويتيات ؟؟ إن شاء الله زييييينيييين؟







بغيت أسألكم عن نشافة الملابس لأني ناوية أشتري وحدة خاصة بهالمطر ما شااااء الله الملابس ندخلها داخل البيت و تظل جم يوم على ما تنشف ..........



فيا ريت اللي عندها نشافة تفيدنا .. شنو أحسن نوع ؟ صج عملية و مفيدة و لا إذا شريتها تطيح بجبدي؟؟ شنو الملابس اللي ما يصير استخدم لها النشافة؟؟؟


أتمنى تثرون الموضوع بتجاربكم عشان أنا و غيري نستفيد...


و مشكوووووووووووووووريييييييييين مقدما ..

 

[keeka]

هلا حبيبتي درابيل النشافه صراحه انا احسها وايد مفيده وتعودت عليها في انواع وايد منها اللي يحتاج تهويه وفي النوع اليديد اللي ما يحتاج ويكثف البخار ويطلعه مع الماي اللي عندي توها يديده ونوعها ال جي الموديل اليديد وعلى الملابس انا صراحه احط فيها كل شي حتى الكفرات الصغيره

 

[درابيل]

مشكووووووورة حبيبتي على الإفادة...............



أتمنى نسمع راي باقي البنات و تجاربهم ...........


ناطرة ردودكم !!!!!

 

[honey2005]

ماركة ويربول وااايد زينه عند الغانم

 

[supermarket]

الحين لازم بكل غسالة نشافة

اخذي الغسالة والنشافة مع بعض ( نفس الحوض )

اهي تغسل وتنشف وكلللللل شي ماباقي الا تشر الهدوم

 

[زيـنـه]

هلا حبيبتي درابيل النشافه صراحه انا احسها وايد مفيده وتعودت عليها في انواع وايد منها اللي يحتاج تهويه وفي النوع اليديد اللي ما يحتاج ويكثف البخار ويطلعه مع الماي اللي عندي توها يديده ونوعها ال جي الموديل اليديد وعلى الملابس انا صراحه احط فيها كل شي حتى الكفرات الصغيره

نفس كلام كيكه .. اللي عندي ال جي و النوع اللي تكثف البخار و تسويه ماي و تجمعه في خزان و انتي تفضين الخزان .. لان اللي نظامها تهويه ما تنفعني لاني بشقه .
و سعة اللي عندي 7 كيلو ..انتي شوفي شنو المناسب لج في 5 و 7 و 10 كيلو
و مفيده بس في ملابس ما يصير تحطينها فيها خوفج تكش و الا تخرب .. دايما اقري الورقه اللي على الملابس علشان اتقررين تحطين بالنشافه و الا تشرين على الحبل و الا المنشر .
و موفقه .

 

[honey2005]

حبيتي ال جي صناعه كورية مو شي
وبعدين روحي الغانم اذا تبين نشافه بس قتلج انصحج بالويربول اتكد وااايد وفيه بعد غساله ونشافه والتنشيف 100 % وايد حلوه ماركه فريجيتير مرت اخوي ماخدتها من الغانم وتمدحها واااايد

 

[التوت البري]

حبيبتي أنا عندي غسالة و نشافة Philco الامريكية من عند اليوسفي صارلهم ألحين عندي 5 سنوات و للحين ماشاءالله جنهم يدد و ماشتكيت منهم أبد