- إنضم
- 12 نوفمبر 2011
- المشاركات
- 14
- مستوى التفاعل
- 0
- النقاط
- 0
السلام عليكم ورحمة الله وبركاته
انا عضوه جديده ومو جديده بنفس الوقت
لاني متابعتكم من سنين بس سجلت مؤخرا اتمنى افيدكم زي ما استفدت منكم
ببداء معاكم بمشكلة بشرتي وكيف عالجتها سنين عند احسن الدكاتره وايش استفدت
اول شي بشرتي كل فتره يطلع فيها حب شباب مع العلاج التقليدي الطبي يروح الحمدلله
بس بعد زواج صارت ماتروح الحبوب ابدا تخف شووووي وترجع واللي زاد الطين بله صارت بشرتي جداااااااا دهنيه
ماخليت دكتور جلديه الا رحت له
مايفتح محل جديد لمنتجات العنايه بالبشره الا اشتريت
جربت ميشا ومحل لاش غير الماركات العالميه المعروفه والماركات الطبيه
وغيره وغيره من *كثر ماجربت نسيت ايش استخدمت وايش خليت بس*
ما اسمع وصفه طبيعيه الا حطيتها
احافظ ع غسل وجعي ٤ مرات باليوم بالغسولات الطبيه
واللي يشوف بشرتي قد ايش تعبانه يعتقد اني حتى ما اغسل وجهي
واستمرت المعاناه لييييين
مابقولكم كريم معين او خلطه زي ماتظنون
بقلكم الاشياء اللي استفدتها خلال رحلة معاناتي وخفت الحمدلله الحبووووووب
وابغاكم تتجنبو الاغلاط اللي وقعت فيها عشان تتجاوب معاكم بشرتكم وبكذا ان شاء الله اكون وفرت عليكم تجارب كثير سيئه
بداية اكبر غلط تسوونه بحق البشره الدهنيه المعرضه لحب الشباب غسلها باستمرار وهذا الغلط اللي وقعت فيه لدرجة صارت بشرتي دهنيه اكثر
بتقولون ليش انا اقلكم
اول شي البشره الدهنيه تخاف من الجفاف فلما تغسلينها باستمرار تضطر البشره انها تفرز كمية دهون مضاعفه عشان تحمي نفسها من الجفاف وبكذا احنا زدنا كمية الدهون بالبشره بكثرة غسل الوجه بدل ما نقللها
اغسليها مرتين باليوم واذا كنتي تستخدمي غسول طبي خليه مره باليوم والمره الثانيه بغسول خالي من الصابون او غسول طيني
الغسول الطيني ارشح كانيبو عندهم غسول طيني ارتحت عليه
٢- ابتعدي عن تونكات البشره اللي تحتوي ع كحول لانها تدمر البشره وطبعا في كثير ماركات تبيع تونكات بدون كحول روحي الصيدليه واسئلي*
٣- لا تخربطي بين الكريمات يعني انا كنت استخدم كريم وقايه من التجاعيد ع فكره عمري ٢٢ وكريم لعلاج حب الشباب وكريم مبيض وكل ماسمعت عن شي جديد تركت الكريمات اللي استخدمها ورحت لمجموعة جديده
طبعا هذا اكبر غلط خصصي لك فقط االكريمات اللي تحتاجيها ولما تخلص ابدي بشي ثاني
٤- لاتتوتري خليكي ريلاكس لان التوتر والقلق عند بعض الناس يزيد مشاكل بشرتهم انا من الناس اللي لما اتوتر يزيد عندي حب الشباب
٥- خصصي لبشرتك قناع معين مرتين بالاسبوع
يعني مو كل ماسمعتي بقناع او خلطه رحتي جربتيها بوجهك المسكين وكل يوم انتي بقناع
الزايد اخو الناقص كثرة الاقنعه تتعب البشره كفايه مرتين بالاسبوع وحسب احتياجات بشرتك
يعني بشره دهنيه نحط لها قناع للبشره الجافه ماينفع
*
٦- البشره الدهنيه زي اي بشره بحاجه للترطيب بس طبعا مو تستخدمون لها كريم دهني
استخدمي كريم يكون خالي من الزيوت اويل فري واهم شي يكون طبي لان البشره الدهنيه المعرضه لحب الشباب تكون حساسه وممكن مو اي شي يناسبها
٧- حاولي تبعدي شعرك عن وجهك لو كان دهني (كلام دكتورة الجلديه)
٨-غيري غطاء المخده كل يومين
٩- النصيحه المعروفه للكل قللي الاشياء المقليه والشكولاتات وكثري من المويه(مع الاسف مو ملتزمه بهذي النقطه )
١٠ - نصيحه نصيحه ابعدي عن اي كريم فيه كرتيزون سواء لعلاج الحبوب او للتبيض لان صدقيني بيخلي بشرتك روعه بس بعدها بيسوي فيهااااااا دمار شاااااامل
*
هذي هي النقاط اللي طلعت منها خلال رحلة علاجي
وقبل شهرين سويت تقشير كيميائي الحمدلله خفف اثار حب الشباب واحسه كمان خفف دهنيه بشرتي
وطبعا التقشير يكون تحت ايدي طبيب الجلديه
في كريم استفدت منه مره الحمدلله لتخفيف الحبوب جل اسمه spot treatment من شركة neostrata
وهو يجي مره صغير تقريبا ١٥g يتحط بس على الحبه
اتمنى اكون افدتكم لاتسوني من دعواتكم
انا عضوه جديده ومو جديده بنفس الوقت
لاني متابعتكم من سنين بس سجلت مؤخرا اتمنى افيدكم زي ما استفدت منكم
ببداء معاكم بمشكلة بشرتي وكيف عالجتها سنين عند احسن الدكاتره وايش استفدت
اول شي بشرتي كل فتره يطلع فيها حب شباب مع العلاج التقليدي الطبي يروح الحمدلله
بس بعد زواج صارت ماتروح الحبوب ابدا تخف شووووي وترجع واللي زاد الطين بله صارت بشرتي جداااااااا دهنيه
ماخليت دكتور جلديه الا رحت له
مايفتح محل جديد لمنتجات العنايه بالبشره الا اشتريت
جربت ميشا ومحل لاش غير الماركات العالميه المعروفه والماركات الطبيه
وغيره وغيره من *كثر ماجربت نسيت ايش استخدمت وايش خليت بس*
ما اسمع وصفه طبيعيه الا حطيتها
احافظ ع غسل وجعي ٤ مرات باليوم بالغسولات الطبيه
واللي يشوف بشرتي قد ايش تعبانه يعتقد اني حتى ما اغسل وجهي
واستمرت المعاناه لييييين
مابقولكم كريم معين او خلطه زي ماتظنون
بقلكم الاشياء اللي استفدتها خلال رحلة معاناتي وخفت الحمدلله الحبووووووب
وابغاكم تتجنبو الاغلاط اللي وقعت فيها عشان تتجاوب معاكم بشرتكم وبكذا ان شاء الله اكون وفرت عليكم تجارب كثير سيئه
بداية اكبر غلط تسوونه بحق البشره الدهنيه المعرضه لحب الشباب غسلها باستمرار وهذا الغلط اللي وقعت فيه لدرجة صارت بشرتي دهنيه اكثر
بتقولون ليش انا اقلكم
اول شي البشره الدهنيه تخاف من الجفاف فلما تغسلينها باستمرار تضطر البشره انها تفرز كمية دهون مضاعفه عشان تحمي نفسها من الجفاف وبكذا احنا زدنا كمية الدهون بالبشره بكثرة غسل الوجه بدل ما نقللها
اغسليها مرتين باليوم واذا كنتي تستخدمي غسول طبي خليه مره باليوم والمره الثانيه بغسول خالي من الصابون او غسول طيني
الغسول الطيني ارشح كانيبو عندهم غسول طيني ارتحت عليه
٢- ابتعدي عن تونكات البشره اللي تحتوي ع كحول لانها تدمر البشره وطبعا في كثير ماركات تبيع تونكات بدون كحول روحي الصيدليه واسئلي*
٣- لا تخربطي بين الكريمات يعني انا كنت استخدم كريم وقايه من التجاعيد ع فكره عمري ٢٢ وكريم لعلاج حب الشباب وكريم مبيض وكل ماسمعت عن شي جديد تركت الكريمات اللي استخدمها ورحت لمجموعة جديده
طبعا هذا اكبر غلط خصصي لك فقط االكريمات اللي تحتاجيها ولما تخلص ابدي بشي ثاني
٤- لاتتوتري خليكي ريلاكس لان التوتر والقلق عند بعض الناس يزيد مشاكل بشرتهم انا من الناس اللي لما اتوتر يزيد عندي حب الشباب
٥- خصصي لبشرتك قناع معين مرتين بالاسبوع
يعني مو كل ماسمعتي بقناع او خلطه رحتي جربتيها بوجهك المسكين وكل يوم انتي بقناع
الزايد اخو الناقص كثرة الاقنعه تتعب البشره كفايه مرتين بالاسبوع وحسب احتياجات بشرتك
يعني بشره دهنيه نحط لها قناع للبشره الجافه ماينفع
*
٦- البشره الدهنيه زي اي بشره بحاجه للترطيب بس طبعا مو تستخدمون لها كريم دهني
استخدمي كريم يكون خالي من الزيوت اويل فري واهم شي يكون طبي لان البشره الدهنيه المعرضه لحب الشباب تكون حساسه وممكن مو اي شي يناسبها
٧- حاولي تبعدي شعرك عن وجهك لو كان دهني (كلام دكتورة الجلديه)
٨-غيري غطاء المخده كل يومين
٩- النصيحه المعروفه للكل قللي الاشياء المقليه والشكولاتات وكثري من المويه(مع الاسف مو ملتزمه بهذي النقطه )
١٠ - نصيحه نصيحه ابعدي عن اي كريم فيه كرتيزون سواء لعلاج الحبوب او للتبيض لان صدقيني بيخلي بشرتك روعه بس بعدها بيسوي فيهااااااا دمار شاااااامل
*
هذي هي النقاط اللي طلعت منها خلال رحلة علاجي
وقبل شهرين سويت تقشير كيميائي الحمدلله خفف اثار حب الشباب واحسه كمان خفف دهنيه بشرتي
وطبعا التقشير يكون تحت ايدي طبيب الجلديه
في كريم استفدت منه مره الحمدلله لتخفيف الحبوب جل اسمه spot treatment من شركة neostrata
وهو يجي مره صغير تقريبا ١٥g يتحط بس على الحبه
اتمنى اكون افدتكم لاتسوني من دعواتكم
